الموضوع: استفسارات سريعه عن الأمبريزا

المشاركة الأصلية كتبت بواسطة svneleven

المفروض تزود و الكاوتش لسه بارد. يعني الأحسن تزود و أنت لسه طالع الصبح.

علم يا فندم , اول مره اعرفها , بارك الله في حضرتك

المشاركة الأصلية كتبت بواسطة m_am

انا فعلا كنت سايب الموضوع خالص بس لما بصيت و لقيتها قليله و انا اساسا عندي هسس من عربيتي القديمه في موضوع الميه قلت مبدهائ بقى انا لسه في 300 كيلو قدامي وقت ع الصيانه ازود و ابقى اسألهم في التوكيل ايه الصح , متشكر اوي لمسعداتك المستمره دي ربنا يبارك فيك

يا باشا انت تؤمر وبعديين متشغلش بالك بالميه اليابانى عموماً والسوبارو خصوصاً نادر جداً فيهم موضوع السخونه دة

المشاركة الأصلية كتبت بواسطة ahmed hassan

القربة اصلا مش بتتملي على الاخر. متزودش حاجه.
التوكيل كان بيستعمل ميه موبيل لونها بيكون اخضر. بس انا كنت بجيب معايا ميه توتال و بتكون لونها احمر.

مهو في صيانه الألف وراني مستوى الميه يبقي لغايه فين و قعد يطمني و يقلي متشغلش بالك دي لايف تايم الميه و مش هتلاقيها بتقل ولا حاجه

المشاركة الأصلية كتبت بواسطة leitosr

هيا مش لايف تايم علي فكرة,
مفيش حاجة أسمها لايف تايم سواء في مياة تبريد أو زيت الفتيس الأوتوماتيك زي ما شركات كتير بتقول إن الفتيس sealed for life أو أن الزيت فيه life time.

المية زي ما وضحت لك قبل كدا نوعها long life coolant
ودي زي كل اللي بينزل في كل العربيات الجديدة سواء ياباني أو أوروبي,
ودي عمرها الأفتراضي 5 سنين أو 150 ألف كيلو ل 250 ألف كيلو,
اللي يجي فيهم الأول,,

ولو سيبتها أكتر من 5 سنين أو 200 ألف كيلو كا متوسط, ممكن طلمبة المية تبوظ في وقت أقرب من عمرها الأفتراضي لأن المية دي غير أنها بترفع درجة حرارة الماء ومش بتتجمد عند درجة حرارة صفر,,
عليها أضافات منها موانع صدأ وتزيت لطلمبة المية والseals داخل الموتور,,
ولما الأضافات دي عمرها بينتهي العمر الأفتراضي بتاع كل حاجة بتمشي فيها المية بيقل.

شوف كدا دا نوع تاني غير بتاع سوبارو اللي كنت حاطط لك صورته في ردي اللي فات,
لو كبرت الصوت هتلاقي مكتوب أنها بتعد 5 سنين أو 240 ألف كيلو متر,,
ودي فترة صلاحيتها في العربية من ساعة ما تحطها.



وطبعاً انت لما تزود مية تبقي من نفس النوع زي ما وضحت لك قبل كدا,, أو تزود بمية مقطرة فقط لو مش لاقي زي اللي عندك في العربية,
وأوعي تزودها ولا تخلي حد يحط لك مية من الحنفية,,
ولما تزود يكون ما بين العلامتين min و max زي ما الزملاء وضحوا.

ربنا يبارك في حضرتك ع الأيضاحات دي , للاسف انا مفتكرتش اسألهم عن نوع الميه اللي قلتلي عليه غير بعد ما مشيت , فان شاء الله في الصيانه القادمه اسالهم عنه لو موجود , انا بتابع الميه و لو لقيتها قلت هجيب الميه المقطره اضمن

المشاركة الأصلية كتبت بواسطة m_am

ربنا يبارك في حضرتك ع الأيضاحات دي , للاسف انا مفتكرتش اسألهم عن نوع الميه اللي قلتلي عليه غير بعد ما مشيت , فان شاء الله في الصيانه القادمه اسالهم عنه لو موجود , انا بتابع الميه و لو لقيتها قلت هجيب الميه المقطره اضمن

انا لسه شاريها من توكيل سوبارو الجركن ب ٨٧ بس غير الى فى الصور حوريهالك لما اقبلك هى امريكى