الموضوع: عملت صيانة الالف كيلو النهاردا ومهندس التوكيل قالي كلمة مهمة جدا

المشاركة الأصلية كتبت بواسطة فبريكا

افادكم الله كفيت ووفيت يا مبدع هو الاصفر ده معدني بردوا ؟ مرة كنت بستعمل زيت موبيل العادي 2000 ان العربية كان سحبها حلو لما غيرت زيت العربية لشيل 4000 بقت احس انها تقيلة في اول تغير الزيت انت ايه رايك في الموضوع ده .

أنا أستعملت موبيل ل 3 سنين لما كانت العربية في الضمان, وكنت بغير في التوكيل طبعاً وكانو بيغيرولي الزيت والفلتر من عندهم,,

زيت موبيل كان كان مخلي العربية بطة وبحرق عليها عشان تجمع سرعة,, صوت العربية كان عالي زي العربيات الديزيل !! وكان دايماً صيف أو شتاء فيه صهد طالع من الكبوت,,


وكانت الفترة دي معايا عربية تانية لانسر خليجي وكنت بحط لها زيت شيل, وكنت ملاحظ فرق ملحوظ في السحب ودرجة حرارة الموتور والصوت.
زيت شيل سحب العربية معاه عالي جداً, صوت المكنة هاادي جداً, مفيش صهد طالع من الكبوت.

لما غيرت لزيت شيل حسيت أني كنت ظالم العربية, وأكني ركبت عربية جديدة,,
وحلفت من بعدها ما أحط زيت شيل ف العربية ولا أمون من بنزينتهم حتي لو كان فيه بدائل تانية زي أمارات مصر أو شيل أو كالتكس,,

وبقيت وانا رايح التوكيل أشتري جركن زيت شيل ألترا وأروح بيه علي التوكيل وأقولهم عايز أغير بيه,, بجد فرق كتير.
ودي تاني تجارب ناس كتير ومتكسلش تقرا 3 ل 5 صفح من الموضوع هتستفاد من خبرات وتجارب ناس كتير,,
http://www.nilemotors.net/nile/42130-a.html


الجركن الأصفر الناس بتقول عليه معدني, بس أنا أعرف أنو نص تخليقي.
أنت لحد ال 100 ألف خليك في الجركن الرصاصي عشان دا المناسب لعربيتك,,