الموضوع: رايكم فى الميجان

المشاركة الأصلية كتبت بواسطة rsarabia

زى ما قلت لحضرتك الميجان كلها حتى المتصانة الزيرووو هيجيلها وقت و هتعطل و تحتاج حاجات تتغير فلو هتقدر على التوكيل اتكل على الله

مثال بسيط فيشة طرمبة البنزين فى التوكيل بحوالى 450 جنيه مجرد فيشة :)
برة جبتها ب 120 جنيه

دا مثال و ليس حصر

لو مش هتوديها التوكيل خليك فى لانسر او النترا

كلام حضرتك سليم بس ده ينطبق علي اي عربية مش الميجان اي حاجه في اي عربية هيجلها وقت وتعطل او تحتاج تتغير ومش شرط الشراء من التوكيل لاني سألت ناس كتير مش بتعمل صيانتها في التوكيل بيعملو مثلا في صقر قريش بيقولوا انا حاجتها متوفرة ومش غالية قوي وناس كتير بتفهم في تصلحهاهناك معرفش ده صح ولا غلط وايه اللي يخلي فيشة تعطل الا اذا كانت اتقطعة لو انا فاهم صح ممكن حضرتك توضحلي وشكرا

المشاركة الأصلية كتبت بواسطة haisam ali

عربيه ممتازة جداً وصيانتها سهله جداً بس تروح عند الناس الصح واهم حاجه تشتريها نظيفه جداً وسيبك من الناس هتخوفك منها دى سياسه الكورى واليبانى فى الشعب المصرى أما من رأى الشخصي هاتها واحنا هندلك تصلحها فين وعند مين وبكام باذن الله

فعلا انا معجب بيها وارتحت جدا لما جربتها وفعلا ناس كتير تشكر فيها وناس تقولي بلاش ويمكن اللي بيحشها حصلت ليه مشكله او فيها عيب زي الفتيس مثلا فكرها اكيد طبعا يكون ليا الشرف لو اتعرفت علي حضرتك وعلي الناس الحلة اللي فعلا هيكونوا خبرة لان الواحد بيكون جديد مش عارف يعمل ايه ان شاء الله علي اول السنة ربنا يجعل من نصيبنا عربية كويسه ان شاء الله

والله العظيم الشعب المصرى الجميل ده هو الى مودي العربية دي في داهية مع انها عربية زيها زي اي عربية بس نقول ايه بقى ناس تطلع اشاعات وناس تعلى في سعر الحاجه على حس الأشاعات رغم ان نفس الحاجه ديه موجوده في عربيات تانية كتير وبرخص التراب ..
انا بس عاوز اقولكم ان العربية الميجان بتيجي من بره نصين كاملة مكملة بحالة الزيرو بـ 30 الف ولو دخلنا على مواقع شركات قطع الغيار على النت هتلاقو اسعار قطع غيارها عاديه جداً زيها زي اي عربية تانية بس طبعاً تجارنا الحلوين بيشوفو الحاجات المطلوبه كتير ويرفعو في سعرها طبقاً لسياسة العرض والطلب
واخيراً لنا الله وبرضه الميجان عربية ممتازة بكل المقاييس واعطاله ومشاكلها موجود زيها واكتر في كل العربيات والناس الى بتحافظ على عربياتها بتفضل سليمة اما المهملين حدث ولا حرج

المشاركة الأصلية كتبت بواسطة haisam ali

باشا انا اشتريتها من ٣ سنين ميجان ٢٠٠٥ كانت ماشيه معايا فى العداد ٦٠ ألف كيلو كان صاحبها من القاهره وبيصينها فى فرنش موتورز المهم قعدت الناس تقولى زيك بالظبط ابعد عنها ميجان ايه ده الكارت بتاعها ب ٥ آلاف جنيه واى هتى فى البطيخ المهم انا صممت وجبتها والله عربيه محترمه جداً عايز اقولك أنى مثلا انا اللى مركبلها مثبت سرعه انا من غير صنيعيه جبت ألطريقه هنا من نيل موتورز برضك من اخواتنا وروحت اشتريت الحاجه وركبتها زى ماهوما قالوا واشتغلت زى الفل فانت بس دور على حاجه محترمه مش متهانه واحنا معاك باذن الله مش هتتعب

ما شاء الله ربنا يبارك لك فيها ويكفيك شرها مع اني كلهم بيقولوا ابعد عن 2005 عشان فيها عيب في الفتيس هات من 2007 وواضح حضرتك عندك خلفية عن العربية كبيرة مش المثبت ده بيكون في الدريكسيون وكلفك كام تقريبا ودعواتك ليا بقي ان الاقي حاجه كويسه لاني سألت في التوكيل عن الكشف قلولي ب 550 ج للكشف الكامل ولو ماتور وفتيس ب 300 كتير قوي وممكن يكون في العربية حاجه ومش اشتريها وهل بقي كل عربية هروح اكشف عليها هناك

المشاركة الأصلية كتبت بواسطة shiref_mohamed

والله العظيم الشعب المصرى الجميل ده هو الى مودي العربية دي في داهية مع انها عربية زيها زي اي عربية بس نقول ايه بقى ناس تطلع اشاعات وناس تعلى في سعر الحاجه على حس الأشاعات رغم ان نفس الحاجه ديه موجوده في عربيات تانية كتير وبرخص التراب ..
انا بس عاوز اقولكم ان العربية الميجان بتيجي من بره نصين كاملة مكملة بحالة الزيرو بـ 30 الف ولو دخلنا على مواقع شركات قطع الغيار على النت هتلاقو اسعار قطع غيارها عاديه جداً زيها زي اي عربية تانية بس طبعاً تجارنا الحلوين بيشوفو الحاجات المطلوبه كتير ويرفعو في سعرها طبقاً لسياسة العرض والطلب
واخيراً لنا الله وبرضه الميجان عربية ممتازة بكل المقاييس واعطاله ومشاكلها موجود زيها واكتر في كل العربيات والناس الى بتحافظ على عربياتها بتفضل سليمة اما المهملين حدث ولا حرج

فعلا يا استاذ شريف كتر الكلام ده اللي بيخوف الواحد واكيد بيؤثر علي العربية واكيد اير عربية لو هتحافظ عليها هتكون كويسة هو في مواقع لقطع الغيار اول مرة اعرف

[QUOTE=haisam ali;3875199752]والله ياباشا انا من يوم ماشتريتها الحمد لله ماظهرليش أى حاجه مضلعه غير ترس الديفيزور وده حاجه عاديه جداً ومره شريط الايرباج وبرضه عادى جداً غير كده الحمد لله وحجات بره استيراد ببلاش انا عملت المثبت كلفنى ١٠٠٠ جنيه وكله فك وتركيب فيشه بفيشه الحمد لله[/QUOT

معلش يابشا هو ايه الديفيزور والشريط ده مش غالين باردوا وعملتهم في التوكيل ولا فين معلش سامحني لو اسألتي كتيرة
وشكرا