الموضوع: ..:: التقرير الشامل النهائى لتويوتا كورولا 2014 ::..

المشاركة الأصلية كتبت بواسطة abofandy

ربنا يخليك يارب على كلامك الجميل دة
انا مش مستنى شكر لا من تويوتا الام ولا التوكيل ولا اى حد
انا يكفينى كلمة شكر من انسان لا يعرفنى ولا اعرفه او حتى دعاء بظهر الغيب ان قدرت اوصل معلومة له وهو قاعد في بيته من غير ما يتعب في وقت انا جمعت فية الصور والمعلومات والاسئلة
يكفينى انا اساعد لان انا في حاجات كتير بدخل اسئل واتعلم من الاسئلة وهو دة النظام الجماعى التيم وررك الى عنده معلومة يقول وتنقاش فيها حتى تثبت صحتها من عدمها

بالنسبة انك بتقول انى متحمس للعربية : لان انا شايف ان كورولا غيرت فكرها تمام بالنسبة للاسواق وهى
1 -+ الكورولا كانت فقيرة في الاوبشن لكن هذا العام ....
2 -+ الكورولا مسالة الثبات فيها مش قد كدة لكن هذا العام ...
3 -+ الكورولا او التويوتا عموما عربية حمارة شغل بس مفيش فيها تجديد خالص لكن هذا العام ..
4 -+ الكورولا هيا هيا محفوظة وبدات تروح عليها والكوروى ولع الدنيا واكل الجو لكن هذا العام ...

كل الاسباب دى تخليك متحمس وانا واحد من الناس دى اول عربية زيرو ليا بس ركبت قبل كدة تويتا ولكن مستنى اشوف تويتا الجديد وما لها وما عليها


بالنسبة لنقطة شغلى الشاغل العربية ::: لا لا اطلاقا
انا اعمل طبيب اسنان
واحب مهنتى جدا جدا لابعد ما تتخيل وهى دى شغلى الشاغل
لكن العربيات من الهوايات وبحب افيد واستفيد وانا استفدت من المنتدى كتير جدا وانا مشترك فيه من عام 2010 لكن كنت لما احب اعرف حاجة كنت اشوف وامشى ( اسرق واجرى )
ولكن
ولكن
لما لقيت الناس في جدال كبير ونقاش على موضوع الكورورلا الجديدة
ولقيت عندى معلومات وصور وحركات اقدر افيد بيها قولت الله
طيب لية منعملش مووضوع محترم كدة نلم بيه الناس ونلم الافكار ونلم الاسئلة ويبقى موضوع شامل
وجات الفكره
اتعمل في اقل من نص ساعة
بالضبط من الساعة 1.30 لحد 2.15 ظهرا ( بعد ما رجعتى من شغلى (( المستشفى )) لحد ميعاد العيادة ) قولت يواد ياابو حميد ما تيجى نعمل الموضوع ونسيبه ونشوف رد فعل الناس باليل بعد ما نخلص العيادة ومش هنخسر حاجة ... رجعت ليقت تجاوب من الناس لان الناس كانت متاهبه لاى موضوع يشمل الكلام والافكار والصور وكل حاجة وقد كان

بالنسبة بقى الحماس الزايد الى انت شبهته بالعروسة
والله بدور على عروسة ههههههههههههههههههه
مش بيقولك الدكاتره عايزة 5 عين (( عمارة - عيادة - عربية - عروسة - عزبه ))
بما ان وضحت ليك ع العربية ومواصفات وكل ما لها .. يبقى ترد ليا الجميل بقى وتشوفلى ع العروسة هههههه
وانا مستنيك بقى ها ...


انا مش عارف انا حكيت قصة حياتى وعايش في دور المسلسلات ليه كدة
ههههههههههه
انا طولت معلش بس انا عارف انك هتعذرنى
ربنا يوفقنا جميعا لما يحبه ويرضاه وربنا يجعلنا نفيد ونستفيد من بعض

أنا حاسس ان بقالي زمن مادخلتش هنا معلش الرد متأخر بس هي الدنيا كده بتاخد الواحد دايما ،بس ما شاء الله المشاركات زادت أوي و اطورت واضح ان جمهور الكورولا الجديدة كبير
في واحد زميلي جابها و راكنها تحت البيت و بيتحرك بالعربية القديمة شكله خايف عليها أوي
انا لسة ماحجزتش بس سعر الهاي لاين خلاني أفكر في عربيتين كمان من فئة تانية و هما السبورتاج و القاشقاي 2014 هي لسة مانزلتش مصر و أكيد لسالها شوية بس هي مختلفة تماما عن 2013 و تحفة بجد و فكرة العربية ال suv حلوة أوي و بدأت تلعب في دماغي بس لحد دلوقتي مش عارف ليه حاسس ان اختيار العقل هي الكورولا
انت يا دكتور بلدياتي من المنصورة و عايش في المنصورة ازاي لسة مالقتش عروسة امال انا اعمل ايه اللي عايش في القاهرة الواسعة اللي ماحدش يعرف فيها حد ؟ عموما بما انك طلعت بلدياتي بقي دلني انت الأول و بعدين ابقي انظر في طلبك :)