لا يا باشا لا تقلق من الحج البرى لإنه ليس له أدنى علاقة بالعمرة البرى
أنا الحمد لله حجيت برى من 4 سنوات الحمد لله و ربنا يتقبل منى و من الجميع و أحب أوضحلك إن الحج البرى لذيذ جدا و غير مرهق بالمرة ليييييييه ؟ قولتلى لييييييييييه؟
لإنه ميكس بين البرى و البحرى يعنى ببساطة إنت هتركب الباص ليلة (10 ساعات بالكتير) حتى ميناء سفاجا و بعدين تطلع المركب بطولك بكتيره معاك "هاند باج" و الباص فى جراج المركب بالشنط و تقعد فى المركب 24 ساعة بالكتير (لو مش حاجزين مركب سريع 6 ساعات)حتى ميناء ينبع وهى متوسطة بين مكة و المدينة و المسافة لإى منهما لا تتجاوز الـ 3 ساعات يعنى بعد حوالى ساعة و نصف هتدخل على رابغ و ده الميقات عشان تحرم "- و الله الواحد جسمه بيقشعر لما بيفتكرالجمال ده- بس يا سيدى يعنى مش هتلحق تزهق من البر أو البحر و لو عايز الموضوع يبقى دلع على الآخر إحجز فى المركب غرفة دبل أو رباعية حسب الجروب اللى معاك
أنا تقديرى إنه ما يفرقش كتير عن الطيران خصوصا لو حاجز مع مصر للطيران- يعنى إنتظار بالـ 12 ساعة فى المطار و بهدلة و ميزان ....- بس حاول تحجز مع شركة تكون حاجزة فنادق كويسة
و الله يا أخى جزاك الله خيرا إنك فكرتنا بالأيام الحلوة دى و لو ناوى لا تتردد و لا تنسنا من صالح دعائك و دى دعوة لجميع إخواننا فى المنتدى لييه ما تحجش بدرى بدرى و أديكم شايفين الأسعار كل سنة بتتضاعف و تحياتى للجميع