الموضوع: التسليح الروسي !!!!!!!!!

المشاركة الأصلية كتبت بواسطة mzeid

أ. ماهر اسمحلي اختلف معاك
لما يبقى عدوك عارف انك متوقع انه يجيلك من إتجاه معين من المؤكد أنه يضربك من مكان غير متوقع و على رأي د مرسي يأتيك من حيث تترفع انت على أن تداخل معه

و انت عارف طبعا ان ليبيا حاليا مضطربة و القبلية هناك هتخلي صعب ان الوضع يتحسن في القريب العاجل
و عندك السودان من الجنوب فلك في عملية الإغارة الإسرائيلية الأخيرة عبرة .. أرض السودان للأسف مستباحة و مجالها الجوي
بالإضافة إلى دعم الأمريكيين في حرب أكتوبر و عمليات الإستطلاع الأمريكية .. لا أستبعد أن أي حرب قادمة مع إسرائيل تكون ضربة البداية أمريكية لتمهيد الوضع للصهاينة وحضرتك عارف أن الأمريكان حاليا بيتبعوا أسلوب القصف الصاروخي بالتوماهوك من مديات بعيدة نسبيا أو أسلوب القصف بال b2

علشان كدة أنا أرجو أن القيادة العسكرية متكنش واضعة إعتبار للجبهة الشرقية على حساب باقي الجبهات
و التركيز يكون متساوي في جميع الجهات

حضرتك عندك حق طبعا فى كون الاهتمام يبقى متساوى لانها فى النهاية حدود للدولة و الخطر مهما كان ضئيلا يظل خطرا. . . و يكفى كمية الاسلحة اللى بيتم محاولة تهريبها بلا هوادة من الغرب و الجنوب و دى فى حد ذاتها مصائب كبيرة تدفع البلد تمنها . . . انا كان قصدى بالتهديدات الملحة فى الجزء اللى حضرتك علقت عليه هو حروب كبيرة او بمعنى اصح تهديدات وجود زى اجتياح سيناء. . . و ده تهديد مصر لا تتحمل مجرد احتمال حدوثه مرة اخرى. . .تاريخيا احنا لم ندخل حروب لا مع ليبيا و لا السودان و الخلافات معاهم الى حد كبير تملى يمكن التوصل فيها لحلول غير عسكرية لكن تاريخ اسرائيل معانا معروف. . . و فى الوقت اللى حرس الحدود ممكن يقوم بالواجب و زيادة على الحدود الغربية و الجنوبية مع دعمه من بقية اسلحة الجيش. . . الا ان تهديد الوجود تملى كان من الشرق فى اخر 60 سنة بل و على مر التاريخ ايضا كل غزاة مصر كانت بوابتهم لها هى سيناء. . . عشان كده استراتيجيا هى مكمن الخطر و الخطورة الرئيسى على الامن القومى المصرى

بالنسبة للامريكان و الاسرائيليين. . . الوضع اللى اكتسبوه فى اخر 40 سنة مع مصر يخليهم حريصين جدا على استمرار مصر حليف استراتيجى للامريكان و فى سلام مع اسرائيل. . . لان احنا كمان بنمثل تهديد وجود للاسرائيليين. . . اللى رغم تفوقهم النوعى علينا الا انهم برضه عارفين حجم و قوة جيش نظامى كبير تعداده نصف مليون جندى عامل و مليون و نصف احتياط ده غير شعب تسعين مليون وراهم. . . بأختصار هم من مصلحتهم يثبتوا جبهتنا فى هدوء حاليا و فى المستقبل القريب و المتوسط. . . عشان يتفرغوا للتهديدات الاخطر على اسرائيل. . . و ابرزها تكتيكيا على الارض فى المدى القريب سوريا و استراتيجيا على المدى المتوسط ايران اللى خلاص اقتربت جدا من الحافة النووية اللى تمكنها من صنع قنبلة نووية فى غضون اسابيع قليلة. . . و دى قصة تانية لا يعلم مداها الا الله و ربنا يستر و لا تتطور الامور فى قصة ايران دى لان دى بقى اللى هتعك الدنيا على دماغ الكل فى المنطقة

المشاركة الأصلية كتبت بواسطة mzeid

أ. ماهر اسمحلي اختلف معاك
لما يبقى عدوك عارف انك متوقع انه يجيلك من إتجاه معين من المؤكد أنه يضربك من مكان غير متوقع و على رأي د مرسي يأتيك من حيث تترفع انت على أن تداخل معه

و انت عارف طبعا ان ليبيا حاليا مضطربة و القبلية هناك هتخلي صعب ان الوضع يتحسن في القريب العاجل
و عندك السودان من الجنوب فلك في عملية الإغارة الإسرائيلية الأخيرة عبرة .. أرض السودان للأسف مستباحة و مجالها الجوي
بالإضافة إلى دعم الأمريكيين في حرب أكتوبر و عمليات الإستطلاع الأمريكية .. لا أستبعد أن أي حرب قادمة مع إسرائيل تكون ضربة البداية أمريكية لتمهيد الوضع للصهاينة وحضرتك عارف أن الأمريكان حاليا بيتبعوا أسلوب القصف الصاروخي بالتوماهوك من مديات بعيدة نسبيا أو أسلوب القصف بال b2

علشان كدة أنا أرجو أن القيادة العسكرية متكنش واضعة إعتبار للجبهة الشرقية على حساب باقي الجبهات
و التركيز يكون متساوي في جميع الجهات

بالنسبة للنقطة دى تحديدا مصر أخذتإحتياطها فعلا فى مراحل تاريخية سابقة بتأمين الإتجاه الغربى أولا ثم الجنوبى لاحقا
بالنسبة للإتجاه الغربى و بعد توتر العلاقات بين مصر و ليبيا عقب توقيع إتفاقية كامب ديفيد تم إنشاء المنطقة العسكرية الغربية و مقرها سيدى برانى و يقال إن وحداتها إشتركت فى حملة تأديبية محدودة للقذافى و قواته أواخر السبعينات

و بالنسبة للإتجاه الجنوبى فابلإضافة إلى وجود المنطقة العسكرية الجنوبية و مقرها فى أسيوط و فى ظل توتر العلاقات بين مصر و حكومة البشير / الترابى فى أوائل التسعينات و ظهور نية للسودان للتنقيب عن البترول فى مثلث حلايب و شلاتين تم نشر قوات كافية لتأكيد السيادة المصرية على المنطقة و منع أى عبث بالحدود الدولية

معلش فى النعليق اللى فات جرفتنى مشاعرى شوية و اتكلمت بشكل عاطفى اكتر منه عقلانى. . . بس فى الحقيقة حرب اكتوبر هى نقطة ضعفى. . . منذ زمن طويل وقعت فى غرام اسطورة اكتوبر بقلبى قبل عقلى. . . و عندما اراد العقل النقدى اختبار صحة الاسطورة بالقراءة و الفحص و الدرس و استطلاع شهادات الاعداء قبل الاصدقاء. . . وجد ما اذهله. . . و اكد الاسطورة و انها اقرب الى الملحمة الكبرى منها الى الاسطورة. . . بطلها الانسان البسيط ابن هذا البلد. . . الذى يفعل المستحيل اذا ما توافرت له الادوات. . . و نفسى كل الناس تقرأ و تعرف و تكتسب طاقة تمكنها من الاصعب. . . البناء و الحياة لهذا البلد و لنا فيه

المشاركة الأصلية كتبت بواسطة mzeid

أ ماهر أنا لا أكاد أعلم علم اليقين و لكني اجزم و بشدة أنا اجيال حرب أكتوبر نقلوا خبراتهم و دوافعهم و حالة الإنتماء اللي فيهم للجيل الأصغر اللي مدخلش الحرب و هكذا تناقلتها الأجيال في القوات المسلحة في الكليات و المعاهد و أظن أن أي ضابط صغير شاب حاليا قد يكون شاب مستهتر في حياته الخارجية او انهم يحسوا بالتعالي شوية او مثلا موضوع انهم يفيموا عربياتهم و يمشوا من غير نمر و الكلام دة اللي بيزعلنا منهم بس في حالة الحرب الحقيقية بيحس بالغيرة و القيم اللي اتزرعت فيه عن حرب أكتوبر تخليه يحس أنه مش أقل من جيل أكتوبر و هو كمان لازم يضحي علشان البلد .. و بصراحة حتى و أن لم اكن متأكد من الأمر دة بس من أسباب إرتياحي

عارف يا ا. محمد..... شوف اليهود بيبتزوا العالم بقالهم 70 سنة ازاى بأسطورة الهولوكوست و ال 6 مليون اللى اتحرقوا اللى الله و اعلم مدى صحتها....... لكنهم مخليين الموضوع ده فى ذاكرتهم تملى يدفعهم لقدام و يخليهم يخافوا و يحرصوا من اى تهديد يعرضهم للاحتمال ده تانى و بيخلوا العالم كله ينساق وراهم...... شوف شطارتهم فى التسويق لانفسهم و جنى المكاسب المستمرة........ احنا بقى كان فى ايدينا كنز لم نستثمره على المستوى القومى...... بنقعد بس نتكلم عن روح اكتوبر لكنها لم تتحول ابدا من سطور بين الكتب الى طاقة دافعة للحياة و البناء على المستوى القومى الا فى انفس القليلين...... و طبيعى ان القيادات العليا فى الجيش اللى عاصرت بطولات الحرب تنقل الروح دى للاجيال الاصغر لان ده ميراث شرف عسكرى واجبهم ينقلوه عشان الاجيال الجديدة تستدعيه فى ذاكرتها و فى انفسها وقت الشدة لشحذ الارادة على انجاز المستحيل..... انا اللى كان نفسى فيه هو ان الطاقة الهائلة بتاعة الانتصار ده تتحول بعد كده للبناء و الانطلاق بالبلد لان بطولات الحروب مهما كانت باسلة فالاصعب منها فى رأيى هو الرغبة الجماعية عند الناس للعمل و البناء و السعى لحياة افضل لانفسهم و للبلد....... بس الله يسامحه ضيق الافق اللى قعد فيها 30 سنة قعد زيهم تقريبا مهاتير محمد فى ماليزيا..... و شوف ماليزيا فين و احنا فين..... و شوف مهاتير محمد ازاى بيلف العالم يعطى محاضرات عن اسلوبه فى النهضة بماليزيا و شوف صاحبنا بتاعنا هنا فين :)

بالنسبة للشباب الروش..... حقه طبعا انه يعيش و يروش روحه و يعيش مرحلته....... بس انا برضه متأكد ان الجيل ده رغم كل شئ وقت الجد هيتغير تماما...... مهما كانت محاولات التخريب او التغييب من داخلنا قبل خارجنا

قد يبدو الكلام ده نظرى لكنه مش مستحيل عمليا..... يعنى بكل اللى حصلنا من 4 حروب كبيرة فى مدى 60 سنة استنزفت البلد...... هتيجى يعنى زى اللى انضربوا بالقنابل النووية و قاموا من الرماد النووى و بقوا اسياد العالم تكنولوجيا فى نفس ال 60 سنة ....... بس برضه ارجع و اقول ان شاء الله المستقبل افضل و ادينا بنتعلم مهما كان الثمن غاليا

و لان العقل فاق بسرعة من انقياده للعاطفة :-) فأحقاقا للحق. . . لازم نقول اللى لينا و اللى علينا. . . و اقرر حقيقة مهمة توصلت لها برضه من خلاصة قراءاتى عن حرب اكتوبر. . .محتاج اقرر ان ما فعله الاسرائيليين فى فتح الثغرة حينما احسوا بالتهديد الشديد لوجودهم فى الايام الاولى للحرب. . . ما فعله الاسرائيليون كان اقرب الى العملية الانتحارية التى عبرت فيها 4 فرق مدرعة الى الضفة الغربية للقناة فى غضون 12 ساعة تحت ستار الظلام فجر يوم 16 اكتوبر. . . و بقيادة مين. . . ارئيل شارون اللى من كتر حبه للحياة و تمسكه بها حاليا مخه رافض يموت و بقاله داخل على عشر سنين على وسائل الاعاشة الصناعية التى تبقى جسده على قيد الحياة لانه لم يمت دماغيا حتى الان

اذن الصراع فى جوهره صراع ارادات. . . و من ستصمد ارادته فى السلم كما فى الحرب هو الذى سينتصر على المدى البعيد. . . بقول الكلام ده و انا حزين على اللى احنا فيه و كل ما اتلفت حواليا الاقى اللى بيدور على هجرة او بيخرب فى البلد عشان اوهام مش عايز يفوق منها. . . و فى النهاية ربنا يصلح الحال و يهدينا جميعا