الموضوع: كيا ريو - استهلاك البنزين

المشاركة الأصلية كتبت بواسطة S O P H O S

في 1400 وبيطلع 77 حصان
ونفضل نقول بلاش سفر كل شهر وتكيف وتحميل علي العربية !
وفي عربية تاخد منها الاداء الي عاوزه والاستهلاك زيادة لتر او 2
عارف يا عزيزي لو كانوا كاتبوا 1600 cc كانوا الموضوع اتحل
بصراحة الي يهمني ماتور يستحمل سفر وحر وتكيف وحمولة ويعيش
ومش عاوز ماتور يمنعني من كل شئ مقابل توفير شوية وقود
مجرد رأي ..

كلامك سليم جداً كالعادة
وفي 1600 وبيطلع 83 حصان

المهم نرجع للموضوع ... الاستهلاك اللي انت كتبته ده من كمبيوتر العربية طبعاً صح ؟
طيب احسبها انت بنفسك كده وقول لي :)
وفي عوامل كتيره بتأثر على استهلاك البنزين طبعا الكل عارفها

المشاركة الأصلية كتبت بواسطة tutankhamoun

أستاذ جون
فيه حاجة انت مش ذاكرها في الموضوع
الأستهلاك حسبته ازاي ؟
داخل البلد و لا خارج البلد على الطرق السريعة ؟
بتقف في اشارات كتيرة و لا العربية ماشية أغلب الوقت ؟

الأستهلاك اللي أنت كاتبه خرافي خزعبلي و عالي جدا

و معلش ملوش علاقة بقوة الحصان .

دي كدا أستهلاكها اعلى من 1600 سي سي ؟

120 كم / 20 لتر = 6 كم - لكل لتربنزين (ده أستهلاك سئ جدا لو على طرق سريعة و بسرعة لا تتجاوز 100 كم - س )

بس جاوب الأول على أسئلتي و نفكر مع بعض .

الاستهلاك اولاً قيسته بكذا طريقة ..
انا فولت التانك كاملاً و عملت reset لل trip A و مشيت لغاية ما اللمبة نورت و كان مديني قراية 250 كيلو تقريباً

ثانياً
عداد القراية بتاع الاستهلاك مابيقلش عن 16 L لكل 100 KM دا علي الشاشة قدامي داخل البلد.
كل اللي بقوله داخل البلد
و مش واقفة ولا ماشية. عادي المشي العادي جوا البلد مش بتكلم علي زحمة خرافية يعني..

و انا فاهم انه استهلاك سيئ..

اخر حاجة انا شايفها دلوقتي علي اخر مقياس.. روحت الشروق و رجعت مع شوية لف بسيط جوة البلد من غير زحمة و من غير حرق خالص مزودتش عن 120 ( 3 RPM ) . العربية استهلاكها علي الطريق السريع حوالي 10 لتر لكل 100 كيلو.. و دا برضو سئ علي طريق سريع !!


انا اللي اعرفه ان المفروض فيه update لل software في التوكيل. وانا حجزت في ابو رواش يوم الاربع اللي جاي عشان يجربو بنفسهم.. بس انا كنت عايز اعرف فعلاً كان فيه حد عنده المشكلة دي بالطريقة دي و عمل الصيانة و صلحوهالو ولا انا هاروح مشوار علي الفاضي؟

شكراً ليك علي اهتمامك انت و كل الناس اللي ردت :)

دي كده استهلاكها زي 2000 cc
مش 1600 حتى !!!!!!!!!!!!

وبصراحة أنا مش شايف حتى إن ال 109 حصان مترجمين لأداء عالي
ال rio بتجيب ال 100 في 13.2 (يمكن ال hb اسرع باعشار من الثانية)

أما ال grand punto ال 77 حصان بتعملهم في 13.2 برده
يعني كل اللي كسبته إني بستخدم بنزين عالي على الفاضي

ده حتى اقصى سرعة 170 بس
نقطة كمان :

ما كل الكوري أو الاسيوي عموما دايما أرقام ال HP بتبقى أعلى من المتوسط
ودة لسبب بسيط جدا
إن العزم بيطلع على RPM متأخرة
وطبعا كلنا عارفين المعادلة الشهيرة

HP = Torque x RPM ÷ 5252

بس عمرنا ما سمعنا إن أي واحدة منهم استهلاكها مش طبيعي كده

تحياتي لكم