أظن السبب فى ان العربيه ماعامتش مانع الانزلاق
يا جماعه حد عرف ان تويوتا بتستدعى اكتر من 2 مليون سياره من نوع الكورولا و الياريس و افينسيس بسبب عيوب فى الوساده الهواءيه دا خبر مؤكد لسه حالا انا كنت هشتريها كمان اسبوع بس قلقت جدااااا
صباح الفل على عشاق أحلى عربية في مصر
ان شاء الله انا رايح التجمع يوم السبت القادم اعمل صيانة ١٠٠٠كم
حد عاوز ينصحني بحاجه اخد بالي منها ؟
وبالنسبة لأضواء الفوجات أنا شايفها ضعيفه ومصفره مش ماشية مع الليدات ياريت برضه النصيحة اغيرها بإيه ؟
تحياتي ^_^
صيانه الالف صيانه مجانيه
بيتم فية تشيك على العربية على العفشة على السوائل
بيتم فيها تشيك على التيل والطنابير
على اضواء السياره
واهم شى ان السياره بتاخد كود رقمى لتفعيل الضمان
ويتم غسيل السياره وتشحيم او تزيت المفاصل الابواب والشنطه
بالنسبة لاضاءه الفوجات التوكيل وقف تغير لمبات الفوجات خاللللللللللللص
سواء بتركيب زينون او حتى بتركيب لمبات هالوجين عادية بوات اعلى وذلك لان خامه الفانوس مش بتستحمل
فية حل وحيد بس انك تغييير الفانوس الفوج كله بواحد تانى وكان موجود فى العباسية 3 فقط ( كانوا خليجى ) وكان الفانوس فيه ليدات كمان وكان الجوز ب 1500 وطبعا اول لما وصلوا اتنسفوا واتباعوا دة الحل الوحيد الامن الى بيعملوة التوكيل
مساء الخيرات
محتاج أعرف أسلوب عمل وحدة رفع الزجاج ووحدة ضم المرايات
هل بمجرد الضغط على زر Lock بالريموت الزجاج بيقفل والمرايات بتتحرك لوضع الغلق اوتوماتيك والا لو ضغط ضغطه مستمره لعدة ثواني ؟
وبالنسبة لوحدة ضم المرايات في حالة ضمهم بالريموت هل بمجرد الضغط على unlock بالريموت بيفتحوا والا لما اضع المفتاح في الكونتاك واحركه للوضع on ؟
السلام عليكم
اخى الفاضل انا ركبت وحدة رفع و وحدة ضم فى كرولا ٢٠١٤
مجرد الضغط على زر القفل فى الريموت بتضم المريات وتبدأ وحدة الرفع فى العمل بداية من زجاج السائق ثم الزجاج الإمامى الأيمن ثم الخلفى الأيمن ثم الخلفى الأيسر
اما بالنسبه المريات حضرتك بتكون سايب زر التحكم الداخلى على وضع الفتح عشان كده اول ماتحط مفتاح السيارت على وضع on بتفتح المريات يعنى الريموت مش بيفتحهم خالص
اما لو كان وضع زر التحكم الداخلى على وضع الغلق فحضرتك بتضطر لتحويله لوضع الفتح
يا رب أكون قدرت أفيد حضرتك
شاكر لذوقك وللتوضيح باستفاضه :Ta_clap[1]:
انا رحت ركبتهم في التوكيل النهارده ويظهر انهم مدارس
فالمدرسة اللي ركبتهم لك وصلت وحدة الرفع على اساس اول حاجه زجاج السائق
اما المدرسة اللي ركبتهم لي عكست الوضع فآخر زجاج قفل هو بتاع السائق ولما سألت كان الرد : علشان لو بعد ما قفلت افتكرت مفتاح والا موبايل جوه العربيه تلحق تاخده عقبال الزجاج ما يقفل واحد ورا التاني .. على العموم مش فارق معايا مين يقفل الاول المهم يقفلوا كلهم :120105~352:
السلام عليكم
عندى سؤال بخصوص سياره ماتركس ٢٠٠٩اتوماتك
انهارده وبدون مقدمات بتعمل حاجه غريبه آوى وانا ماشي بيها ادوس بنزين مؤشر ال أر بي ام يطلع وينزل وتنتش وصوتها يعلى ويوطي
حد عنده تفسير برجاء الافاده
السرعة كانت فى حدود ٤٠ كيلو يعنى تقريبا ًالعربيه على التاني