الموضوع: نتائج حادثة تويوتا ياريس

المشاركة الأصلية كتبت بواسطة أبو عبدالله

يا احمد باشا

هو معنى ان دي معمره عن دي هل ده معناه ان واحده بتعيش والتانيه مش بتعيش
المعنى ان المعمره اكتر هتقعد فتره اكبر وهتتغير بعد فتره اكبر
بس

برده بتقول كلام التوكيل بينفيه يعنى مثلا تيل الفرامل فى كل شركات العالم حاليا بيقعد من 20 الى 30 الف حسب كلما توكيلات مصر و رغم كده تيل فرامل الكورلا جنوب أفريقى مثلا 450 جم و اليابانى 900 جم !!
بلاش حكاية معمرة دى معايا لإن أنا كان معايا لانسر قبل الميجان و حاليا معايا برضه ياريس
من الأخر كله بيعيش نفس المده طالما أصلى

المشاركة الأصلية كتبت بواسطة أبو عبدالله

ثانيا انا والله مجربتش طاسة الميجان بس جربت طاسة الكورولا وجربت بتاعت الكليو
عندك مثلا طاسة الكليو والله لو شفتها هتصعب عليك اي حاجه بتتكسر عالطول وتحس انها متفعكشه كده من بعضها وطبعا هيا دلوقتي في خبر كان خلاص

طيب ما هو مصنع عقل بيعمل الأربع طاسات بــ 80 جنيه لأي عربيه او 100 جنيه
هل مش بتعيش .... بتعيش برضه ولكن فرق خامات وفرق استحمال اكيد في السخونية بتاعت العجل

بلاش كلام على طاسة الكرولا بالذات أنا ليه واحد صاحبى كان ساند رجله عليها وضغط عليها جامد قامت مكسورة !!!
يعنى برده كله زى بعضة و طاسة الميجان الأصلى و الياريس الأصلى عندى تعالى شوفها و قارن بينها و بين خامة الياريس علشان تتأكد إن الميجانتحس إنها أقوى منها و خامتها أفضل و رغم كده أرخص و سلملى على الين

المشاركة الأصلية كتبت بواسطة أبو عبدالله

المشاركة الأصلية كتبت بواسطة أبو عبدالله

يا احمد مفيش حاجه غاليه كده
امتى تقولي غاليه لما تقولي سعرها بره مصر ارخص من هنا في مصر
اما لو من المصنع الأم سعرها غالي اكيد الناس مش هابله يعني ومش عارفين انهم اغلى من الماركات التانيه في الحاجه دي

طيب ما عندك مثلا بوجيهات الكورولا او الياريس بــ 50 جنيه بره ودينسو أصلي

شوف بقه عاوز تقارن صح علشان نخرج بره جشع التوكيلات

قولي اسعارك بره التوكيل كام
يعني قولي على اسعار الميجان مثلا بره التوكيل بكام
وانت هتعرف مين اللي غالي فيهم وابقى سلملي على اليورو يا ريس

و إنت تضمن منين إن إللى بره التوكيل دا أصلى و لا مش ضربيت التكيت

المشاركة الأصلية كتبت بواسطة tamagogo

اخيرا انا مستغرب ازاي توكيل تويوتا بجلالة قدره وبعد ما اخد مني 20000 يطلع لي عربيه فيها غلطات وما خفي كان اعظم

من ساعة ما استلمتها وانا حاسس ان الموتور بيتهز جامد قوي مش عارف ده كهربا ولا تأثير الحادثه عايز اروح تاني بس هروح بتاع العباسية المره ديه. وربنا يستر

توكيل ابو رواش فيه تجهيزات جامده بس للاسف الصنايعيه ماعندهمش خبره ومافيش كواليتي كنترول كويسه

20 الف كتير جدا , على خبطة بهذة الشكل فى الرصيف
واضح ان الياريس حساسة جدا لاى اصبات , برغم انها من العربيات العالية , لكن برضو لم تسلم من الرصيف , و العربية غالية اساسا .

انت لو كنت صلحتها برة كانت حتتكلف كام ؟

-على فكره يا جماعه خبطه الرصيف ده من اوحش الخبطات الى ممكن الواحد يتعرض ليها
بالرغم من انها بسيطه الا انها بتاخد معاها حاجات كتير
واحد صاحبى معاه لانوس دخل فى رصيف طوله حوالى 30 cm العفشه كلها اترمت والسرنينه والريدياتير والفتيس وكمان العربيه شيست
ناس اعرفهم معاهم هيونداى اكسيل مو 97 دخلوا فى رصيف العربيه دخلت التوكيل اتكلفت 20 الف جنيه انا مش ازاى التأمين مدخلش العربيه توتال لوس (لان العربيه كلها هتجيب كام لواتباعت
ده غير الاصابات الى حصلتهم
- انا عندى مكتوب فى كتالوج الانسر ان الاير باج تطلع لو خبطت فى الرصيف وانت على سرعه 25 كم
(استاذ ابوعبدلله العربيه الكليو الى دخلت فى الرصيف والاير باج اتفح ده حاجه طبيعه جدا بالعكس العربيه ده عملت الى عليها )وبعدين 27 الف جنيه علشان تصلح حادثه فى التوكيل مش كتير ده لو عربيه صينى هتكلف الملبغ ده ,انت مش بتصلح فى التوكيل )

المشاركة الأصلية كتبت بواسطة iunknown

للاسف بعد أي حادثة (مهما كانت صغيرة) حتى لو صلحت في التوكيل العربية مبترجعش زي ما كانت.
وده مش راجع للحادثة
ده راجع لقلة الضمير والكروتة اللي متفشية في البلدز

محدش بيشيك على شغله ومراقبة الجودة (لو موجودة) فهي اسم فقط


دي من الحاجات اللي بتأكد لك انك أكيد أكيد في مصر

صح والله
التوكيل غريب جدا فى تصليح الحوادث
اولا- بيغير حاجات ملهاش لازمه
ثانيا بيعمل الى على مزاجه ,يعنى العربيه عنده انا ماشوفهاش الا نادرا لو فيه ملاحظه قبل الدهان مش هتعمل لو فيه فروق فى الصاج مش عتعمل برضو
ثالثا مرحله دهان العربيه التوكيل بالذات لو العربيه فى التأمين بيدهن على مزاجه
يعنى على فرض ان العربيه النص الادمانى هوه الى عايز يدهن مكان الحادثه يروح داهن العربيه كلها والعربيه مثلا تكون 2008 او 2007 ويا سلام بقى لو عربيه 2007 او 2008 و رشه كلها بره
او الاكصدمات فيها تجريحه لا ترى بالعين المجره يقوم ممعجن الاكصدام كله ودهنه
انا مبعترضتش على انه يدهن بس المفروض انه يسأل العميل الاول خصوصا لو العربيه فابريكه من بره
لاكن بره لو معاك صنيعى كويس لو ليك اى ملاحظه على العربيه تخليه يعملهالك صاج مفارق ولا حاجه
الدهان هتدهن المناطق الى على مزاجك وتختار احسن واحد بتاع دوكو براحتك

بس برضو التوكيل سعات بيكون مهم لو فى شغل فنى زى اير باج فتحت - العفشه ايه الى حصل فيها - الخبطه جت فى الماتور

يا جماعه قطع الغيار مش غاليه للدرجه ديه بس التوكيل هنا هو اللى بيستهبل.
الكمبروسور جديد من قطر ب 3000 جنيه مش ب 7000 جنيه , وهو هو نفس الكمبروسور. بس هنا الاستهبال الى ابعد مدى, كاننا اغني من الخليج.

ثانيا: فعلا مافيش كوالتي كونترول في توكيل ابورواش. مش معقول ان التوكيل يطلع العربيه من غير ما يربط الاكصدام وتكون قربه الميه والسربنتينه مفكوكه , اللى عايز اقوله انهم مابذلوش جهد عشان الحاجات العبيطه ديه فاكيد ما بيبذلوش اي جهد عشان يتقنوا شغلهم في الحاجات الكبيره زي تظبيط الشاسيه والسمكره واللحامات والكلام ده.