يا ترى هل فعلا ممكن تقال فيها الحكومة؟

**OlaOsman** · 09-09-2008 03:58 AM

كارثة الدويقة: استمرار أعمال الاغاثة وسط غضب شعبي ومطالبة باقالة الحكومة وتشكيل لجنة لتقصي الحقائق 9/8/2008 9:52:00 AM

أفراد من قوات الأمن المصرية يحملون جثة استخرجت من تحت الأنقاض - رويترز

إعداد: أحمد الليثي - تتواصل لليوم الثالث على التوالي عمليات الإنقاذ بمنطقة الدويقة التي شهدت كارثة انهيار الكتل الصخرية من المقطم وأدت إلى مصرع وإصابة العشرات وسط تحذيرات من احتمالات إندلاع إنتفاضة بين عشرات الآلاف من المشردين إذا ما تجاهلت الحكومة تطويق المأساة.‏
وعلى مدار الساعة تبذل فرق الإنقاذ جهوداً خارقة من أجل الوصول لخمسمائة شخص على الأقل تحت الأنقاض حيث دفنوا مع بيوتهم التي هوت عليها كتلة صخرية وزنها ألف طن.
وأزال عمال جزءا من تعلية ترابية يمر فوقها خط للسكك الحديدية يوم الاحد حتى يتمكنوا من إدخال مُعدات ثقيلة وجرافات الى موقع الانهيار.
واستخدم عُمال الإنقاذ في موقع كارثة يوم السبت المطارق الضخمة لتكسير سقف مبنى منهار في سبيل الوصول للدور الأسفل.

**OlaOsman** · 09-09-2008 03:59 AM

يا ترى هل ممكن المرة دي تقال الحكومة بسبب كارثة الدويقة؟ ام ستظل هذه الحكومة رابضة على أنفاسنا إلى الأبد؟

SS · 09-09-2008 04:10 AM

المشاركة الأصلية كتبت بواسطة OlaOsman

ام ستظل هذه الحكومة رابضة على أنفاسنا إلى الأبد؟

ايوه ...بالظبط كده....و بعدين تقال ع اساس ايه؟؟؟.....زى ما تم اقالتها ساعة القطار....وساعة العبارة .....و ساعة .....و ساعة....

**Mosso** · 09-09-2008 04:12 AM

و هي الحكومه مالها؟؟؟
هي الي قالتلهم يروحوا يعملوا عشوائيات؟؟
الحكومه عملت مساكن و طالبت انهم يتنقلوا فيها من كام سنه و هما موافقوش على اعتبار ان دي منتقطهم و ميقدروش يستغنوا عنها,

**MoDyBeNz2008** · 09-09-2008 04:16 AM

و هي الحكومه مالها؟؟؟
هي الي قالتلهم يروحوا يعملوا عشوائيات؟؟
الحكومه عملت مساكن و طالبت انهم يتنقلوا فيها من كام سنه و هما موافقوش على اعتبار ان دي منتقطهم و ميقدروش يستغنوا عنها,

كلام سليم بس احنا بنتكلم على دلوقتي
على موقف الحكومة هية عملت ايه ولا حاجة و ستظل هذه الحكومة رابضة على أنفاسنا إلى الأبد

**د-احمد عبد اللطيف** · 09-09-2008 04:23 AM

يا جماعة انتوا دايما بتحملوا الحكومه اكتر من طاقتها
هي فاضيه للمشاكل التافهه دي
الحكومه مهتمه بالمشاريع العملاقه زي توشكي و مترو الانفاق و ترميم مجلس الشوري
و مدينتي و بورتو مارينا و تطوير الضبعه و شرم الشيخ
الحكومه بتهتم بالغلابة رجال الاعمال
انما المواطنين دول لازم يتحملوا نتيجة غلطهم هو مش كل واحد متعلق من عرقوبه
يروحو يبنوا في مخرات السيل و ييجي الفيضان يشيلهم
ويبنوا في الدويقه و الصخور تسحقهم
ويركبوا العباره و يغرقوا
اللي يعمل حاجة يتحمل نتايجها
هي يعني الحكومه حتبقى مغسل و ضامن جنه

**Mosso** · 09-09-2008 04:40 AM

ايوه منا مش شايف انها حاجه ممكن الشعب ياخد موقف منها على انها قصرت,
في مواقف تانيه كتير الحكومه تتحاسب عليها انما ده معتقدش بالعكس هي عملت الي عليها و سكنتهم في خيم و الشغل هناك 24 ساعه عشان يلحقوا الي يقدروا يلحقوه

**OlaOsman** · 09-09-2008 04:42 AM

المشاركة الأصلية كتبت بواسطة mosso

و هي الحكومه مالها؟؟؟
هي الي قالتلهم يروحوا يعملوا عشوائيات؟؟
الحكومه عملت مساكن و طالبت انهم يتنقلوا فيها من كام سنه و هما موافقوش على اعتبار ان دي منتقطهم و ميقدروش يستغنوا عنها,

مش عارفة ليه مش داخلة دماغي حكاية انهم رفضوا يتنقلوا لمساكن نضيفة و فضلوا عليها الحياة في عشش فوق صخور مهددة في أي لحظة بالانهيار!!

**MoToRiZeR** · 09-09-2008 04:43 AM

مش فاكر قريت فين إن الجيولجيين أصلا بيحذروا من الوضع السئ للمنطقة دي من سنة 96!

بس عموما حكومة مين اللي تقال .. ده الشعب كله يمشي بس الحكومة قاعدة !

**Mosso** · 09-09-2008 04:57 AM

لا الحكايه دي فعلا بجد,
الناس دي عايشه في بطن الجبل محدش يعرف عنهم حاجه ولا بوليس ولا حكومه و لا اي حاجه,
بيطلع منهم كل العبر زي الغجر كده و من مصلحتهم ان ميتعرفش عنهم حاجه و لما الحكومه قالتلهم هنسكنكم اعترضوا لان ساعتها هيبقى العين عليهم كلهم و ده مش في مصلحتهم
والله يا جماعه مش بهاجمهم,
عشان انا عارف الناس هنا هيقعدوا يقولولي اتقي الله و ايه الي بتقوله و حرام تفتري على الفقرا ولا عشان هما فقرا يعني
بس والله يا جماعه انا مش جاي عليهم بس الي كان المفروض الحكومه تعمله فعلا هو استخدام القوه في نقل الناس دي,
عشان على الاقل ميظلموش نفسهم و الحكايه دي حصلت قبل كده في التسعينات و صخور برضه وقعت على البيوت و الحكومه بنت بيوت و اتحايلت عليهم يتنقلوا,
و لسه من كام سنه بنوا بيوت جديده في الدويقه و قالوا للناس تعالوا اسكنوا مقابل انكم تسيبوا العشش و اماكنها تستفيد بيها الدوله في مشاريع تانيه عشان على الاقل يقدروا يوفروا امن للمنطقه و يستفيدوا بمناطق مهمه جغرافيا في مشاريع كويسه بس قالوا لا,

و كان في تحقيق في الاخبار من فتره بيقول ان البيوت دي فاضيه و مفيهاش حد و في كلامهم مع الناس قعدوا يقولوا لا احنا عمرنا منفرط في بيوتنا ولا بالموت

الموضوع: يا ترى هل فعلا ممكن تقال فيها الحكومة؟

LinkBack

أدوات الموضوع

عرض

-

-

-

-

-

المواضيع المتشابهه

كروز فيها فتحة سقف , هل ممكن يكون فيها الموتور الي الايكو تك ؟

هل هذا ممكن فعلا بالانوس؟

هل السيراتو الجديده فعلا فيها ال Esc ؟؟

هل المواطن المصرى ممكن يسمع كلام الحكومة بالنسبة لموضوع انفلونزا الخنازير ...؟؟

هل فعلا الافيو 2009 الجديدة فيها مشكلة الـrpm

الكلمات الدلالية لهذا الموضوع

المفضلات

المفضلات

ضوابط المشاركة