هى ليه الانوس اسرع من الفيرنا

**fghahkj** · 24-09-2013 10:17 PM

بالرغم من ان ماتور الفيرنا اقوى بكتييييير من الانوس من حيث عدد الاحصنه والسى سى
وكمان 2 كامه وتكنولوجيا احدث لكن انا كل لما اشد مع فيرنا فى طريق سفر فى البدايه هو بيفرق عنى تحت 120كم وبعد ال 140 كم بعديه بسهوله جدا والموضوع اتكرر مع عربيات مختلفه على طريق بورسعيد وعلى طريق الساحل وعلى طريق مطروح
انا بوصل بعربيتى ل190 مستريح

حد عنده تحليل للموضوع ده

**Dr/ P.K.Sh** · 24-09-2013 10:25 PM

موتور الانوس بيشد بعد ١٢٠ عكس الفيرنا بيشد فى الاول و دى تكنولوجيا موتور

**shur3000** · 24-09-2013 10:36 PM

المعروف ان الفيرنا اسرع فى البطئ لكن فى السريع اللانوس اسرع بمراحل ودى

**alzelafy** · 24-09-2013 11:04 PM

الفيرنا خفيفه بردو عن اللانوس و موتورها عفى قبل ال 100 لكن بعد كدة فى الضياع و اللى بيشد مع فيرنا او لانسر او تويوتا لازم يعرف القصه دى و يعرف يطلع منهم امتى انا معرفتش اجيب الفيرنا بالباسات بس بعد ال 140 معرفش ياكل معايا الباسات بتتحول بعد ال 120 بيجلها سعار و بتلاقى العربيه عايزة تطير

**Silent~Dream** · 24-09-2013 11:05 PM

تجميع الفيرنا للسرعات القليله افضل هيونداى بتهتم اكثر بالاكسلريشن لكن تكتولوجيا الانوس بتخليها يجيب توب سبيد اكثر من الفيرنا

**Ahmed Amin** · 24-09-2013 11:30 PM

كمان جسم اللانوس أنسيابي أكتر من الفيرنا من ناحية تصميم الكبوت و الكشافات الأمامية,
علي عكس تصميم الفيرنا اللي مش أنسيابي أووي في الأيرودينامكس زي تصميم اللانوس,

ودا هيساعد اللانوس أكتر أنها تجمع سرعة بشكل أسرع علي السرعات الأعلي فوق 140

**lanos2004** · 24-09-2013 11:44 PM

الفيرنا سليمه اسرع من الانوس 8 صباب سليمه وتوب سبيد اعلى بس لو لانوس 16 صباب الموضوع مختلف على اى سرعه لصالح الانوس

**Khaled Lanos** · 24-09-2013 11:55 PM

يا جدعان انتو بتتكلمو في ايه انا معايا لانوس وشديت مع الفيرنا كتير واحب اقولكو الفيرنا بتبهدل اللانوس فوق الـ 100 وتحت الـ 100 متورها 1600 سي سي 2 كامة 16 صباب مينفعش يتقارن بالمتور العقيم الـ 1500 كامة واحدة 8 صبابات العقيم بتاع اللانوس..لكن في المجمل اللانوس أكتر ثبات من الفيرنا عشان اتقل لكن الفيرنا متور شديد على بودي زي الورق.