اوسكار باشا صباح الفل واهلا بيك عضوا جديدا في اللانسراوية ومنتظرينك
ولو بتفكر في الزيرو انتظر قريبا تعديل عرض التخفيضات لأعضاء المنتدى علشان يستفيد منه كل الأعضاء
عرض للطباعة
السلام عليكم
انا كنت عملت لحضرتك يا بشمهندس بوست لصوره التكييف الغريب بتاعى بس مش عارف هيه كده وصلت ولا لأ بس على العموم انا بعت لحضرتك كمان رقم الشاسيه لمعرفه العربيه اكتر من خلاله انا عارف يا بشمهندس انى بتقل عليك بس حضرتك قدها واكتر
تم افتتاح مركز خدمه معتمد لميتسوبيشى و تويوتا و هيونداى اسمه مركز الدلتا على طريق المنصورة المحلة على بعد 5 كيلو من المنصورة عايزيين نتأكد هل فعلا هو معتمد و نقدر نروحله فى فترة الضمان
لو سمحت كنت عايز أعرف مواصفات وخصائص موديل كولت 2007
ولك جزيل الشكر
اهلا يا دكتور أحمد
تم عمل موضوع خاص عن الكولت 2007
ميتسوبيشي كولت 2007 زيرو - تصفية لدى الوكيل 85000 ج
http://www.nilemotors.net/Nile/showthread.php?p=441979
السلام عليكم هيه دى صوره التكييف بتاعى وياريت حد يقولى هو مختلف ليه عن الباقى وملوش مكان للفلتر
أهلا يا استاذ حسن وشكرا لكلماتك لكن على فكرة انا مش مشرف المنتدى
هي صيانة العشرة آلاف كل اللي بيتم فيها تغيير الزيت وفلتر الزيت ومراجعة على الزيوت والفلاتر والتيل وتربيط العفشة لذلك في ظروف عربية حضرتك الافضل تجيبها للصيانة علطول ومش لازم تنتظر لما تكمل العشرة آلاف ويتشاف اذا كانت محتاجه حاجه تانية تكون اتأثرت نتيجة الركنة وقبل ما يمر عليها كمان سنة
شكرا يا بشمهندس على الرد لكن هل عمليه تنظيف الثلاجه مينفعش غير فى التوكيل وهل هيه فعاله وممكن تحسن من اداء التكييف
وشكرا يا بشمهندس على الرد السريع ده
انا ارسلت تفاصيل العرض لادارة المنتدى ومنتظر موافقتهم عليه واعلانه مكان العرض السابق
بخصوص النيون أو أي توصيلات كهربية (كاسيت - انذار -... ) كل اللي بننصح به انه يتم تركيبه في مركز متخصص حتى لا يؤثر على كمبيوتر العربية ويتلفه يعني بلاش تركبه عند كهربائي عادي انما المراكز المتخصصة (زي أدريان وغيره) اتعاملوا مع العربية كتير وعارفينها كويس
شكرا استاذ طارق
الف الف شكرا يا اجمل مهندس
وانا عملت بنصحتك وحجزت فى التوكيل والمعاد فى شهر 11 وهقولك على اللى حصل هناك ان شاء الله لو تحب اى تعرف اى حاجه منهم عنيه ليك
وشكرا الف شكرا مره تانيه ليك ولكل حبابيب الانسر
السلام عليكم ورحمة الله وبركاته
الى الباشمهندس طارق والاخوة الخبرة
انا الدكتور احمد
عندي استفسار اتمنى انك تجاوبني عليه على وجه السرعة وربنا يباركلك ويجازيك كل خير يااارب
ان شاء الله هجيب لانسر خليجي 1600 اوتوماتيك
وفي ادامي اختيارين: السعودي ب 103 سي دي كينود بدون باكيتات ابواب
والكويتي ب 105 في معرض تاني باكيتات ابواب و كاسيت شريط الاصاي
ماديا عاوز السعودي سؤالي: هل تفرق في حاجة ؟ ولو تفرق تفرق في ايه؟ وتنصحوني بايه؟
وهل للسعودي اي مشاكل؟ على مدار خبرت حضرتك؟ في الصيانة؟
عشان انا مستعجل جداا
ربنا يخليك لاخوانك الاعضاء بخبرتك
الف شكر على وقتكم جميعا
اهلا يا دكتور أحمد
بخصوص الفرق بين السعودي والكويتي هو فرق كماليات فقط وحضرتك حددتها حسب ما شفت دي ودي
انما كمحرك وعفشة واداء وغيره من الاساسيات فالخليجي كله واحد وفروقاتهم كماليات فقط
انما ممكن حضرتك تفاضل ما بينهم لو واحد منهم بيقدم ضمان ولو لسنة واحدة والتاني مش بيقدم ساعتها هتكون العربية اللي بضمان افضل
لو الاتنين من غير ضمان يبقى فرق كماليات فقط
وسواء الكويتي او السعودي او غيره (الخليجي كله) مفيش اي مشاكل في الصيانة هو بس فيه ملاحظة اكيد حضرتك قريتها هنا في المنتدى ان الخليجي 122 حصان وشركة ميتسوبيشي حددت انها يتحط لها بنزين 95 وأعضاء كتير في المنتدى اشتروا العربية وبيحطوا لها بنزين 92 وشغالة كويس معاهم انما لما بيحطوا بنزين 95 بيكون الأداء أفضل واستنتجنا من كده ان 122 حصان مش هتحس بيهم بالكامل الا مع بنزين 95 انما اعتقد حضرتك مش هيفرق معاك الموضوع ده ولا انت من اللي بيحبوا يقفلوا العداد :D
السلام عليكم ورحمة الله وبركاته
يا باشمهندس طارق
انا عمري ماشفت في حياتي حد زي حضرتك ولا منتدى زي ده
من حيث سرعة الرد الرهيبة وتسخير وقتك لخدمة الناس وكمية المعلومات الكاملة والوافية
الي اقدر اقولوا ان انا محظوظ اني عرفت المنتدى ده الي عرفني على حد زي حضرتك
ربنا يجازيك كل خير على الخير الي بتعملوا والف الف الف الف (كده بقوا كام؟) كمان الف الف
الف شكر
عفوا يا باشا وشكرا على الكلام الجميل ده وربنا يديم المعروف بينا
السلام عليكم ورحمة الله وبركاتة ..اخوانى الاعزاء عندى لانسر 1300اوتماتيك ..المهم ركبها ابن اختى ورجع الى ورا بسرعة شديدة وكانت النتيجة ان الفانوس الشمال بالشنطة اتبهدلو ..رحت لسمكرى بهدل العربية وقطع جزء من الشاسية حوالى عشرة سنتمتر عشان يستعدلة ويستعدل الشنطة المهم ان الشغل طلع زى الزفت وما راة احد الا وقال منة لله هذا السمكرى وانا اريد ان اعيد هذا الشغل فهل فى احد يرشح لى سمكرى على درجة جيدة وخبير فى مثل هذة الامور واسف للاطالة وربنا يكفيكم شر طريقكم ..
__________________
الحقيقة يا استاذ مروان انا ماعرفش حد في اسكندرية غير المراكز المعتمدة الصفوة والمأمون فممكن تروح مركز من الاتنين يشوفوا العربية ويقولوا رأيهم فيها وايه اللي ممكن يتعمل لعلاج المشكلة اللي حصلت (والصفوة مركز اكبر من المأمون بكتير)
شركة الصفوة : طريق محرم بك القباري السريع ت 3622205 - 3622206
مركز المأمون : الأزاريطة - ش هيبوقراط ت 4844617
الاستاذ الفاضل طارق باشا
هل لانسر 98 خليجي بها فلتر تكييف ام لا.....و هل الفلتر بيتغير او بيتنظف فقط؟
السلام عليكم
صباح الخير يا بشمهندس طارق
فى الحقيقه انا كنت عايز اسأل عن حاجه
امبارح انا عملت حركه غبيه جدا بعد ما مشيت بالعربيه مسافه اكتشفت انى للاسف نسيت انزل فرامل اليد وطبعا كانت النتيجه ان الجنت كان سخن نار لدرجه ان الطارات البلستك طلعت ريحه هل حاجه زى كده ممكن تأثر على التنابير ولا هيقتصر تأثيرها على تيل الفرامل يا ريت تفدنا يا بشمهندس على شان الموضع ده قالقنى
فلتر التكييف موجود في اللانسر الحديث فقط يعني من اواخر 2006 وما بعدها
اما كل اللانسر قبل كده (من 2006 وراجع) فكلها مفيهاش فلتر تكييف
الفلتر في العادة بيتنظف فقط
يا جماعه يا ريت لو حد حصل معاه موضوع فرامل اليد ده قبل كده يقولنا على النتائج اللى حصلت
صباح الخير يا باشمهندس طارق
كل عام و انت بخير
انا سؤالى عن سلوك البوجيهات لعربية لانسر كريستالة موديل 1999
هل يتم تغيير هذه السلوك بصفة دورية ( مثلا كل 50000 كم ) ام عندما ينخفض اداؤها
و ما هى اعراض تلفها او انخفاض اداؤها و سعرها فى التوكيل
و لك منا جزيل الشكر
تم عرض الموضوع على المهندس/ عبد الجليل ، مدير الاستقبال بمركز الخدمة الرئيسي وافاد بالتالي :
1- يجب أولا الكشف على الفرامل الخلفية وبعد الفك والفحص تتضح الرؤية.
2- الاحتمالات التي ممكن ان تحدث هي :
- تغيير تيل الفرامل الخلفي
- احتمال عمل خراطة للطنابير الخلفية أو تغييرها حسب الحالة
- احتمال تغيير طقم اصلاح ماستر فرامل العجل حيث ربما يكون قد تلف نتيجة السخونة
- كما يجب الكشف على الكاوتش
شكرا يا بشمهندس على الرد
بس انا الحقيقه قلقت خالص وانا ببعد عن التوكيل 500 كيلوا يا ريت يا بشمهندس لو فى اى مؤشرات توحيلى ان فى حاجه فى العربيه ولا لأ قصدى من مشيها هل اقدر اعرف فى حاجه وصلت للطنابير ولا لأ وشكرا يا بشمهندس خالص على سرعه الرد وانا والله مكسوف منك خالص وعاجز عن الشكر فى نفس الوقت
انا اشتريت عربيه لانسر هاف اسبورت خليجى اتوماتيك وده من شهر ونصف تقريبا
بصراحه اول مره اسوق اتوماتيك فطلبى هو شرح امتى امشى على سرعه(l)وسرعه(ds),سرعه (d).
سوالى الثانى صيانه الالف الكيلو وماتم فيها والتكلفه وهل يتم تغير الزيت فيها امالا
وشكرا ليك اخوك مهندس /علاء حسن
يا بشمهندس طارق كل موديلات 2006 فيها فلتر تكييف و 2005 هى اللى ما فيهاش وانا عربيتى موديل 2006 و معايا من 12/2005 و فيها فلتر تكييف وده واحد من ضمن عده تعديلات حصلت فى الانسر من 2005 ل 2006 والتعديلات ده فى ال1600 بالذات كالتالى:
1-البومه 1600 موديل 2005 مافيهاش فلتر تكييف ولكن البومه 1600 موديل 2006 فيها فلتر تكييف.
2-البومه 1600 موديل 2005 جنوطها 185/65/جنط14 زى ال 1300 الموجوده لغايه دلوقتى ولكن البومه1600 موديل 2006 جنوطها 195/60/جنط15 .
3-البومه1600 موديل 2005 مافيهاش عمود اتزان خلفى زى ال1300 الموجوده لغايه دلوقتى ولكن البومه 1600 موديل 2006 فيها عمود اتزان خلفى.
4-حصل بعض التعديلات فى الوان بعض الأجزاء فى الصالون فى موديلات 2006 عن 2005 زى مثلا ان الصالون البيج فى 2005 بتبقه القتمه و طاره الدركسيون بيج بردو انما فى 2006 الصالون بيبقه بيج و معاه الدركسيون أسود و ده فى رأيى تعديل منطقى و شيك وكذلك لون الفبره اللى فيها الكاسيت و مفاتيح التكييف واللى عند الفتيس فى 2005 وما قبلها كانت سيلفر ولكن من أول 2006 بقت اغمق (رمادى أو سيلفر مأكسد) و طبعا فى رايى انه اشيك على الرغم من انه مجرد لعب بالألوان بس بجد خلتنى راضى عن صالون ال2006 و مكنتش راضى عن صالون ال2005 قوى و كنت مش حابب طاره الدركسيون البيج خالص و طبعا يا جمالها لما تتوسخ!!!!!.
يا رب تكون ملاحظاتى موفقه و تفيد و على فكره من أول 2006 المواصفات ثابته و الحاجه الوحيده اللى اتغير شكلها هى ان الاكصدام الأمامى بقه بارز و طاره الدركسيون شكلها اتغير.....
طارق باشا ازي حضرتك
يعني بتوع اسكندرية ملهمش نفس يستفيدومن تخفيض لانسر 2009:gun_bandana::2guns::2guns::2guns::2guns::2gun s::2guns:لاعضاء المنتدي
تم سؤال المهندس عبد الجليل (مدير الاستقبال بمركز الخدمة الرئيسي) وأجاب بالتالي :
لا يتم تغيير سلك البوجيهات الا في حالة تلفها اما أن تكون اغطية البوجيهات الكاوتش تالفة من السخونة ، أو يوجد انقطاع في السلك من الداخل ، وللتعرف على سلك البوجيهات التالف فانه في الحالة الأولى يوجد تهريب في كهرباء السيارة فلا تصل للمحرك ويحدث تنتيش او خنقة اثناء السير وعدم دوران المحرك بانتظام
وفي الحالة الثانية تحدث فرقعة للمحرك اثناء السير لأنه في هذه الحالة تكون احدى الاسطوانات لا تعمل وفاقدة للكهرباء
أما عن سعر طقم سلك البوجيهات لللانسر 99 في التوكيل فهو 200 ج +10%
السلام عليكم ..تحياتي لك يا باشمهندس طارق وعلي المجهود اللي حضرتك بتعمله.. الحقيقه ان كنت مش من هواه اللنسر بس الشكل الجديد عجبني جدا" وذوق حضرتك مشجعني علي اني اخد الخطوه دي...اللي هي يعني تغير عربيتي للانسر.. انا حاولت اكلم المعرض امبارح وللاسف محدش رد.. وكمان سوالي لحضرتك هل في مكان في شرم الشيخ اقدر اعمل فيه الصيانه؟؟ وهل في اوتو 2008 ولا مفيش غير 2009؟ ولو فيه هتعمل كام؟؟ وانا كان حد في معرض قالي ان في خليجي اوتو تعمل 122 الف؟ ياتري ايه الفرق بينها وبين المصري؟؟ انا اسف ان طولت علي حضرتك.. وشكرا علي مجهوداتك معايا و مع اعضاء المنتدي..
الاستاذ طارق بعد التحية... برجاء موافتى بالنصيحة و المصداقية فى حالة الرد على انا من عشاق اللانسر وحلمى ان اركب لانسر( البومة) الاسبورت ولقد توفر الى فى عملى الحصول على قرض السيارة واخذت قرار الشراء ولكن بالبحث فى هذا المنتدى عن افضل سيارة يابانى حصلت اللانسر على المركز الرابع و بعض الاعضاء قامو بالتشكييك فى مواصفاتها على سبيل الميثال 1-ارتفاع صوت المتور 2-العافشة نشفة ليست بالمرونة المتوقعة فى اليابانى 3-حرق كميات كبيرة من الوقود بما يعادل 150كم فى الصفيحة و هذا استهلاك للوقود عالى 4-عيوب بالكاوتش مما يودى الى عدم قيام العزل بكفاءة5-وصل سعر موديل 2009 الى 122000.00مع العلم وجود الشكل الجديد و كذلك وجود منافسين اخرين برجاء ا/ طارق سرعة الرد على لانى فى حيرة حيث ان الشخص لا يشترى سيارة كل يوم واعطائى النصيحة حيث توضح لى مدى صحة هذه الاراء لكى اتوكل على الله عز وجل فى القيام بشرائها وتفضل بقبول فائق الاحترام kotta