الموضوع: عملت صيانة الالف كيلو النهاردا ومهندس التوكيل قالي كلمة مهمة جدا

المشاركة الأصلية كتبت بواسطة leitosr

هوا معلومة بس صغيرة ليك,, الزيت المفروض بيتغير علي 10 الأف كيلو, مش علي ألف كيلو,,
دي حركة خسيسة بتعملها التوكيلات اللي معندهاش ضمير,,

وصيانة الألف أو ال 2500 أو حتي ال 5000 كيلو بتكون مراجعة علي السوائل فقط,
ومفصلات الأبواب وتربيط عفشة,, وبتكون مجانية,,
ولو كان عندك أي مشاكل أو ملاحظات بتقولها,,

غير كدا العربية بتنزل بزيت تخليقي وأنت المفروض تراجع المقياس كل أسبوع مرة علي الأقل, وتشوف اللزوجة ولو حالة الزيت كويسة واللزوجة كويسة مفيش داعي أنك تغيرة بدري ولا تخليهم يعملو عليك شغل.!

وكلامه اللي قالهولك دا مش جديد, وحضرتك من كلامك بتقول أنك قريته قبل كدا هنا,,
يعني حاجة معروفة من قبل ما تشتري ومن قبل ما تروح للتوكيل,, وهوا كان بيقولك كدا أي كلام يعني قبل ما تمشي عشان عمل عليك مصلحة وأسف في اللفظ,,

وعشان تنتظر ساعة عادي في أي توكيل,, لكن عشان تغير الزيت ياخد ساعتين في الورشة دا وقت غير عادي,,

المهم مبروك علي العربية وعلي الصيانة وعقبال صيانة ال 100 ألف.

شكرا على المعلومات القيمة بس الى فهمتوا من حضرتك ان بعد الالف كيلوا الاولى للسيارة متغيرش زيت الماتور لانه 10 الف كيلوا الى جاي من بلدها او المصنع وان تغيرو نوع من الغش الا في حالة فقد اللزوجة او النقص بس هو فية نقطة هو التوكيل مش المفروض بديلك ضمان وعلى الاساس دة المفروض انك مطر انك تغير الزيت عندة ولو رفضت يحملك المسؤولية لانك رفضت تغيرو لاي سبب يحصل.

المشاركة الأصلية كتبت بواسطة leitosr

أيوة العربيات الجديدة كلها بتنزل بزيت موتور تخليقي, مفيش عربية جديدة بتنزل بزيت معدني أو نصف تخليقي,,
والمفروض أن عمره الأفتراضي من 8000 إلي 12000 كيلو متر,
وأنت المفروض وهيا عربيتك جديدة تشيك عليه كل أسبوع أو أسبوعين بالجديد عشان لو فيها حاجة تعرف الضمان والتوكيل,,

غير كدا مفيش توكيل محترم بيغير الزيت للعميل علي 1000 كيلو إلا اللي معندهمش ضمير عشان يعمل عليه أي شغل وأي مصلحة, هيبيع له جركن زيت وفلتر أحسن ما يستني علي ما يجي له علي ال 10.000 وممكن تبقي بعد سنة.!

والضمان اللي أنت بتاخدة بيكون علي أنك متعملش شغل في العربية بره التوكيل خاص بلعب في الكهرباء أو الضفيرة أو الميكانيكا,,
أما غيار الزيت دا مفهوش شغل ميكانيكا,, والمفروض أن أول غيار زيت يكون علي 10 الأف أو 7 لو حد عايز يروح بدري,,

وكل التوكيلات النضيفة لما حد بيشتري عربية جديدة بيقدمو له صيانة مجانية اللي هيا أول صيانة,,
مش بيتعمل فيها حاجة غير مراجعة حالة السوائل عشان لو كان فيه تسريب زيت موتور أو فتيس أو باقي السوائل من زيت باور وفرامل ومياة تبريد,, وبيتعمل تربيط عفشة للعربية مجاناً وبيسمعو منك لو فيه أي ملاحظات علي العربية أو السواقة عموماً وبس...

وأول صيانة فعلية بتكون علي ال 10 ألاف كيلو وبتكون زيت وفلتر زيت فقط,
ومفيش تحميل مسؤلية والكلام دا, عربيتك بينزل فيها زيت 10 الأف والمفروض في جدول صيانتك أنك تغيرة في معادة أو في صيانة ال 10 الأف,, وشوف كتالوج عربيتك وراجعة برضه.
وأن أول صيانة مجانية دي ممكن متروحهاش ومش هتضر بالضمان في حاجة,, بس أنت بتروحها لو عندك مشكلة وعايز تربط عفشة عندهم ومش شرط فيها أبداً أنك تغير زيت !!

شكرا على المعلومات المفيدة ديه انا استفد منها صراحة ربنا يبارك فيك بس انت قولت بنفسك لو التوكيل محترم واعتقد التوكيلات الى عندنا بتتلكك اصلا وزي ما قولت نشوف الى مكتوب فى الكتالوج بس هل كل الكتلوجات بيوضح نوع الزيت الى موجود في العربية حاليا خصوصا لو تقفيل مصري ؟!

المشاركة الأصلية كتبت بواسطة leitosr

هوا معلومة بس صغيرة ليك,, الزيت المفروض بيتغير علي 10 الأف كيلو, مش علي ألف كيلو,,
دي حركة خسيسة بتعملها التوكيلات اللي معندهاش ضمير,,

وصيانة الألف أو ال 2500 أو حتي ال 5000 كيلو بتكون مراجعة علي السوائل فقط,
ومفصلات الأبواب وتربيط عفشة,, وبتكون مجانية,,
ولو كان عندك أي مشاكل أو ملاحظات بتقولها,,

غير كدا العربية بتنزل بزيت تخليقي وأنت المفروض تراجع المقياس كل أسبوع مرة علي الأقل, وتشوف اللزوجة ولو حالة الزيت كويسة واللزوجة كويسة مفيش داعي أنك تغيرة بدري ولا تخليهم يعملو عليك شغل.!

وكلامه اللي قالهولك دا مش جديد, وحضرتك من كلامك بتقول أنك قريته قبل كدا هنا,,
يعني حاجة معروفة من قبل ما تشتري ومن قبل ما تروح للتوكيل,, وهوا كان بيقولك كدا أي كلام يعني قبل ما تمشي عشان عمل عليك مصلحة وأسف في اللفظ,,

وعشان تنتظر ساعة عادي في أي توكيل,, لكن عشان تغير الزيت ياخد ساعتين في الورشة دا وقت غير عادي,,

المهم مبروك علي العربية وعلي الصيانة وعقبال صيانة ال 100 ألف.

فى الدليل بتاع صيانة نيسان مكتوب ان الزيت يتغير على 1000 كم
واظن ان مش من مصلحة المهندس انه ياخده على جنب علشان هوه عامل عليه مصلحه ده التوكيل مش بتاعه

المشاركة الأصلية كتبت بواسطة LeitoSR

هههههههههههههه
,

وهقولك علي حاجة لو كتالوج بتاع الصيانة بتاعك مكتوب فيه إن تغير الزيت كل 1000 كم
غيرة كل 1000 كم, إن شاء الله علي 800 كيلو كمان..


تحياتي ليك.

انا فاهم وجهة نظرك بس بقولك ان كتيب الصيانه بتاع نيسان مكتوب ان فى صيانة الالف بتغير زيت وفلتر وفيه بعض الناس بيقولوا ان سبب تغيير الزيت بعد اول 1000 كم ان الموتور بيكون لسه بيطبع فيفضل تغيير الزيت علشان ينزل معاه الرايش وكلها اجتهادات
انما فيه عربيات على ما قريت قبل كده زى الc4 تقريبا اول صيانة بعد 15 الف كم