الموضوع: التسليح الروسي !!!!!!!!!

المشاركة الأصلية كتبت بواسطة mtak

ماهر باشا، اكتر حاجه زعلتني من غلق قسم الشارع اننا لن نتمكن ثانيه من رؤية كتاباتك الثريه في مضمونها

مرحبا بك . هنيئا لنا

مع كامل التقدير لصاحب الموضوع اللي عرف ازاي يجتذبك للموضوع :)

شكرا يا عزيزى محمد بك. . . و تأكد انك هتلاقينى فى كل موضوع جاد يحتاج معلومات توضح ابعاده و يدخل فى دائرة اهتماماتى و هى متنوعة. . . و هنجيبه مع بعض من اساسه كالمعتاد :-)
و زى ما موضوع سوريا ما سيبناهوش الا لما بقى مرجع لكل سيناريوهات تطور الاحداث القادمة فى منطقتنا تقريبا. . . و هنرجع له و نفكر الناس بيه بعد كده زى موضوعك بتاع نجيب كده :-) . . . اوعدك مش هنسيب الموضوع ده و غيره من الموضوعات المشابهة التى تضيف قيمة فى الفكر او المعلومات الا و هى مرجع فيما تتحدث عنه :-)

ياجدعان خشوا منتدي جيش العربي منتدي جميل وفية اساتذة ومواضيع 10 علي 10 من الاخر جيش مصري قوي ودليل لو مكنش قوي كانت اسرائيل ضربتنا ممكن احنا متأخرين في جوي شوية لما تكون المعركة برة ارضنا ضدد اسرائيل لكن لو في ارضنا نسبة مكاسبنا تعدي 70% في مية بفضل دفاع جوي الي احنا متوفقين فية اضعاف اسرائيل والتصنيع احنا بنصنع طائرات تدريب وفي كلام غير مؤكد علي الطائرة الباكستنية-الصينية في كلام بيقول ان في خط انتاج عندنا بس الله اعلم وخفي كان اعظم

انتهت الحرب العالمية الثانية الى ما انتهت عليه...... لكنها اسست لواقع و عالم جديد مختلف تماما عما قبله...... و انتهت معها حقبة الاربعينيات بتأسيس معسكرين عالميين بأيديولوجيتين سياسيتين مختلفتين بل و متضادتين....... المعسكرين دول قبل نهاية الاربعينيات كان كل واحد منهم اصبح مدجج بأقوى الاسلحة اللى عرفتها البشرية....... و هى الاسلحة النووية...... بعد ما فجر الاتحاد السوفيتى قنبلته النووية الاولى عام 1949.......

مع معرفة العالم لحجم و قدرة التدمير الموجودة فى الاسلحة النووية...... و حيازة المعسكرين الكبار فى العالم لها...... تأسست مفاهيم جديدة زى ما يعرف بال MAD او ال Mutually Assured Destruction بمعنى الدمار الشامل المتبادل المؤكد...... و ده كان المبدأ الاساسى اللى اسس للحرب الباردة بين المعسكرين الشرقى و الغربى فى الفترة اللى تلت الحرب العالمية التانية...... المبدأ ده خلاصته هو تفاهم متبادل بين من فى حيازتهم اسلحة نووية بأن هذه الاسلحة ليست للاستخدام الفعلى و الا سيتم افناء كل طرف للاخر....... هذه الاسلحة للردع فقط و كل طرف من حائزيها يعلم ان بأمكان الطرف الاخر انه يفنيه اذا ما حاول مهاجمته بهذه الاسلحة....... طيب هل حيازة الاسلحة النووية كفاية؟ الاجابة بالتأكيد لأ لان عدم استخدام الاسلحة النووية يتطلب بدائل تسليحية تكنولوجية اعتيادية (بمعنى غير نووية) قوية تكفى لحسم اى صراع...... و من هنا كان سباق التسلح بين المعسكرين الشرقى و الغربى اللى كان من ابرز معالم الحرب الباردة

المانيا انهزمت فى الحرب و اتقسمت بين المعسكرين الشرقى و الغربى...... لكن كان اهم جزء من تركتها اللى اتقسمت برضه هو العلماء...... العلماء الالمان كانوا الكنز الحقيقى و الجائزة الكبرى لكلا المعسكرين و اللى كان كل معسكر حريص انه يستحوذ على اكبر جزء منه و اكبر عدد منهم...... العلماء دول استقروا فى الدول اللى راحوا ليها سواء امريكا او روسيا و بدأوا فى الاستمرار فى الابحاث اللى كان بدأوها فى المانيا...... التقدم الالمانى فى الحرب العالمية التانية خلاها تدشن واحد من اهم الاسلحة اللى كان هيعيد تشكيل وجه العالم فى تكنولوجيا التسليح لوقت طويلة بعد كده...... و هو الصواريخ...... الالمان كان اول صاروخ فعال انتجوه و ضربوا به لندن نفسها و سببوا بيه خسائر جسيمة هو الصاروخ V2....... و معلومات عنه هنا:
V-2 rocket - Wikipedia, the free encyclopedia

ده كان الجد الاكبر لكل الاجيال اللى جت بعد كده بكل الانواع الكتير التالية....... كل مجموعة من العلماء الالمان زى ما قلنا بدأت الشغل فى البلد اللى استقرت فيه...... الروس هرسوا العلماء الالمان اللى خدوهم و عصروا معلوماتهم و عصارة خبرتهم و بدأ المشروع الروسى بقيادة سيرجى كوروليف اما المشروع الامريكى فكان بقيادة الامريكى من اصل المانى فيرنر فون براون......
الصواريخ فضلت فى طور التطوير و كل معسكر بيراقب التانى لغاية ما الروس فجروا تانى مفاجأة بعد تفجير قنبلتهم النووية الاولى...... المفاجأة دى تمثلت فى ارسال اول مركبة غير مأهولة للفضاء الخارجى وهى سبوتنك 1 على متن صاروخ باليستى سنة 1957....... و ده كان بمثابة زلزال للامريكان...... او wake up call كبيرة جدا....... الدنيا اتقلبت فى امريكا ازاى روسيا تتفوق عليهم فى بدء سباق غزو الفضاء و الاخطر البدء فى استخدام صواريخ عابرة للقارات ICBMs قادرة على ضرب عمق الاراضى الامريكية....... و هنا توصلوا لخلاصة كوميدية مؤداها انهم قالوا ان
Their Germans are better than our Germans
بما معناه ان العلماء الالمان اللى خدتهم روسيا من المانيا بعد الحرب كانوا من نوعية افضل من اللى اخدتهم امريكا مما ادى الى بدء الاتحاد السوفيتى لسباق الفضاء

امريكا ما سكتتش لكنها اشتغلت بكل قوة و ارسلت هى كمان مركبات غير مأهولة للفضاء بل وصل بهم الامر ان وعد الرئيس كينيدى سنة 1963 بأن يكون الامريكان اول من يرسل انسان الى القمر فى غضون عقد الستينات....... و وعد علنى زى ده من رئيس واحدة من اكبر دولتين فى العالم فى الوقت ده كان معناه انه لازم يحققه و الا مكانته و مكانة دولته هتتهز فى العالم كله كدولة عظمى

و هنا ييجى مفهوم القوة العظمى و مظاهرها...... قبل الحرب العالمية التانية كان فى مفهوم سياسى اسمه القوة العظيمة great power و المفهوم ده كلام عنه هنا:
Great power - Wikipedia, the free encyclopedia

و من هنا نفهم دولة زى بريطانيا ليه بيسموها Great Britain...... لانها الى الحرب العالمية التانية كانت احدى القوى العظمى فى العالم بمفهوم ذلك الوقت...... بعد الحرب العالمية التانية اللى حسمها لصالح الحلفاء دخول امريكا الحرب...... و ايضا بعد تفجيرها لاخطر سلاح عرفته البشرية و هو القنبلة النووية....... تبلور مفهوم اخر فى عالم ما بعد الحرب العالمية التانية و هو مفهوم ال Super power....... و تطوره و ملامحه هنلاقيه هنا:
Superpower - Wikipedia, the free encyclopedia

القوة العظمى دى ليها مظاهر....... بقى واحد من اهمها هو حيازة القنابل النووية...... مظهر اخر هو تقديم ما يبهر العالم تكنولوجيا...... زى ما الروس عملوا سنة 1957 بأطلاق مركبة الفضاء سبوتنك 1 و ايضا الامريكان بأرسال اول انسان للفضاء سنة 1969.......

من الناحية العسكرية كل معسكر اختار اتجاه....... امريكا اختارت يكون ليها ملامح معينة...... ابرز الملامح دى هى امتلاك وسائل القوة اللى تتيح ليها الوصول الى اى مكان فى العالم بقوة عسكرية كافية لحسم اى صراع عسكرى فى اى مكان فى الكرة الارضية...... و ده تمثل فى الاساطيل الامريكية المختلفة المتوجدة فى كل بحار و محيطات العالم و بها مجموعات قتالية بقيادة المدن العائمة اللى اسمها حاملات الطائرات....... ليه امريكا اختارت الاتجاه ده...... لانها دولة غنية بتنتج كتير و فيها موارد كتير و كمان بتستورد من موارد العالم الكتير فكان يهمها انها تأمن مصالحها فى كل بقاع العالم بالقوة العسكرية التى تضمن التدخل لحسم اى صراع....... و من هنا كانت فكرة الاساطيل الحربية و حاملات الطائرات اللى الواحدة منها بتبقى مدينة عايمة و حواليها عشرات السفن القتالية المعاونة من مدمرات و فرقاطات و طرادات و سفن امداد و تموين و غيرها

الاتحاد السوفيتى لان الاتجاه الشيوعى الاقتصادى ما كانش مساعده و ما كانش بنفس الغنى بتاع امريكا...... اختار اسلوب تانى....... اختار انه يوصل لاى مكان فى العالم لكن عن بعد....... بالصواريخ...... و من هنا كان استمرار التقدم التكنولوجى الروسى فى مجال الصواريخ اللى خلى الروس عندهم افضل تكنولوجيا صواريخ بكل انواعها فى العالم........ التقدم التكنولوجى ده ظهر بقوة فى احداث زى اسقاط الاتحاد السوفيتى لاقوى طائرات التجسس الاميريكية و اسمها U2 سنة 1960..... رغم ان الطيارة دى كانت بتطير على ارتفاع شاهق بيوصل الى 30 كيلو و الحادث ده كلام عنه هنا:
1960 U-2 incident - Wikipedia, the free encyclopedia

يتبع

ملاحظة جانبية: كان فى كلام فى اول الموضوع عن مدى امكانية الاعتماد على ويكيبيدبا كمصدر للمعلومات و انها يكتبها اشخاص عاديون و يمكن التعديل فيها و كده...... الكلام ده حقيقى...... و اذا كان فعلا لا يمكن الاعتماد عليها كمصدر موثوق فيه للمعلومات فيما يتعلق بالمواضيع الحساسة كتسليح الدول الا انه فيما يتعلق بالاحداث و المعلومات التاريخية يمكن الاعتماد عليها لانها تروى احداث خلاص مبقاش فيها حاجة سرية بالاضافة الى ان المقالة فيها بتشير بعد كده لمصادر معلوماتها التى يمكن الرجوع اليها

وصلنا للستينات. . . اللى كان من اهم مظاهرها عسكريا انضمام دول اخرى للنادى النووى زى الصين و انجلترا و فرنسا و بعدهم دول زى الهند و باكستان. . . لكن كأستراتيجيات تسليح. . . تأسست نظرية معادلة موازين القوى العسكرية التقليدية. . . يعنى امريكا عندها 10000 دبابة يبقى روسيا لازم يبقى عندها نفس العدد تقريبا و هكذا فى كل الاسلحة التقليدية. . . و دى كانت القاعدة فى كل الصراعات العسكرية المسلحة فى العالم. . . ان توازن القوى بيكون بعدد القوات المتكافئ. . . الى ان كانت حرب اكتوبر اللى مثلت نقطة تحول فى الاستراتيجيات العسكرية و استخدامات الاسلحة فى توقيت مهم بالنسبة للعالم و هو بداية الربع الاخير من القرن العشرين اللى كان بداية عصر المعلومات و التكنولوجيا الرقمية فى العالم . . بس دى بقى حكاية كبيرة تستاهل بوست لوحده