طقطقه في لفه دركسيون التيدا !!!

**krooota** · 19-09-2013 02:27 AM

السلام عليكم ...
انا معايا تيدا 2011 ومن يوم ما اشتريتها ومع كل لفه للدركسيون بيتقطق سواء كنت واقف او والعربيه ماشية ..... اولا :: سألت الوكيل السبع في المنصورة قالي عادي مفيش منه مشاكل وموجود في عربيات تيدا كتير بس اللي شفته العكس ...
ثانيا :: سألت ناس قالولي انه من حركه الطنابير مع التيل وعادي برده وناس تانيه قالت اسكترا يا باشا ... بصراحة الصوت مجنني بقاله سنتين ومش عارف اعمل ايه ؟؟؟

سؤال تاني وآسف للإطاله :: وانا بغير التيل العفشجي الغبي رما حاجه اسمها ريش بتمسك التيل علشان ميتخلخلش ومن يوم ما اتشالت وجبت تيل اصلي حتي وصوت الصفاره لسه موجود علي طول سألت الوكيل قالي مبنجبش الحاجات دي لأنه محدش بيطلبها ؟؟؟؟؟

ارجو المساعده ..... وشكرا

**hassanin_lada** · 19-09-2013 02:38 AM

اخبار الكبالن ايه ؟؟

**m_love4me** · 19-09-2013 08:29 AM

طقطقه الدركسيون ف التيدا , مشهوره جدا
سببها قطمه الدركسيون , والمفروض انهم بيعالجوا الموضوع دا ف السبع تماما

اشتكي من الموضوع وشد معاهم
وهما هيحلوها ان شاء الله

موضوع الفرامل , بصراحه مااعرفش
بس اعتقد الحل المظبوط انك تضرب العفشجي قلمين محترمين
لانه غبي وحمار

تحياتى

**krooota** · 19-09-2013 10:11 PM

الكبالن سليمة كشفت عليها عند العفشجي

انا خلاص هروح التوكيل اشوف الموضوع بس تصليح الموضوع ده عليهم ولا هدفع قطع غيار ومصنعيات !!!! وهل في توكيل المعادي احسن ولا المنصورة اصلي بصراحه اشك انهم بيفهمم في الموضوع ده ؟؟؟

**فبريكا** · 19-09-2013 11:13 PM

صوت الطقطقة في الملفات غلبا بتبقى كبالن يا باشا وانت بتقول ان العفشجي حمار يعنى اكشف عليها عند حد تاني محترم ولما تروح لاي حد متخلهوش يلعب فى العربية الا لما يكون متخصص وفاهم وحتى لو شال خدها في كيس وحطها فى العربية لانهم بيعملوا الحركة دية وبعدين ياخدها هو يبيعها لواحد تاني ويعمل مصلحة . وبالتوفيق ان شاء الله .

**Omar_4ever** · 20-09-2013 02:38 AM

المشكلة ديه شائعة في التيدا
وموجودة عندي وقالولي في التوكيل سببها قطمة الدركسيون
وغيرتها ب 680 جنيه
والصوت رجع بعد شهر الله ينتقم منهم
نصيحة اعمل نفسك مش سامع حاجة