الموضوع: رايكم فى الميجان

والله انا كنت عايز اعمل موضوع عن النقطة ديه .. انا معايا العربية من شهر 1 اللى فات وعلى فكرة 2005 كمان
بس غيرتلها فتيس بس كنت عارف وانا بشتري وسعر الفتيس نزل من البيعه ..
العربية بالنسبة لسعرها فوق الممتازة وغيرت فيها شوية حاجات - بطاحات وتيل فرامل - والسعر مش عايز اقولك ارخص من البومة مثلا .. الاهم زى ما كل الشباب بيقولوا انك تشترى عربية حالتها ممتازة وصدقني مع معرفة الناس الصح وانك ماتمشيش ورا الاشتغلات هاتفرح بالعربية

حاجة تانية كل شي قدر عايزك تقتنع تماما بكده اعمل بالاسباب ودع الباقي لله وتأمد من ذلك هاتستريح مع اي عربية هاتشتريها

المشاركة الأصلية كتبت بواسطة ahmed elhddad

والله انا كنت عايز اعمل موضوع عن النقطة ديه .. انا معايا العربية من شهر 1 اللى فات وعلى فكرة 2005 كمان
بس غيرتلها فتيس بس كنت عارف وانا بشتري وسعر الفتيس نزل من البيعه ..
العربية بالنسبة لسعرها فوق الممتازة وغيرت فيها شوية حاجات - بطاحات وتيل فرامل - والسعر مش عايز اقولك ارخص من البومة مثلا .. الاهم زى ما كل الشباب بيقولوا انك تشترى عربية حالتها ممتازة وصدقني مع معرفة الناس الصح وانك ماتمشيش ورا الاشتغلات هاتفرح بالعربية

حاجة تانية كل شي قدر عايزك تقتنع تماما بكده اعمل بالاسباب ودع الباقي لله وتأمد من ذلك هاتستريح مع اي عربية هاتشتريها

ربنا يباركلك فيها انا مقتنع بكلمك استاذي الفاضل وانك تشتري عربية وانت عارف ان هتغير فتيس دي مجازفه في حد ذاتها لكنك واضح مقتنع بيها زي بس في شوية قلق من اسعار قطع الغيار والاعطال كلفك كام الفتيس وبعد تغيره في اي مشاكل شكرا

المشاركة الأصلية كتبت بواسطة semsem85

ربنا يباركلك فيها انا مقتنع بكلمك استاذي الفاضل وانك تشتري عربية وانت عارف ان هتغير فتيس دي مجازفه في حد ذاتها لكنك واضح مقتنع بيها زي بس في شوية قلق من اسعار قطع الغيار والاعطال كلفك كام الفتيس وبعد تغيره في اي مشاكل شكرا

الفتيس ومتشال قدامي من عربية استيراد بمشتملاته بزيته معاه كمان طقم الخراطيم اللى فوقيه ده بالتركيب عمل في حدود 5000 وكسور والحمد لله رب العالمين من ساعتها مافيش اى مشاكل الامر بس انى بيت يومها في القاهرة - انا من الاسماعيلية - والحمد لله كله تمام.
حاجات تانية غيرتها

• طقم تيل فرامل امامي فاليو تركي بتركيبه 230 جنيه
• طقم تيل خلفي فاليو برده بتركيبه 130 جنيه
• جوز بطاحات امامية بالتركيب 260 جنيه
• كشف دوري على العربية كل 4 شهور تقريباً 25 جنيه

وخد بالك مرة الباور فصل مني مرة واتصلت بمصطفي شاهين - واحد بيصلح رينو في القاهرة - وسألته على كل الاحتمالات وكان من ضمنهم قطمة دليكسيون وقالى بتركيبها بالحساس بتاعها بحوالي 700 جنيه .. اللى زيها في النيو أكسنت - واهى كوري اهوه - اللى الباور بتاعها كهربا بأكتر من 1000 جنيه :) والاتنين استيراد
بس الحمد لله المشكلة طلعت في فيوز وانا عملتها بنفسي بعد ما قريت موضوع في منتدي أجنبي متخصص في الميجان..

القصد غالب قطع غيار العربية ديه سعرها في مجال اى عربية في حجمها يمكن أغلى بس مش لفارق فلكي واحيانا كمان أرخص المهم المهم أنك تشترى عربية تكون حالتها كويسه ومش ملعوب فيها كتير والأهم انك تسأل كويس قبل أي شغل في العربية لأن كم الاشتغالات في العربية ديه - خاصة لو انت من بره القاهرة - هو اللى مخلي سمعتها كده انما في الحقيقة العربية كويسة جدا وصيانها مش مفزعة زى ما في ناس كتير متخيلة ده على في حدود تعاملى مع العربية لغاية دلوقتي ..
استخير ربنا وزي ما قلتلك إعمل بالأسباب وأن شاء الله ربنا يلهمك الخير ليك