الكابوت مش راضى يفتح

**matrix012** · 22-09-2013 07:58 PM

حاجه غريبه قوى حصلت
امبارح فتحت الكبوت وشوفت الزيت وزودت مايه والحمد لله زى الفل
انهاردا واحد صاحبى كان عاوز وصلة بطاريه جيت افتح الكبوت علشان اديله توصيله بشد الدراع بيتشد عادى جدا بس من غير اى اكشن فى الكبوت
مره والتانيه لقيت الواير بتاع الكبوت مرخى شويه من عند الدراع طبعا
المهم احلفله ان الواير اتقطع وان الكبوت مش راضى يفتح وهوا مش مصدق ما علينا سيبوكو منه حظه كده
اعمل انا ايه بقى افتح الكبوت اذاى محدش يقولى انام تحت العربيه واحاول افتح الكبوت من تحت علشان متهيئلى المسافه طويله وايدى مش هتجيب المسافه ديه
اعمل ايه بقى
افيدونى افادكم الله
وشكرا

**Karim Ibiza** · 22-09-2013 08:14 PM

مش هنقولك تنام تحت العربية عشان انت قصير :)

روح لأى سمكرى وريح دماغك وخد معاك كابل جديد عشان يغيرهولك

**sala7** · 22-09-2013 09:05 PM

طالما الدارع طلع ل بره لما شديت من جوه شداد الفتح يبقا المفروض الكبوات اتفتح حماية .. تمد صوابعك علي السن اللي بيعشق لتحت هتزقه بالجمب ناحية يمين العربية و في نفس الوقت ترفع الغطا لفوق هي فتح معاك كحل مؤقت

**matrix012** · 22-09-2013 09:20 PM

المشاركة الأصلية كتبت بواسطة sala7

طالما الدارع طلع ل بره لما شديت من جوه شداد الفتح يبقا المفروض الكبوات اتفتح حماية .. تمد صوابعك علي السن اللي بيعشق لتحت هتزقه بالجمب ناحية يمين العربية و في نفس الوقت ترفع الغطا لفوق هي فتح معاك كحل مؤقت

يا sala7 انا بقول انى لما شديت الدراع من جوه محلصش اى حاجه يعنى الكبوت متفتحش
ومتهيئلى انا فتحت الكبوت كتير قبل كده لدرجة انى بقيت خبره
تسلم يا باشا على الرد

**amr elsisi** · 22-09-2013 10:10 PM

دوس علي الكبوت جامد
وبعدين استعين بصديق واحد يشد الزراع والتاني يحاول يفتح الكابوت

**matrix012** · 23-09-2013 09:48 AM

المشاركة الأصلية كتبت بواسطة windofchange

ممكن يكون حد ريح عالعربية فغالبا محتاج سمكري بس قبل السمكري هات سبراي مزيل الصدا ورش من تحت الكابوت نحية اللوك واخبط بايدك بعد شويه عالكبوت جامد كذا مرة يمكن يكون اللوك معلق

يا باشا اللوك مش معلق ده الواير اتقطع والحمد لله
وان شاء الله هروح انهاردا للسمكرى هوا هيرفع العربيه وينزل تحتها ويشد اللوك من تحت وربنا يسهل
شكرا يا باشا على الرد

**Ahmed Mubarak** · 23-09-2013 10:03 AM

السلام عليكم

شوف يا عم مصطفى اول حاجة اتاكد من ان الوير موجود من ناحية الدراع لان الوير المفروض ان بيبات فى مكان جوه الدراع وفى اخر الوير جزءحديد ليه مكان فى الدراع احيانا الجزء الحديد دا بيتقطع او بينفصل عن باقى السلك وفى الحالة دى اى حد بتاع تصليح الابواب هيركبلك جزء حديد من عندة ويبيتة فى الدراع وافتح براحتك
لو انت عايز تفتح الكبوت دلوقتى ممكن ببنسه شد طرف السلك

**matrix012** · 23-09-2013 12:51 PM

المشاركة الأصلية كتبت بواسطة ahmed mubarak

السلام عليكم

شوف يا عم مصطفى اول حاجة اتاكد من ان الوير موجود من ناحية الدراع لان الوير المفروض ان بيبات فى مكان جوه الدراع وفى اخر الوير جزءحديد ليه مكان فى الدراع احيانا الجزء الحديد دا بيتقطع او بينفصل عن باقى السلك وفى الحالة دى اى حد بتاع تصليح الابواب هيركبلك جزء حديد من عندة ويبيتة فى الدراع وافتح براحتك
لو انت عايز تفتح الكبوت دلوقتى ممكن ببنسه شد طرف السلك

افادكم الله يا عم احمد
اولا ازيك عامل ايه بقالى كتير قوى مشوفتكش طمنى عليك
ثانيا يا باشا الوير الى من ناحية الدراع كويس وموجود وزى الفل راكب فى مكانه ولا هامه
المشكله حضرتك انى لما بشد الدراع الواير بيتحرك معايا طبيعى جدا بس تقريبا الطرف التانى الى ناحية قفل الكبوت هوا الى عمل مش واخد باله ومش شايل مسؤلية الكبوت وهرب ساعة الزنقه
ياله الحمد لله المشكله انى بخلص شغل متأخر الايام ديه ومفياش حيل انى اروح لسمكرى ولا اى حاجه انا عارف ان الموضوع مش بياخد وقت بس فعلا مفيش وقت
ربنا يكرم

-

الموضوع: الكابوت مش راضى يفتح

LinkBack

أدوات الموضوع

عرض

-

-

-

-

المواضيع المتشابهه

قفلت باب التنك والكلبس وقع ومش راضى يفتح تانى

الكبوت مش راضى يفتح

سؤال عن قفل الكابوت

الكابوت

الريموت مش راضى يفتح السنتر لوك

الكلمات الدلالية لهذا الموضوع

المفضلات

المفضلات

ضوابط المشاركة