أخر صدمة ليا مع شركة الكهرباء

**أبو آسر** · 19-09-2013 08:16 PM

المشاركة الأصلية كتبت بواسطة mgheam

الموضوع بسيط وحصل مع الناس كلها
طبعاً قصص وحوارات عالم سمسم والبلد هتفلس والفاصوليا بـ 70 جنية والكلام ده بتاع الاخوان دي حوارات محفوظة الكلام فيها تضييع وقت
المهم
اللى حصل ان الكشاف اللى بينزل يلف يقرا العدادات كلهم لم ينزلوا بسبب الاحداث الفتره اللى فاتت
وكل الناس الفاتورة اشهر المحاسبة 2 او 3
تعمل زي وتروح للكهربا وياريت تعلى صوتك عليهم شوية زي ماانا عملت
المدير اتدخل وعملي طلب لتقسيم الاستهلاك ده كمتأخرات على الفواتير القادمه وده هينزل الشريحة ويخليك تتحاسب على سعر اقل للكيلو

دي مش قصص عالم سمسم ولا بتاعة الإخوان يا أخي الكريم يا إما حضرتك أكيد مش عايش في مصر !
أنا عمري في حياتي ما دفعت فاتورة كهربا 600 جنيه على استخدام شهر واحد مش شهرين أو 3 زي ما حضرتك بتقول لدرجة إني أول مرة أطلب من المحصل يقسطلي المبلغ يرفض ويقولي روح الشركة مليش دعوة !!
والكشاف كان بينزل عادي مفيش أي مشكلة لأني ساكن في مدينة العبور يعني ملهاش دعوة بأي قلق وبيعدي كل شهر
وكيلو الفاصوليا مش ب70 جنيه على فكرة ده ب23 جنيه بس ! لدرجة إني بفكر بدل ما أغير فلوسي دولارات أغيرها فاصوليا أحسن !!!
والغريبة إن حضرتك في أول كلامك معترف إن الموضوع ده حصل مع الناس كلها وبالرغم من كده بتقول الموضوع بسيط ! يعني صدفة دي البلد كلها تجيلها فواتير شهر 9 أضعاف الشهور اللي فاتت ؟!
للأسف البلد بتغرق وفي ناس من فرحتها وشماتتها في الإخوان مش عايزة تصدق كده وعمالة تعيش نفسها في الأحلام الوردية وإن الحمد لله الغمة انزاحت والإخوان غاروا والعسكر ركب والبلد هتبقى زي الفل زي أيام عبد الناصر كده !!
أقسم بالله غير حانث إن لو كانت الفاتورة دي في عهد مرسي لكان كلام حضرتك هنا اتغير 180 درجة وأصبح النقيض بالنقيض تماما والله يخرب بيتك يا مرسي ودي عمرها ما حصلت ... إلخ !
معلش على تحويل الحوار لسياسة بس الأخ الكريم هو اللي بدأ بتحويله لسياسة وكلامه استفزني شوية وكان لازم أرد
وأحب أختم بالتوقيع اللي بيضايق البعض وهو:
أقسم بالله أنا مش إخوان !!

**hossam_elwani** · 19-09-2013 08:39 PM

انا بقه جبت من الاخر مابخليش حد ابدا يقرأ العداد انا الى بديله القراءه كل شهر وبشرح لنقسى طبقا لجدول التشريح وبدفع الى على قد جيبيى

اللعبه كلها تتلخص فى القراءه والتشريح تابع دول وانت تستريح على الاخر انا بيجيلى 50 جنيه بعد ما كان بيجيلى بالغ خزعبليه

**mohamed_selim** · 20-09-2013 01:07 AM

العداد فى حسابه مبيفرقش 3 فاز او فازة واحده

**bmya** · 20-09-2013 06:10 AM

المشاركة الأصلية كتبت بواسطة hossam_elwani

انا بقه جبت من الاخر مابخليش حد ابدا يقرأ العداد انا الى بديله القراءه كل شهر وبشرح لنقسى طبقا لجدول التشريح وبدفع الى على قد جيبيى

اللعبه كلها تتلخص فى القراءه والتشريح تابع دول وانت تستريح على الاخر انا بيجيلى 50 جنيه بعد ما كان بيجيلى بالغ خزعبليه

معلش ياباشايعني ايه بتشرح لنفسك

**أشرف العدوي** · 20-09-2013 11:22 AM

الـ 2000 كيلوا في شهر واحد مش شهرين على فكره
انا هتجنن بجد
انا اصلاً مش بقعد في البيت كتير اساساً

**mohamed_selim** · 20-09-2013 06:51 PM

المشاركة الأصلية كتبت بواسطة mohammadrashee

2000 كيلو في شهر واحد
طيب ممكن عشان خاطري تعمل اللي بقوله
شوف واحد انت تعرفه وتعرف نمط استهلاكه ويكون زيك بس عداده 220 مش 3 فاز
وتشوفه يستهلك كام في الشهر هتلاقيه بيستهلك حوالي 600 كيلو في الشهر
الإخوه اللي بتقول ال3 قاز زي العادي كلام مش مظبوط
تعالي ناخدها بالعقل لو العداد 3 فاز يعني انت واخد 3 سلوك كهرباء يعني 3 مرات واحد تاني عداده 220 يعني عنده فرده واحده كهرباء
في معلومه مهمه عداد المصنع عندي 3 فاز بيعد وهو شغال وبيعد وهو واقف لأنك ضيعت على شركة الكهرباء فلوس
اتاكد من المعلومه ديه
وقبل ما الاقي هجوم من الرجاله وتقولوا كلام مش مظبوط ده كلام الكشاف واللي بحاسب عليه فعلا
مثال الشهر اللي بشغل فيه المكن بدفع ضعف الشهر اللي واقف فيه يعني 5000 جنيه و 2500 جنيه

و لا هجوم ولا حاجه ... بص حضرتك انا مهندس كهربا و بتكلم فى حاجه فاهمها ... الكشاف بيبقى دبلوم تجاره (مع احترامى لدبلوم التجاره لما اساله على دفتر او طريقة رصد و حساب حاجه) بس لما نفتى فى اللى منعرفوش يبقى هجص !
على العموم فى الاخر كل واحد يصدق اللى عايزه :)

بالمناسبه انا العداد عندى 3 فاز و عايشين 3 كبار و 3 اطفال فى البيت منهم ست كبيره قاعده فى البيت طول النهار و الغساله بتشتغل 3 مرات فى اليوم و استخدام التكييف متوسط مع الانوار 24 ساعه فى 4 غرف ... استهلاكى من غير تكييف 400-450 و بالتكيييف 550-600 .... مش 2000 ولا 3000 ...

**mohammadrashee** · 20-09-2013 07:43 PM

المشاركة الأصلية كتبت بواسطة mohamed_selim

و لا هجوم ولا حاجه ... بص حضرتك انا مهندس كهربا و بتكلم فى حاجه فاهمها ... الكشاف بيبقى دبلوم تجاره (مع احترامى لدبلوم التجاره لما اساله على دفتر او طريقة رصد و حساب حاجه) بس لما نفتى فى اللى منعرفوش يبقى هجص !
على العموم فى الاخر كل واحد يصدق اللى عايزه :)

بالمناسبه انا العداد عندى 3 فاز و عايشين 3 كبار و 3 اطفال فى البيت منهم ست كبيره قاعده فى البيت طول النهار و الغساله بتشتغل 3 مرات فى اليوم و استخدام التكييف متوسط مع الانوار 24 ساعه فى 4 غرف ... استهلاكى من غير تكييف 400-450 و بالتكيييف 550-600 .... مش 2000 ولا 3000 ...

انا شاكر ليك زوقك في ردك لكن لي كام سؤال
سعر الكيلو في ال220 كام وسعر الكيلو في ال380 كام
لو عندي 3 فاز واخذت كل فرده ووصلتها بتكييف لوحدها يعني ال3 فاز شغالين ممكن تقولي العداد يعد ازاي
آخر سوال
لو تكييف واحد اللي شغال يعني فازه واحد هيعد ازاي نفس اللي فات ولا أقل
يا فندم ال3 فاز ميزه عن ال220 يبقى حضرتك لازم تدفع ثمن الميزه
وحضرتك العداد فيه قرايتين شغال ونسبة الفقد صح ولا لأ
الا لو المصنع فيه لوحة مكثفات تقلل الفقد
يا ريت تصححلي كلامي

-

-

-

الموضوع: أخر صدمة ليا مع شركة الكهرباء

LinkBack

أدوات الموضوع

عرض

-

-

-

-

المواضيع المتشابهه

مرتب محاسب فى شركة الكهرباء

وقفة ضد شركة الكهرباء

شركة الكهرباء هاتجننى

عندى اختبار فى شركة الكهرباء

شوفوا اللي عملته فينا شركة الكهرباء

الكلمات الدلالية لهذا الموضوع

المفضلات

المفضلات

ضوابط المشاركة