الخليجي الشفاف ثمنه 675 جنيه + 10% ض.م
وموجود في التوكيل (قليوب-جسر السويس - الكيت كات)
عرض للطباعة
عامل اية يا باشا كنت قولت لحضرتك قبل كدة فى موضوع قديم عن مشكلتى مع الباور و صوت تزييق رحت اظبط زوايا الراجل جرب قبل ما يظبط قالى اعتقد ان فى مشكلة فى جلب المقصات قلتلو العربية http://www.nilemotors.net/Nile/showthread.php?t=37696
2008 و اكيد سليمة قالى هى سليمة بس فيها بوش بيخليها تعمل صوت طقة فى المرشدير ومرداش يعملى ضبط الزوايا غير لما اروح لعفشجى المهم رحت لعفشجى لقيتو بيقولى عيب تانى خالص ان التقل فى الباور من بطاحات المساعدين و قالى عايزين يتفكوا و يتشحموة فطبعا انا خلعت لان ماينفعش اعمل حاجة برة التوكيل هل الكلام دة فى الضمان ولا لاْ وشكرا
معنى كلام حضرتك ان مفيش حاجه اسمها الانسر المصرى عفشه رياضيه و الخليجى لأ والمقارنات الكتير اللى كنا بنعملها و دماغنا صدعت منها و كمان على غرار الموضوع ده يبقه اكيد اللى معاهم 1600 خليجى و بيحطولها بنزين 92 و بيقولو مفيش مشاكل صادقين واكيد عاملين حسابهم فى الخليج انها رايحه مصر و بكده يبيقه الخليجى تكسب فى قوتها و كماليتها المصرى و مفيهاش مشاكل بالنسبه لمصر نهائى و كمان عفشتها رياضيه لتحمل الطرق الوعره بتاعتنا!!!!
بصراحه يا بشمهندس طارق انا مش مقتنع لأنى جربت الخليجى و المصرى و حاسس بفرق فعلا فى نشوفيه العفشه و أكيد فى فرق بينهم فى المساعدين و كلام حضرتك مالوش عندى غير تفسير واحد و هو ان المساعد المتوفر فى التوكيل موحد لجميع الموديلات و غالبا هيكون مش نفس نوع الاصلى اللى نازله بيه العربيه من اليابان سواء المصرى أو الخليجى على غرار تيل الفرامل الAK اللى بيركب فى التوكيل بديل للSUMITOMO رغم ان الSUMITOMO هو اللى العربيه بتنزل بيه من اليابان وانا معنديش مشكله فى كده لأنه اكيد التوكيل مش هيجيب مساعد وحش بس انا عاوز اطمن انه هيبقه بديل للرياضى مش بديل للعادى (يعنى لما اركبه و انا اصلا عفشه عربيتى رياضيه ما احسش انه أقل من اللى كان فيها من حيث الثبات و الأداء الرياضى) أو ممكن يكون فعلا كلام حضرتك مضبوط و انا اللى مش واخد بالى و عفشه الانسر كلها واحده خليجى و مصرى بس ما تزعلش منى ده تبقه اكبر كدبه من التوكيل حصلت بخصوص مباهاته دايما انه بيجيب عربياته عفشه رياضيه خدمه شاقه و كأن ده حاجه مميزه مش موجوده فى عربيات لانسر تانيه و فى الاخر طلع كله واحد!!!!!!!!
واحدة واحدة يا استاذ محمد .. حضرتك دخلت كل الأمور في بعضها .. بعد اذنك نحللها واحدة واحدة :
- أولا : العفشة
لما الوكيل المصري يقول انا باجيب عفشة رياضية مناسبة للطرق المصرية فده كلام مش كدب ولا غلط .. انما لما التاجر المصري اللي بيستورد من الخليج يروح يقول لهم في الخليج ابقوا اطلبوا عفشة رياضية علشان العربيات اللي بناخدها منكم لمصر فده من حقه .. وكون الوكيل المصري ما زال بيقول العربية عفشة رياضية مناسبة للطرق المصرية فبرضه كلامه صحيح لأنه مقالش (والخليجي مفيهوش)
- ثانيا : المحرك
الكلام بتاع العفشة ليس له اي علاقة بالمحرك. قصة المحرك وبنزين 95 دي بتنطبق فقط على البومة 1600 سي سي وهي اللي فيها محرك الخليجي بينزل بنسبة انضغاط 10 ويحتاج بنزين 95 أما المصري او الاردني بينزل بمحرك بنسبة انضغاط 9.5 ويحتاج بنزين 92 والكلام ده اللي قايلاه الشركة الأم ميتسوبيشي اليابان والتجار في مصر ميقدروش يطلبوا من الوكيل الخليجي يجيب عربية 1600 بمحرك زي المصري لأن دي المواصفات المخصصة للخليج وليست اوبشن مثل (العفشة الرياضية)
أما عن اصحاب العربيات البومة 1600 خليجي اللي بيقولوا احنا بنحط بنزين 92 ومحصلش حاجه فأنا مش باكدبهم انما ميتسوبيشي اليابان مقالتش اللي هيحط بنزين 92 هيحصل ايه للعربية او ايه حجم الضرر اللي ممكن يحصل وغالبا هو مش ضرر انما قوة العربية هتقل على ما اعتقد
- ثالثا : موضوع تيل الفرامل
التوكيل مش ممكن يضحي بسمعته ويبيع صنف واحد من قطع الغيار مش اصلي او مش من الشركة الأم وبالتالي نوعين التيل اللي في التوكيل من ميتسوبيشي الأول هو اللي بينزل مع العربية وده طري وبيستهلك بسرعة انما مش بيعمل اي صوت والثاني ناشف شوية وبيعيش اطول انما ممكن اصحاب الأذن الحساسة يحسوا انه له احيانا صوت انما هو مهم للعملاء اللي بيشتكوا ان التيل بيخلص بسرعة وهو مش رخيص
شكرا ليك يا بشمهندس طارق على توضيح الأمور بس انا مش مضايق من حاجه و ذكرت فى كلامى ان عمر التوكيل ما هيجيب حاجه و حشه بالنسبه للمساعد حتى لو نوع مختلف و انا عارف كويس ان نوعين التيل اللى فى التوكيل ممتازين بس واحد منهم هو اللى بينزل راكب فى العربيه و التانى بديل و الهدف كله من موضوعى انى اطمن انى لما أغير مساعد فى عربيتى مش هخسر أوبشن ان العفشه رياضيه ليس أكثر. وأنا على فكره من المؤمنين جدا بانى لما اجيب الحاجه من التوكيل هتكون افضل بكتير من اى بديل رغم فرق السعر اللى ممكن يكون كبير ده حتى ريش المساحات بتاعتى لما اتقطعت جبتها اصلى من التوكيل و كانت بحوالى 150 جنيه مع انها حاجه مش مهمه زى تيل مثلا و كنت ممكن اقضيها بريش من اى حته ب30 جنيه بالكتير.(بس ما دام هجيب مساعد اصلى من التوكيل و هدفع فيه فلوس كتير يبقه لازم يكون رياضى زى الأوبشن الأصلى اللى فى عربيتى ليس إلا...)
السلام عليكم ورحمة الله وبركاتة
الأخ الأستاذ / طارق
شفت سيارة لانسر موديل 1997
(1600 سي سي) كاملة أتوماتيك فابريكة بالكامل لا أعتقد في وجود سيارة في مثل هذة الحالة الممتازة عاملة حوالي 150 ألف كيلو ( مش كتير - مش كدة ولا إية )
وبالإستعلام من صاحبها عن رغبتة في البيع من عدمة ؟
قال لي بالحرف الواحد هو إنت بدور علي عربية غالية لية ؟؟؟؟؟؟؟؟
وكمان قطع الغيار بتاعتها غالية ؟؟؟
ولمعرفتي بهذا الشخص ومدي إهتمامة بالسيارة و ذهابة للتوكيل لصيانة السيارة الدورية ؟؟؟؟ ومدي حرصة الشديد عليها ؟؟؟؟
توقعت أنة قال ذلك من منطلق أن التوكيل دائما أسعارة في العالي ...
فما هو سعر هذة السيارة في السوق ؟
وهل أسعار قطع الغيار غالية مثلما قال ؟
وهل هي سيارة غالية فعلا أم يكون هو بيعلي في سعر السيارة ؟
أرجوكم المساعدة سريعا لإنها سيارة لقطة فعلا ؟ بس حسب سعرها
فعلا و لا أريد أن أطيل عليكم أنتم الذين ستقررون لي شراء هذة السيارة من عدمة؟
ولكم الأجر و الثواب
السلام عليكم ورحمة الله وبركاتة...
انا لسه شارى لانسر وعاوز اعمل صيانة الالف كيلومتر - ممكن عناوين مراكز الخدمة المعتمدة لو تفضلتم
شكرا
اخوكم
احمد حسن
اهلا يا استاذ احمد .. والف مبروك العربية .. ربنا يديك خيرها ويكفيك شرها
صيانة الألف كيلو مش محتاجة حجز انما الصيانات التالية محتاجة حجز
مركز خدمة الوكيل ومراكز الخدمة المعتمدة مذكورة في الاعلان ده
ضيف حضرتك عليهم : مركز العدوي بالمنصورة
منتصف طريق المنصورة / المحلة
قرية ميت عساس – سمنود - بجوار بنزينة توتال
ت : 2883341 – 040
3441280- 012
http://www.mitsubishi-motors.com.eg/...es/service.jpg
أهلا يا استاذ عبده .. أنا هاقول لحضرتك اللي أعرف اجابته من اسئلتك
اولا العربية لانسر 97 محرك 1600 كاملة اوتوماتيك
هنا يظهر اول سؤال : في عام 97 والى عام 2004 كانت كل العربيات اللانسر في مصر 1300 سي سي ، ثم في أواخر 2004 تم تعديل قانون الجمارك ليسمح بمحركات 1600 بجمارك معقولة ، فهل العربية دي دخلت مصر بعد 2004 ؟ ولا صاحبها مغير محركها الأصلي 1300 بالمحرك 1600 ؟ ولا موقفها ايه بالظبط .. حضرتك لازم تكون عارف
150 ألف كيلو مش كتير لو كان متابعها في صيانتها بشكل دوري ، ده ممكن يتم التأكد منه من دفتر الضمان او اختام الصيانة
وطبعا حالة العربية نفسها بتكون ظاهرة برضه
انا مش عارف هي تسوى كام لأني مليش في تسعير العربيات المستعملة ، انما حضرتك مقولتش هو عارضها بكام
انما بخصوص اسعار قطع الغيار فهي مش غالية ولا حاجه ومتوفر منها في كل حته الأصلي والياباني والكوري والتايواني والصيني
على فكره يا بشمهندس طارق انا ان لم تخونى الذاكره فى عام 99 كنت بشوف اعلانات الانسر الكريستاله فى الجريده و كان التوكيل بيجيب منها 1600 كامله بفتحه سقف وكانت GLXi وكان فيها ABS كمان بس كانت بكميات قليله طبعا لأن مش اى حد كان بيشتريها لأن ال1300 اللى كلنا عارفنها كان سعرها حاجه وأربعين ألف أو حاجه و خمسين الف مش متذكر قوى و ال1600 كانت ب85 الف جنيه بفارق شاسع فى السعر وطبعا ده كان بسبب الجمارك. بس بصراحه انا نفسى اشترى الكريستاله 1600 GLXi ده زيرو دلوقتى (ياترى مفيش منها بواقى فى التوكيل لسه ما اتباعتش من 99 ؟!!!!!!!! عربيه خرافه)
السلام عليكم ورحمة الله وبركاتة
أستاذ / طارق
بلنسبة لمالك السيارة فهو إبن خالي وطبعا إنت عارف موضوع حزازيات الأقارب عندما تدخل المادة في الوسط فبصراحة هو لم يقل لي طالب كام تحديدا و لكنة قال سيقوم بالذهاب إلي أحد أصدقائة لة دراية بأسعار السيارات وبعد ذلك سنتحدث في الأمور المادية ؟
أما بالنسبة للسيارة فهو قد قام بشراء هذة السيارة عندما كان يعمل بالخليج وقام بإدخالها إلي مصر ؟وكانت 1600 سي سي
هي البومة مفيش منها غير 1300 و 1600 (على الأقل دي المحركات اللي معمولة لدول الشرق الأوسط) ربما في أمريكا فيه اكتر من كده محتاج اراجع موقع ميتسوبيشي أمريكا للتأكد
أما الشارك فطبعا المتاح منها محرك 1500 و2000 بخصوص المحرك 2000 فكرنا في استيراده ولما حسبنا تكلفة العربية كانت في حدود 250 ألف جنيه
لو فيه حد مستعد يدفع فيها الرقم ده ممكن نطلبها له مخصوص:dunno:
السلام عليكم ورحمة الله وبركاتة و كل عام والامة الاسلامية بخير...
عندى سؤال بخصوص ناقل الحركة الاتوماتيكى (لانسر-2008 - بوما)
الرمز D للقيادة العادية... فما يعنى الحرفين Ds و L
وما هو استخدامهما ؟
شكرا
احمد
صباح الفل يا باشمهندس طارق
طبعا زى ما حضرتك قلت البومة آخرها 1600 فى الشرق الأوسط و لكن أمريكا مختلفة ، و لو تسمحلى اوفر عليك تعب التدوير
و البيانات الكاملة ممكن نلاقيها فى اللنك دهاقتباس:
Regular Lancers used a 120-horsepower, 2.0-liter four-cylinder engine, driving a five-speed manual or four-speed automatic transmission. A 2.4-liter engine, rated at 162 horsepower, went into Ralliart models in 2004. Mitsubishi's hot all-wheel-drive Evolution sedan, introduced during the 2003 model year, held a 271-horsepower turbocharged four-cylinder and was offered only with manual shift. For 2005, all Evos have 276 hp, up 5 hp. Horsepower again jumps by 10hp to 286 hp for 2006.
أرجو انى أكون قدمت مساعدتى المتواضعة و تحياتى لك و للمنتدى جميعا
آسف يا جماعة ، فيه لنك تانى نسيت أحطه مع المشاركة السابقة
هنا كمان اللانسر 2000 سى سى
أهلا يا أستاذ أحمد و كل عام و انت بخير
أعتقد هتلاقى إجابة شاملة و مستفيضة عن سؤالك فى المشاركة دى
http://nilemotors.net/Nile/showthrea...E4%DE%E1%C7%CA
مع تحياتى
الانسر البومه 2000 سى سى موجوده و متوفره لو طلبها التوكيل و مواصفاتها موجوده فى كتالوج الانسر البومه اللى مع الناس كلها و نسبه انضغاط محركها 9.5 يعنى محتاجه بنزين 90 و فتيسها CVT والفلرامل الخلفيه بتاعتها ديسكات مش طنابير و الجنوط الاسبور فيها مواصفه اساسيه مش أوبشن ومتوضحلها كل حاجه زى بتاخد كام لتر زيت و مكان بصمه الموتور و كل حاجه جانب بجانب مع ال1300 و ال1600
انا عن نفسى لو عاوز اشترى لانسر زيرو و لاقيت البومه 2000 سىسى من ضمن الموديلات المتاحه و كانت مثلا بنفس تمن الشارك هفضل البومه 2000 سىسى بفتيس Cvt وفرامل خلفيه ديسكات على الشارك.(وعلى فكره كمان موتور البومه ال2000 سىسى حاجه واحده و مفيش منه مصرى و خليجى و أوروبى و الحوارات ده و محتاج بنزين 90 ليس اكثر و كله فى الكتالوج).
أكيد هتبقه قويه جدا و فراملها افضل و هتبقه حاجه تانيه خالص.
م / طارق
السلام عليكم ورحمة الله وبركاته
شكرا على الرد وعلى المعلومات الطيبة
وشكرا لادارة المنتدى على المجهود الرائع
جزاكم الله خيرا
احمد
د / شريف
شكرا جزيلا على المعلومة القيمة
احمد
انا كنت عايز اسال حضرتك يا بش مهندس طارق هل اللانسر شارك الكويتي فيها سي دي تشانجر وهل اللانسر شارك اللي بينزل مصر السي دي تشانجر بتاعه ام بي تري ولو اللانسر شارك الكويتي فيها سي دي تشانجر بيبقى مكانه فين وشكرا
اهلا بحضرتك
الشارك المصري والخليجي فيها راديو سي دي تشنجر وبيشغل MP3
لكن المصري ومعظم الخليجي 6 سماعات انما الكويتي 9 سماعات منهم subwoofer في شنطة العربية على الشمال
اعتقد حضرتك تقصد بكلمة CD changer وحدة منفصلة بتترص فيها السيديهات وتتحط في شنطة العربية بس ده كان زمان - دلوقتي معظم وحدة CD Player هي نفسها CD Changer وكل السي دي اللي في اللانسر البومة السبورت والسام والشارك نفس الوحدة بتشيل عدد (6) سيديهات وتشغلهم
في البومة وحدة السي دي تشنجر بتكون منفصلة عن الراديو كاسيت وتحكم الصوت بيتم من الراديو كاسيت عند تشغيل السيديهات ومش بيشغل MP3
انما في الشارك موديل GLX فيه راديو كاسيت فقط وموديل GLS و GLS Sport في راديو سي دي بدون كاسيت وبيشغل MP3
الأيام الأخيرة قبل العيد هتكون زحمة جدا.. خليها بعد العيد وبالمرة تكون قربت شوية من العشرين ألف
لاقيت لانسر مستعمله اوتوماتك كامله من غير فتحه سقف ب 120 الف ده عادي ولا ايه الشكل الجديد علي موقع كار 100100
كنت عايز اعرف لو عايز ازود الفريون في التوكيل و اعمل تشيك علي العربية لان انا اتخايلت ان لمبة التشيك نورت مرة و انا مش متأكد فعايز اطمن اعمل حسابي في كام و انا جاي و شكرا .العربية 2007 1600cc
مستعملة يعني خرجت من الضمان (الضمان للمالك الأول) فمش هتفرق مصري ولا خليجي.
كلمة كاملة في اللانسر EX الشارك مش كافية لأنها 3 مستويات من الكماليات GLX , GLS , GLS Sport
أعتقد حضرتك تقصد GLS (وربما برضه تكون GLX) فحضرتك لازم تتصل وتعرف الكماليات بالظبط
وكمان العربية عاملة كام كيلو وحالتها ايه
واهم نصيحة لو ناوي تشتري مستعمل انك تكشف عليها في التوكيل قبل الشراء فحص شامل بـ 175 جنيه .
هو موضوع الفريون علشان الكمبريسور بيفصل كل دقيقة تقريبا فهنا في المنتدي في اعضاء كانوا كاتبين ان كدا الفريون عايز يتزود
العربية عاملة 2500 كيلو و انا كنت عملت صيانة الالف في المركز الي في عبد الخالق ثروت
و العربية مصري و هو موضوع الكشف دا كمان علشان انا حاسس ان سحبها اختلف شوية .
انا افكر فى شراء لانسر الشكل القديم خليجى 1600 كاملة اوتوماتيك وارجو الافادة عن وجود عيب فنى عموما فى اللانسر بان هناك صوت طقة خفيفة فى المطبات (هناك من يقول ان الاسكترا خفيفيفة فى علبة الدركسيون - هناك من يقول ان الصوت فى الخلف اثناء المطبات )
ارجو الافادة عن ذلك قبل الشراء لان هذه الشكوى عموما حتى فى السيارات التى بضمان مصرية ( وهذه الشكوى من اكثر من شخص معه لانسر بضمان او بدون ضمان)
الف شكر ياباشمهندس علي كل المعلومات القيمه الي بتقدمهالنا
بس ليا سؤال وعايز الرد من حضرتك بكل صراحه
انا إن شاء الله ناوي اشتري البومه 2009 اسبورت بس محتار بين المصري والخليجي و بصراحه مش قادر الم موضوع الفروقات بين المصري والخليجي وغيره
ياريت تقولي لو مكاني هاتجيب ايه لاني فعلا محتار . وهل اختياري صح اصلا؟
وشكرا جزيلا
حضرتك بتسأل مدير فى توكيل لانسر المصرية تجيب مصرى وللا خليجى؟اقتباس:
ياريت تقولي لو مكاني هاتجيب ايه لاني فعلا محتار
(نفس عميييييييييييق)
مع إحترامى ليك بس السؤال دا تسأله للأعضاء
طيب ايه رايك انت يا د\احمد ؟
وشكرا مقدما
أنا مش هقدر أتعدى على موضوع خاص بالمهندس طارق
هبعت لحضرتك على الخاص
انا ناوى اشترى لانسر ex بس سمعت انها غول بنزين
ايه رايك؟
تم الرد على السؤال هنا
http://www.nilemotors.net/Nile/showthread.php?t=40488
هاقول لحضرتك الفروقات بين المصري والخليجي بمنتهى الصدق
- المصري والخليجي هما نفس المواصفات الأساسية من حيث المحرك والتكييف (الاثنين مضاف لهم اوبشن تكييف مخصص لدول المناطق الحارة) والدهان (نفس الدهان بشهادة مهندس السمكرة والدهان لما وصل من دورة اقامتها ميتسوبيشي في دبي لوكلاء دول المنطقة)
- فرق المحرك بين المصري والخليجي موجود فقط في اللانسر 1600 (مانوال أو أوتوماتيك وطبعا السبورت والسام)
في المصري المحرك 106 حصان صافي EEC net (حوالي 113 حصان اجمالي SAE Gross) وبتحتاج بنزين 90 (يعني لما تحط 92 يبقى تمام)
في الخليجي المحرك 122 حصان اجمالي SAE Gross يعني اعلى شوية من المصري لكن بتحتاج بنزين 95 حسب تعليمات ميتسوبيشي
كل ملاك اللانسر 1600 الخليجي في المنتدى اجمعوا على ان وضع بنزين 92 في العربية مفيهوش مشكلة انما لما تحط 95 الأداء بيتحسن كتير (يعني فرق الأحصنة تشعر به لما تحط بنزين 95)
- الفرق العام بين المصري والخليجي هو الكماليات يعني كماليات المصري محددة وثابتة انما كماليات الخليجي متنوعة فلازم تسأل المعرض عن الكماليات بالتحديد واعلاها الكويتي
- الخليجي فيه منه بضمان سنة وفيه سنتين وفيه 3 سنوات وفيه بدون ضمان
المصري ضمان 3 سنوات او 100 ألف كيلو متر