أخر صدمة ليا مع شركة الكهرباء

**mohamed_selim** · 20-09-2013 08:08 PM

هو انت مينفعش تشغل تكييفين على عداد فازه واحده؟
الفرق بين التلاته فاز و الفازه الواحده فى القدره على وجود احمال اكتر ... يعنى لو شغلت تكييفين كل واحد واحد و نص حصان على عداد فازه واحده ممكن يستحمل بس لو حطيت الاتنين 4 حصان السلوك هتسيح .... يبقى يشتغلو على عداد 3 فاز عشان توزع الاحمال فقط لا غير انما لو فرضنا ان السلوك هتستحمل استهلاك الكهربا (كام كيلو وات ساعه) مع 3 فاز او فازه واحده مش هيتغير

تمن الميزه بتدفعه فى تمن العداد (العداد نفسه ال 3 فاز اغلى من العداد الفازه الواحده) و بتدفعه ان الصاعد بتاعك بيكون اغلى كتير بس فى الاستهلاك الاتنين واحد

**mohammadrashee** · 20-09-2013 09:04 PM

المشاركة الأصلية كتبت بواسطة mohamed_selim

هو انت مينفعش تشغل تكييفين على عداد فازه واحده؟
الفرق بين التلاته فاز و الفازه الواحده فى القدره على وجود احمال اكتر ... يعنى لو شغلت تكييفين كل واحد واحد و نص حصان على عداد فازه واحده ممكن يستحمل بس لو حطيت الاتنين 4 حصان السلوك هتسيح .... يبقى يشتغلو على عداد 3 فاز عشان توزع الاحمال فقط لا غير انما لو فرضنا ان السلوك هتستحمل استهلاك الكهربا (كام كيلو وات ساعه) مع 3 فاز او فازه واحده مش هيتغير

تمن الميزه بتدفعه فى تمن العداد (العداد نفسه ال 3 فاز اغلى من العداد الفازه الواحده) و بتدفعه ان الصاعد بتاعك بيكون اغلى كتير بس فى الاستهلاك الاتنين واحد

شكرا ليك ردك بس حضرتك مجاوبتش على اسئلتي
لأن ثمن الكيلو مختلف
لأن استهلاك الفازه بتحسب اكنه ثلاثة
وبعدين عايز اسالك على نقطه فنيه
لو عندي عداد 40/80 وسلك داخل للشقه من الصاعد 16 مللي يستحملوا 4 تكييفات 2وربع حصان ولا لأ لأني بعمل شقه ومحتاج رايك
انا قبل كده كنت مشغل تكييفين 2وربع عادي خالص عداد 220
وشكرا ليك

**MuhamedNabil** · 20-09-2013 09:34 PM

حصل معايا الموضوع دع بس ربنا وفقنى و قدرت الحق الممكن يتلحق. الحصل ان انا استهلاكى الطبيعى 80-90 بدون تكييف و ممكن اوصل 150 جم فى الشهر بالتكييف.
شهر يوليو جاتلى فاتورة ب 30 جم !!!!!!
بصيت على العداد لقيت ان فرق القراية بين الوصل و بين العداد لقيت حوالى 1000 وات وده مش الطبيعى, سألت المحصل قلتله انا عمرى مجالى فاتورة 30 استحالة انا طول الشهر مشغل التكييف.
روحت مكتب الكهرباء قالولى ان اخر فاتورة كانت تقديرية مش قراية من العداد او بالجهاز. و الاخت بالى منه ان اغلب الناس كانت نفس الوضع و التقدير كان اقل من نصف قراية الشهر القبله. يعنى حتى مفيش اى نوع من اى تفكير انه يقدر بحاجة قريبة من استهلاكك عشان ميغرمكش فى الفاتورة بتاعت الشهر البعده
المهم فى الاخر وزعوا الاستهلاك 1000 وات على شهريين بدل شهر و دفعتهم.
الغريبة بقى انى لحد دلوقتى مجليش فاتورة و شكلهم عايزين يعملوا الموضوع ده تانى

على العموم نصحتى لاى حد يحصل معاه كده انك تاخد اخر 3 فواتير و تشوفهم كانوا تقدير و لا قراية. بيبقى مكتوب فى الدفتر بتاعهم هناك و لو لقيتهم تقدير او واحدة بس منهم متتنزليش عن انهم يوزعولاك الاستهلاك على الشهرين و لو كنت دفعت الفاتورة التقديرية بيخصموا الانت دفعته من الحساب و تدفع الباقى.

من الواضح ان الموضوع ده كان فى كل القاهرة.

**mohamed_selim** · 20-09-2013 09:51 PM

المشاركة الأصلية كتبت بواسطة mohammadrashee

شكرا ليك ردك بس حضرتك مجاوبتش على اسئلتي
لأن ثمن الكيلو مختلف
لأن استهلاك الفازه بتحسب اكنه ثلاثة
وبعدين عايز اسالك على نقطه فنيه
لو عندي عداد 40/80 وسلك داخل للشقه من الصاعد 16 مللي يستحملوا 4 تكييفات 2وربع حصان ولا لأ لأني بعمل شقه ومحتاج رايك
انا قبل كده كنت مشغل تكييفين 2وربع عادي خالص عداد 220
وشكرا ليك

تمن الكيلو مش مختلف و ممكن تروح تسال فى شركة الكهربا
بالنسبه لقطر الصاعد يستحمل لو مش هتشغلهم كلهم مع بعض بس متحطش نفسك فى الموقف ده لانك مش ضامن ظروف التشغيل .... لو عايز تحسبها صح هتشوف اقصى سحب امبير كام و يتحدد قطر الصاعد على اساسه بس لو ٤ فى ٢ و ربع يبقى نصيحتى خليك ٣ فاز

**Forever.Leo** · 21-09-2013 06:15 PM

المشاركة الأصلية كتبت بواسطة timtim

هو اللعبة اللي حصلت ان ال 2000 كيلو المفروض يتوزعوا على 3 شهور انما هما حسبوهم استهلاك شهر واحد..
يعني مثلا 2000 ك على 3 شهور يبقى استهلاك الشهر 660 كيلو تقريبا ب 125 ج × 3 شهور = 375ج

اما لو اتحسبوا استهلاك شهر واحد يبقى 740 جنيه

احسبوها على الملف المرفق سابقا..

المشاركة الأصلية كتبت بواسطة zaki bashkha

للاسف السبب الاساسي فى الموضوع دا هو الكشاف والحركة القذرة دي كان برضوا بيعملها البوسطجي فى جوابات الناس , يقعد علي القهوة ويولع فى الجوابات اللي مفروض يوصلها للناس ,صدفت الظروف وكنت قاعد مع بسطجي وقالي حوار الجوابات دي وتخيل بقله حرام عليك يا اخي ما يمكن في الجوابات دي فيها حاجة مهمة , يقلي هو انا حيعدي علي كل بيت واطلع لكل شقه يعم كبر
حسب الله ونعم الوكيل فى كل واحد مش بيراعي ضميرة في شغله

المشاركة الأصلية كتبت بواسطة imhotep

ياريت منضخمش الامور و نضعها فى نصابها الحقيقى..... سبب القصة دى هو الكشاف اللى معندوش ضمير و بيعمل قراءات جزافية عشان الناس تخرج من شريحة استهلاكها للشريحة الاعلى و الفرق يصب فى مصلحة شركة الكهرباء و كلنا عارفين ان حوافز الموظفين فى الكهرباء بتيجى من القصة دى لدرجة ان فى ناس بتدفع الاف الجنيهات فى وسايط عشان تجيب تعيينات فى الكهرباء لان فلوسها حلوة و كله من عرقنا احنا
ادى كل الحكاية و ياريت الناس لا تتكاسل عن حقوقها و تروح ادارات شركات الكهرباء و تشتكى عشان يتعدلوا

+1 .. السر هو .. الكشاف الحقير ! .. بيعمل ده بتعليمات ؟! .. او شغل سرقة من عنده هو و المافيا بتاعته ؟! .. البيه المحترم .. بيجي في شهر يقرا قراية بسيطة اقل من العداد !! .. و في الشهر اللي بعده يلم القديم مع الجديد مع الجديد جدا ! .. لدرجة انه ممكن ما يسبش و لا كيلو .. علشان يدخلك في شرايح مرعبة ! .. زي الشريحة اللي بعد الالف .. فيها الكيلو وات الواحد ب 70 قرش ! .. و يبقى بكده دفعك الطاق .. اربع او خمس اضعاف ! .. ده نتيجة طبيعية .. لان قراية عدادات الكهرباء في مصر .. يحكمها المزاج .. و ما فيش اي طريقة محترمة تحميك كمستهلك و تفرض على شركة الكهرباء التقيد بمواعيد محددة للقراية العادلة .. حماية لك من ادخالك بشرائح مكلفة .. رغما عنك !

**أبو_يوسف** · 22-09-2013 11:27 AM

لما رحت شركة الكهرباء قالولي اسعار شرائح تانية غير وحتى غير اللي موجودة في الخبر المنشور على صفحة الاهرام دي:
زيادة شرائح الكهرباء للاستخدامات المنزلية فيما عدا الشريحة الأولى

يعني قالو عن اعلى شريحة اللي فوق ال 1000كيلو ب 67 قرش في حين انها في الخبر ب 55 قرش!!
نجيب الاسعار الرسمية منين يا جماعة؟

**S O P H O S** · 22-09-2013 04:37 PM

الفاتورة بحس انها بتيجي بالتوقع
يعني عمارة وعمارة
واسعار غير واقعية

**casperinoo** · 24-09-2013 06:59 AM

انا بقي القرايه في الوصل بتاع الشهر اللي فات جاتلي اعلي من اللي موجوده في العداد ساعة مادفعت الفاتوره ..
مدينة نصر برده
بس كانت 70 جنيه بس

**esam_refaat** · 24-09-2013 11:13 AM

المشاركة الأصلية كتبت بواسطة timtim

لما رحت شركة الكهرباء قالولي اسعار شرائح تانية غير وحتى غير اللي موجودة في الخبر المنشور على صفحة الاهرام دي:
زيادة شرائح الكهرباء للاستخدامات المنزلية فيما عدا الشريحة الأولى

يعني قالو عن اعلى شريحة اللي فوق ال 1000كيلو ب 67 قرش في حين انها في الخبر ب 55 قرش!!
نجيب الاسعار الرسمية منين يا جماعة؟

الموقع ده
تعريفة وأسعار الكهرباء