الموضوع: ..:: التقرير الشامل النهائى لتويوتا كورولا 2014 ::..

المشاركة الأصلية كتبت بواسطة abofandy

الحمد لله .. ان صدقت معلوماتى انها تايوانى
وشابوة للكورولا المصرى التى تتفوق حتى الان سواء اوبشن .. تقفيل .. صاج .. وكمان ضمان

انا موجود في السعودية ومعي الكرولا 2014 طبعا في الاوبشن المصري تتفوق وبالنسبة للتقفيل ما اقدرش احكم لأني ما شفتش التقفيل التركي وان كنت عانيت من بعض المشاكل في التقفيل التايواني ، لكن سؤالي معقوله في اختلاف بين العربيتين في الصاج ، اللي انا فاهمه ان الصناعة للأثنين واحدة (ياباني) لكن التقفيل هو اللي مختلف فالمفروض يكون الصاج واحد والا انا فاهم غلط

معلش سؤال حضرتك كنت قلت في مشاركة سابقة ان العربية بعد تعديل الارتفاع هتبقى 14.5 سم ، بس في البروشور بتاع العربية في السعودية كانوا كاتبين ان الارتفاع 14.60 فهل معني كدة ان التعديل في مصر هيتم بقطع غيار غير السعودي

المشاركة الأصلية كتبت بواسطة mamado56

ايه المشاكل اللى عانيت منها فى التقفيل التايواني؟؟

اول حاجة لما استلمت العربية كانت ازرار التحكم في الكاسيت الموجوده في الدركسيون مش شغالة ودي كانت غلطتي ان استلمت على كده لأني افتكرت ان ليها برمجة ، وقعدت في موضوع اصلاحها حوالي شهرين ونصف رايح جاي على الوكالة في الرياض ، غير الشكاوى للمركز الرئيسي في جده

تاني حاجة وهم بيغسلوا العربية في صيانة الالف في قطعتين فبر في الكبوت ناحية الصالون طاروا من ضغط المياه ولما انتبهتليهم ركبوهم بس للأسف خامتهم سيئة جدا وتركيبهم مش ثابت يعني مع شوية هواء جامد او ضغط مياه ممكن يطيروا

تالت حاجة في قطع بلاستيك صغيرة موجودة في ارضية الصالون بتغطي رؤوس بعض المسامير تحت التابلوه من ناحية كرسي السائق والراكب الامامي مع تنظيف العربية بالهواء بتطير ، ودور انت بقه عليهم وان لقيتهم

الرابعة اللي بعاني منها دلوقتي اكرة الباب بتاعي بقت تقيلة في الفتح سواء من برة أو من جوة ودي ناوي اقول لهم عليها في صيانة ال 10 الاف

غير كده العربية الحمد لله كويسة ، وربنا يرزقنا جميعا خير سيارتنا ويكفينا شرها