اقتباس المشاركة الأصلية كتبت بواسطة michohat مشاهدة المشاركة
انا الحمد لله عملت عمرة برى مش حجيت الرحله كانت فى وقتها صعبه وملعبكه لان كانت وقتها ازمه السفينه اللى غرقت
بس فى الاجمالى السفر البرى جميل وتحس فيه بروح جميله ده غير انك سواء رضيت او لا هتتعرف باللى معاك فى السفر وهتكونوا صداقات جميله وتستمر معاكم لحتى بعد ما ترجعوا زى ما حصل معايا

بس النقطه الوحيده اللى كانت عامله مشكله معايا فى السفر البرى مشكله الحمامات
اينعم فى حمامات فى الطرق بس من كتر الضغط عليها الحمامات خلاص عامت

فدى بس المشكله الوحيده اللى كانت مقابلانى فى السفر واستعنا عليها باننا كنا صايمين و بنحاول قدر الامكان طعامنا واكلنا يكون معظمه سوائل

وربنا يكرمك وتوصل وبالسلامه
ومش تنسى تدعى لينا هناك
ويارب يرزقنا تانى ونروح
الله يكرمك كلامك مبشر لحد كبير :)
ربنا يرزقك ويرزق اهل المنتدى كلهم بحجة مبرورة (بدعيلك من قبل ماروح اهو) :)
اقتباس المشاركة الأصلية كتبت بواسطة Casio2000 مشاهدة المشاركة
انا جربت العمرة بري و كانت بهدلة (نوم في الشارع من الاخر) فالو مالكش في البهدلة خليها طيران احسن
هو في حالة العمرة بيبقى سهل الواحد يطلع طيران .. انما انت عارف في الحج فرق الاسعار عامل ازاي..!!!! فرق يسمح بتحمل البهدلة شوية:)
دا غير ان النوم في الشارع بيبقى العادي في وقت الحج ( أهو تدريب)
هي الرحلة تقريبا بتبقى كام يوم؟
اظن البهدلة بتبقى في الوقت اللي هو في انتظار العبارة .. مش كدا؟