الموضوع: اسكاترة السيراتو باظت

انا عملت سيرش على النت لمشاكل الاسكاترة او علبة الدريكسيون
وحصرت المشكلة فى انها حاجة من الحاجات دى

-جلب المقصات
-البطاحات
-بيض الدريكسيون او البارات او الاتياش ( واعتقد انها عدة مسميات لشئ واحد وارجو التصحيح انت كنت مخطئ )
-واخر حاجة الاسكاترة

دلوقتى اول حاجة اعملها هروح لبتاع زوايا واشوف هيقول اية زى الميكانيكى ما اقترح
واذا موصلتش لحاجة هروح للعفشجى واخلية يبص على المقصات والبطاحات\
وربنا يسهل وتتطلع حاجة غير الاسكاترة .......... انا مش ناقص
يا مسهل يا رب

المشاركة الأصلية كتبت بواسطة khaabas

المقصات بس يا ريت متستعجلش وتسأل اكتر من واحد وعالفكرة عيب علبة الدريكسيون للاسف شائع فى الالنترا الشكل القديم واختها طبعا السيراتو وحتى الالنترا الشكل الجديد والمشكلة كنت قريت على منتدى اجنبي ان حلها بسيط غير العك اللى بتعمله هنا وتغيير العلبه كاملة معلش يا باشا بدورلك لان الموضوع من زمان شوية وياريت تبحث معايا بس فى المنتديات الاجنبية ( والنترا الشكل القديم من 2010 او 2011 والاكسنت ار بى هى هى السيراتو الشكل القديم ميكانيكيا فلو لقيت الحل هنا هيبقى عندك علشان توسع نطاق البحث بتاعك واسف جدا للاطالة

مش هستعجل ان شاء الله وبتتاسف على اية يا صديقى وانا لسة بدور على النت

المشاركة الأصلية كتبت بواسطة max_ziro

معتقدش انها اسكاطرة

هتلاقى الموضوع بيض او اتياش
اسكاطرة اية الى بتبوظ من الطرق
حتى و لنفترض مع ان دة افتراض بعيد ان الشرشرة بتاعت سنون الاسكاطرة باظت او الحشو ضعف مع ان دى غير وارد فى عربية 2011 بيتغيروا لوحدهم و ممكن يسنن دراعات الاسكاطرة تانى

محمد باشا حبيبى فينك يا راجل مش السيفيا كانت ارحم بردة هههههههههههههه

المشاركة الأصلية كتبت بواسطة khaabas

شوف برده الموضوع ده وهتلاقى عناوين مراكز متخصصة ممكن تساعدك
http://www.nilemotors.net/nile/329616-2010.html

متشكر لحضرتك على المساعدة

المشاركة الأصلية كتبت بواسطة احمد المصرى

راى انك تاخد راى ميكانيكى تانى برضوا من باب التاكد من العيب

اكيد ان شاء الله هاخد رأى تانى ولسة هروح لواحد بتاع زوايا ولعفشجى