الحمد لله ,الأمبريزا اتخبطت النهارده

**m_am** · 18-09-2013 04:13 PM

الحمد لله في الأول و في الأخر , النهارده الصبح و انا جي الشغل بعدي التقاطع سواق تكسي حسبي الله و نعم الوكيل فيه قرر يرجع بظهره من غير لا يبص في مرايات ولا حاجه و النتيجه خبطه في الرفر الأمامي شمال - حته منه اطبقت لجوه - , الحمد لله على كل حال , بس انا دلوقتي مش عارف اعمل ايه ؟؟ انا عملت محضر بس مش عارف هل ابلغ التأمين باللي حصل و ممكن في اخر السنه يرفعوا عليا القيمه ؟؟ ولا اتعامل انا مع التوكيل و خلاص ؟؟ طيب و الأسعار في التوكيل ايه ؟؟ يعني لو ردها كده ع البارد من غير رش ولا حاجه عشان الفبريكا ممكن تدخلها في كام ؟؟ ولا الأفضل اصبر عليها شويه و ابقى اجيب رفرف على بعضه فبريكا و يفضل شكل العربيه كويس ؟؟

يا ريت رجاله السوبارو يقلولي احسن حل اعمله ايه دلوقتي ؟؟؟

**teto007** · 18-09-2013 04:46 PM

قدر الله وما شاء فعل الحمد للة انك كويس ومتقلقش ردها سهل ومش حتتكلف كتير ان شاء اللة وربنا يعوض عليك

**m_am** · 18-09-2013 08:42 PM

المشاركة الأصلية كتبت بواسطة teto007

قدر الله وما شاء فعل الحمد لله انك كويس ومتقلقش ردها سهل ومش حتتكلف كتير ان شاء الله وربنا يعوض عليك

الحمد لله قدر و لطف , انا بخير و الحمد لله اوي جت في الرفرف مش في حاجه في جسم العربيه , متشكر اوي لحضرتك

**Kareem.ElAraby** · 18-09-2013 05:04 PM

سيبها تاخد العين

**m_am** · 18-09-2013 08:43 PM

المشاركة الأصلية كتبت بواسطة kareem.elaraby

سيبها تاخد العين

ما انا ناوي اردها بحالها كده و اسبها شويه , يلا الحمد لله جت في حاجه بسيطه , متشكر يا كريم

**Haitham Basha** · 18-09-2013 05:06 PM

لا إله إلا الله ... قدر الله و ما شاء فعل ... ربنا يعوض عليك بسيطة إن شاء الله ... تترض يا باشا و مش هتاخد شغل كتير إن شاء الله تعالى متقلقش و كويس إنها جت على أد كده ...

**m_am** · 18-09-2013 08:44 PM

المشاركة الأصلية كتبت بواسطة haitham basha

لا إله إلا الله ... قدر الله و ما شاء فعل ... ربنا يعوض عليك بسيطة إن شاء الله ... تترض يا باشا و مش هتاخد شغل كتير إن شاء الله تعالى متقلقش و كويس إنها جت على أد كده ...

الحمد لله جدا كل ما بفكر انها كان ممكن سنه و تيجي في الباب ولا في قايم بقول اللهم لك الف حمد و شكر , متشكر اوي يا هيثم ربنا يبارك فيك

**teto007** · 19-09-2013 10:43 AM

متنساش تطمنا عملت ايه

**m_am** · 19-09-2013 10:47 AM

المشاركة الأصلية كتبت بواسطة teto007

متنساش تطمنا عملت ايه

ان شاء الله , متشكر اوي لأهتمامك و اهتمام كل الرجاله , ربنا يحفظ طريقكم و يحفظلكم عربياتكم ان شاء الله

**mahmoud_afifi** · 18-09-2013 05:41 PM

حسبي الله ونعم الوكيل في استهتار سواقين التاكسي.

المهم, لو اللون الحمدلله لسه موجود. حضرتك هتروح لسمكري كويس يردهالك على البارد وهترجع زي الاول.
ولو سمكري كويس وغالي مش هتكلفك غير 300 جنيه احسن ما الرفرف يترش حرام.
كان في مكان في مدينة نصر اسمه Zero عنده شفط الصاج من غير ما تحتاج ترش. مش عارف لسه شغالين ولا لأ