ارجو الدخول مكالمه غريبه

**hugan** · 18-09-2013 03:16 AM

الاخوه الافاضل
الاداره
من دقائق يعني الساعه 2 صباحا
جالي تليفون علي الموبايل
من بنت
بتقولي حضرتك هوجان
قولت لها ايوه
قالت انها من البال توك

طيب خير
فوجئت بسيل من الشتائم
منتهي القذاره والانحطاط والسفاله
ومش عارف ليه
وقسما بالله لم استطيع ان انطق بكلمه واحده
هاقول ايه
اولادي صاحيين
ومش هاقدر ارد واعرف ارد عليها كويس
لكن في البيت ماينفعش
وفي اخر المكالمه
بتقول ان شخص اسمه ابو علم
هو اللي خلاها تتصل ووتشتم وتسب

مفيش حد يعرف اسم هوجان اللا في نايل موتورز
ومش مشترك في منتدي اخر باسم هوجان اللا في نايل موتورز
ومفيش حد يعرف اني مشترك باسم هوجان الا في البيت بس

مين ابو علم ده
وانا عملت ليه ايه
لاحول ولا قوه الا بالله
طب ابو علم ده لو راجل بجد
مش يعرفني نفسه
بدل ما يجيب واحد ساقطه وبنت ليل

ياريت لو حد يعرفه من الاعضاء
يقول

**janagabr** · 18-09-2013 04:07 AM

وممكن حضرتك تحط نمرة الموبايل هنا عشان الناس تساعدك في ايجاد صاحبها ويبقي انت خليت كل الاعضاء في محاولة بحث عن النمرة وممكن كمان ناس تتصل بيه تهزءة فهيزهق ويقوم رامي الخط ابعتلي ياباشا نمرة الموبايل الصراحة الموضوع مستجد ومهم ولازم يتم حسمه بطريقة شديدة والاخذ في الاحتياطات في كل النمر اللي الناس حطاها بغرض المساعدة

**برنس الليالي** · 18-09-2013 04:45 AM

الله ينتقم من كل ظالم شر إنتقام يسقطه ارضاً

**bmya** · 18-09-2013 05:08 AM

حاجه غريبه اوي بصراحه طيب ليه مسألتش اللي كلمتك دي على الاخ ابو علم ده يطلع مين يعني

**amr011111** · 18-09-2013 09:15 AM

طيب وهل هى من الغباء انها تقولك ان واحد مسلطها اسمه ابو علم وبعدين الاسم غريب
استنى اعتقد ان الموضوع ده وراه حاجه تانيه عملية نصب ولا حاجه. يعنى لو اتصلت بيك تانى متردش عليها وحطها فى البلاك ليست

**unl0veable** · 18-09-2013 09:25 AM

المشاركة الأصلية كتبت بواسطة janagabr

اولا متحطش في بالك الشتائم والكلام اللي البنت وجهتهولك ولا تهز نفسك ثانيا شوف حضرتك حطيت رقم تليفونك في اني موضوع هنا في المنتدي وطبعا هتكون حطيته بغرض المساعدة فقام الشخص اللي معانا هنا في المنتدي خد النمرة وخلي البنت تكلمك ثالثا اسباب الحركة النص كوم ده ايه اكيد اختلاف في السياسة واشتداد الاراء او اختلاف عند مقارنة سيارتين مع بعض لان في ناس غريبة الاطوار بتدافع عن نوع عربيتها وكاءن العربية مراته ولا صاحب المصنع ابوه وفي الخر تطلع العربية توك توك المهم خش علي كل المشاركات والمواضيع اللي تتوقع انك اختلفت مع حد فيها واعتقد ممكن تخلي ادارة المنتدي تساعدك في ايجاد عضوية حد باسم ابو علي

كلام موزون جدا - كبر دماغك وحسبى الله ونعم الوكيل

**maryano** · 18-09-2013 09:27 AM

انسان مريض و مش راجل اللي يعمل كده

**Y a r i s** · 18-09-2013 04:37 PM

بص يا هوجن يا صديقي
انتا راجل معروف في المنتدى من زمان بمشاركاتك الجميلة واخلاقك الحميدة وناس كتيررررررررررررررر بتحبك وبتحترمك واولهم انا ... ومدام في ناس كتير بتحبك وبتحترمك لابد كده يطلعلك واحد او اتنين مبيحوكش فلا تهتم. ولا تقلق ياعزيزي مدام ربنا ثم الناس بتحبك ... فحب الناس. غاية. لا تدرك ... اهم حاجة في الموضوع. المدام متعرفش لانك مهما حلفتلها على المية تبرد مش هتصدق ان الموضوع موضوع ابو علم او نايل موترز او بال توك وهتقول اكيد كنت متجوزها زمان واقعد بقه اقنع فيها انك بررررريئ. :) ... وتحياتي