الموضوع: طقم الدبرياج محتاج يتغير وعلي حسابي وانا في الضمان ؟؟

المشاركة الأصلية كتبت بواسطة georgedada82

بلغ حماية المستهلك وبلغهم انك قولت الملاحظة دي من اول 5000 كيلو وان ده مثبت في التوكيل
حماية المستهلك هيتحرك معاك كويس جدا جرب مش هتخسر

فكرت في كده فعلا ...بس للاسف مش معايا اثبات مادي في ايدي ..اسهل حاجه انهم يقولوا مبلغش او مشتكاش..رغم اني فعلا رحت ظبطت التكييف بعد ما استلمت العربيه بشهر في التوكيل يعني كان ضمان الدبرياج شغال ..بس هتثبت عليهم ازاي ؟؟؟
علي العموم اجرب...هو عيب صناعه في العربيه مفيش كلام

طيب يا شباب حد يعرف لو حبيت ابعت لموقع الشركه الآم في فرنسا ابعت ازاي ؟؟
حد عنده الميل بتعهم ؟

المشاركة الأصلية كتبت بواسطة ahmed a rahman

انا شايف ان المشكلة مش في الدبرياج اصلا

الدبرياج طالما العربية جديدة ومفيش مشكلة في السحب يبقى سليم

طقم الدبرياج مبيزيقش
انا شايفه من سلك الدبرياج
انا كنت كده من كتر ما بقيت اشحمه طول السنين اللي فاتت الشحم لم تراب وعمل hard masses بداخل الواير نفسه

رحت للتوكيل حتى بعد فترة انتهاء الضمان وطلبت تغيير السلك بس عامل بتاع 100-200 جنيه
اتفك السلك وطلع لي المهندس بره وقالي حرام تغيره دا لسه زي ما هو وكان ماسك السلك الجديد بغلافه ورفع لي الاثنين امام عيني

قالي لو عايز تغير حنغير بس صدقني كان جواه كتل كتير من التشحيم المستمر احنا فصلنا السلك عن الغلاف بتاعه ونظفناه بمواد كيماوية ورجعناهم ثاني

خرجت من عندهم بعد تنظيف وتركيب السلك القديم وانا راضي عنهم جدا وراضي عن ضميرهم

السلك زي الفل بقالي اكتر من 3 شهور مفيش تزييق خالص

وعشان كده رأيي في التوكيل كويس جدا على الرغم من بعض الردود الغريبة من المهندسين وهما under stress زي ده العادي بتاع العربية والتغيير حيكلفك كذا والكلام ده بس بيكون عشان يفرقوا بين اللي جاي يقول اي مشكلة قراها على النت مثلا وبين اللي بيعاني بجد

انا لسه مش ناسي لما رحت بعد 70 الف وطلبت تغيير المساعدين وقائيا prophylactic وعشان مشيي على طرق سريعة على طول والمهندس كان بيتحايل عليا عشان مغيرش المساعدين وكذا مرة يقولي لأ لحاد ما مرة اصريت وقولت له المساعدين كفائتهم 70 % وانا بحب كل حاجه 90-100 لأن المساعدين life saving في المناورات والثبات في الملفات

عمري ما حسيت انه لبسني في حاجه او تنصل من حاجه بالعكس انا مغير اكتر من 10 حاجات في الضمان ومن غير ولا مليم بتكلفة تعدي ال20 الف جنيه

الى الآن انا عامل 112 الف كيلو ولسه راضي عن العربية والتوكيل

يا تروح التوكيل تطلب منهم فك الواير وتنظيفه
يا تروح لاي ميكانيكي لان الموضوع بسيط اوي مش حياخد دقيقة وحيكون طالع بالسلك ويفكه من بعضه وينظفه

او حتى تشتري سلك اصلي او تركي وتركبه وتستمتع بالنعومة لان طقم الدبرياج سليم

الله ينور عليكم طمنتني ...انا اصلا مش حابب قصه تغيير طقم الدبرياج لا العربيه جديده بس حضرتك راضي ازاي عنهم وهما قالوا لي رد زي ده وجربوا العربيه وهما بيستلموها مني لاقوا الدبرياج فعلا بيزيق يعني عجبك بقي لو كنت انا وافقت مثلا ولبست تمن تغير طقم دبرياج وده طبعا هيبقي بمبلغ محترم دا غير طبعا اللعب في موتور وفتيس العربيه وهي لسه زيرو اعتقد ده سوء تشخيص يإما استغلال لزبون مش فاهم او هما مش فاهمين ...المهم كلام ميطلعش من توكيل بصراحه
انا فقدت الثقه فيهم
وياريت بقي تكمل جميلك ليا عندك طلبين
1- تقولي ايه الحاجات الكتير اللي غيرتها في الضمان علشان لو انا مش واخد بالي من الحاجات دي اركز معاها واطلب تغيرها لو فيها عيب
2 - لو تقدر تصورلي او تشرحلي عمليه التشحيم ونوع الشحم او اسمه يبقي كتر خيرك اوي

المشاركة الأصلية كتبت بواسطة egyzizo

أنا عندى المشكلة مش فى السلك خالص.
عمرى ما شحمته ولا قربت له.
لما التزييق بيحصل ، باشحم مكان دخول السلك للدبرياج (الفرش) فبترجع الأمور ناعمة.
التزييق عندى بيحصل فى المنطقة دى، فيه جلدة سمرا بتشيلها وتشحم تحتها وتحطها تانى.
وأنا شايف برضه ان الموضوع ده مالوش علاقة بوظيفة الدبرياج الأساسية، فمش قلقان على الدبرياج.

أنا استعملت wd40 ، والشحم العادى ، بس أفضل حاجة بتجيب نتيجة وبتقعد فترة طويلة جربتها مؤخراً هى الشحم السيليكون السبراى واضح انه heavy duty وبيستحمل الحرارة فى المنطقة دى ، استخدمته من فترة والتزييق مارجعش حتى الآن.

حلو قوي الكلام ده ..صور وابعت بقي علم اخوك وكتير من الناس اللي عندهم المشكله دي
يا ريت الشرح بالصور والتفاصيل لو قدرت ويبقي كتر خيرك