طقم الدبرياج محتاج يتغير وعلي حسابي وانا في الضمان ؟؟

**Egyzizo** · 29-09-2013 10:22 PM

المشاركة الأصلية كتبت بواسطة ahmed a rahman

ماهو ده السلك :m_yes[1]:

من اول الدواسة لحاد دخول حلة الفتيس مرورا بالجلدة السودا

السلك ماسك فى دراع معدنى ، والدراع هو اللى داخل فى الجلدة السودا
لما باجى أشحم باشد على السلك وأفصله خالص من الدراع المعدنى (الدواسة بتقع فى الحالة دى) .. وأشيل الجلدة ، وأشتغل تشحيم جوه قدام وخلف الدراع المعدنى

المشاركة الأصلية كتبت بواسطة amirboulos

حلو قوي الكلام ده ..صور وابعت بقي علم اخوك وكتير من الناس اللي عندهم المشكله دي
يا ريت الشرح بالصور والتفاصيل لو قدرت ويبقي كتر خيرك

المشكلة ان الدنيا بتبقى ضلمة جوه ، هاحاول ولو النتيجة معقولة هارفعها.

**Ahmed A Rahman** · 30-09-2013 01:31 AM

المشاركة الأصلية كتبت بواسطة amirboulos

الله ينور عليكم طمنتني ...انا اصلا مش حابب قصه تغيير طقم الدبرياج لا العربيه جديده بس حضرتك راضي ازاي عنهم وهما قالوا لي رد زي ده وجربوا العربيه وهما بيستلموها مني لاقوا الدبرياج فعلا بيزيق يعني عجبك بقي لو كنت انا وافقت مثلا ولبست تمن تغير طقم دبرياج وده طبعا هيبقي بمبلغ محترم دا غير طبعا اللعب في موتور وفتيس العربيه وهي لسه زيرو اعتقد ده سوء تشخيص يإما استغلال لزبون مش فاهم او هما مش فاهمين ...المهم كلام ميطلعش من توكيل بصراحه
انا فقدت الثقه فيهم
وياريت بقي تكمل جميلك ليا عندك طلبين
1- تقولي ايه الحاجات الكتير اللي غيرتها في الضمان علشان لو انا مش واخد بالي من الحاجات دي اركز معاها واطلب تغيرها لو فيها عيب
2 - لو تقدر تصورلي او تشرحلي عمليه التشحيم ونوع الشحم او اسمه يبقي كتر خيرك اوي

حجمع الحاجات اللي غيرتها قريب في موضوع مستقل
الدنيا فعلا بتكون مزنوقة والدنيا ضلمة محدش حيعرف يصور كويس
روح لميكانيكي مش حتاخد معاه 10 دقايق