الموضوع: مطلوب نصيحتكم فى شراء سياره نيسان صنى

مادام جوا البلد والأولاد خليك في البيكانتو,
عشان أسهل في السواقة والركنة وحجمها صغير ومش هتتعب بيها لا في زحمة ولا في مشاوير لما تحب تركن,
الفيرنا مش عربية مريحة في المشواير ولا السواقة لو أضطريت تركبها لما تنزل من السوبيرب.
النسيان الجديدة فيها مشاكل في الفرامل مع ناس كتير ولسه التوكيل محلهاش والصاج ضعيف,
والقديمة مع قرايبنا عربية كويسة وبنت حلال بس مفهاش أيموبلايزر ودي حاجة مش حلوة في ظروف أيامنا دي وكان فيها مشاكل في ضفيرة الكهرباء والمفروض كانت أنتهت بس لحد قريب في ناس أشتكت منها فأنت وحظك,
الأفيو عفشتها مش مريحة عن تجربة, وممكن تراجع أكتر عنها في قسم شيفرولية. وموتورها أستهلاكه عالي نسبياً في البنزين ومش بيجري فمش هيبقي عملي جوا البلد.

فكل الحاجات دي تخليني أرشح لك البيكانتو لسواقة جوا البلد, وتمشي للسفر برضة,
بس طبعاً السوبيرب هتبقي أفضل للسفر.

انا بصيت لك بصة ملقتش أي مواضيع هنا دلوقتي للقديمة, أختفت مرة واحدة مش عارف فين,,
دا من منتدي تاني,,

المشاركة الأصلية كتبت بواسطة Rania Elhoseny

قبل ان نبدأ الحديث عن السيارة يجب الحديث اولا عن الشركة المصنعة للسيارة.

ماذا تعرف عن شركة نيسان؟

نيسان واحدة من اكبر ثلاث شركات يابانية لانتاج السيارات و كانت فيما مضى تسوق سياراتها تحت اسم داتسون كما تقوم نيسان ايضا بتصنيع سيارات انفينيتى الفاخرة.

فى عام 1999 تحالفت نيسان مع شركة رينو الفرنسية التى اشترت 44.4% من اسهم نيسان فى حين اشترت نيسان 15% من اسهم رينو.

افتتحت نيسان مصنعها فى مصر عام 2005 فى مدينة السادس من اكتوبر و على عكس معظم الشركات العالمية الاخرى العاملة فى مصر فهذا المصنع مملوك لنيسان و ليس لمستثمر او رجل اعمال مصرى و يعمل به حوالى 573 موظفا.

نيسان صنى 2010:

تقدم نيسان صنى بثلاث طرازات لترضى جميع عملائها:

نيسان صنى Ex Saloon بناقل حركة يدوى

نيسان صنى Ex Saloon بناقل حركة اوتوماتيكى

نيسان صنى Super Saloon بناقل حركة اوتوماتيكى

تمتلك نيسان صنى محرك قوى سعته 1600 سى سى يولد قوة جبارة قدرها 118 حصان عند 6000 لفة كما تتميز بعفشة قوية مناسبة جدا للمهام الشاقة و الطرق الغير ممهدة بالاضافة لعفشة رياضية فى طراز ال Super Saloon

يبلغ وزن الصنى 1100 كج لطرازى الاى اكس صالون و 1120 كج لطراز السوبر صالون و هو وزن كبير نسبيا يدل على قوة و متانة جسم السيارة كما يساعد على زيادة ثبات السيارة.

كما تتميز الصنى سوبر صالون بمرايات كهرباء و فرامل مانعة للانغلاق و وسادة هوائية للراكب الامامى

راجع صفحة صور و مواصفات نيسان صنى لمزيد من التفاصيل




مميزات نيسان صنى 2010:

1- محرك قوى لا يتأثر بتشغيل التكييف

2- عفشة قوية مناسبة جدا للطرق الغير ممهدة

3- ثبات و اتزان على الطريق و فى الملفات على السرعات العالية

4- حقيبة خلفية كبيرة

5- راحة للسائق و الراكب الامامى نتيجة المساحة الامامية الواسعة

6- تكييف ممتاز

7- سعر تنافسى لسيارة يابانية بكماليات متنوعة

8- وكيل و خدمة ما بعد البيع جيدة جدا

9- قطع غيار متوافرة و بسعر مناسب

10- سعر اعادة بيع جيد جدا

عيوب نيسان صنى 2010 :

1- ضيق المساحة الخلفية مما يسبب عدم الراحة للركاب فى المقاعد الخلفية خاصة فى المسافات الطويلة.

2- استهلاك وقود اعلى من سيارات كثيرة فى فئتها منقول

3- صوت المحرك اعلى من سيارات كثيرة فى فئتها

وإن شاء الله باقي الزملاء يفيدوك أكتر في أسعارها بتاعت اليومين دوول, ولو فيه مواضيع تانية عنها هنا,
العربية دي مع قرايب ليا وشغالة كويس ومفهاش أي مشاكل لحد دلوقتي,, وسعرها زاد الفترة اللي فاتت عشان في ناس كتيرة بقت تشتريها بدل الشكل الجديد.

دي لينكات عن النيسان الشكل الجديد برضه, والفروق ما بين ال EX والسوبر صالون
http://www.nilemotors.net/Nile/31731...oon-vs-ex.html
http://www.nilemotors.net/Nile/293649-a.html

الشكر لله, وبالتوفيق في الأختيار.