الموضوع: استشارة بالنسبة للدوجان مو95 slx

السلام عليكم ورحمة الله وبركاته
بالنسبه للسخونه اشترى تلاموستات واطى مش عالى يعنى بيشتغل عند 80 درجه
بالنسبه للتكييف شوف العيب فى ايه واكيد ممكن يكون فى الخراطيم ودى بسيطه ان شاء الله
بالنسبه للدركسيون ممكن تخليه باور بحوالى 900 جنيه فى شارع شمبليون خلف دار القضاء العالى وشكرا

مشكور جدا mrghost على الرد بس فين فى شامبليون بالضبط يعنى اسم المحل او الورشه ايه وهل ده ميقصرش فى بيع العربيه او يقصر على العربيه نفسها فى البيع وشكرا كتير ليك

1 - بالنسبة للحرارة بلاقيها على طول الحرارة عاليه لدرجه انى عملت زرار مروحه بشغلة بيها لما الحرارة تعلى وغيرت الترموستات اكتر من مرة بس مفيش فايده

كل الفيات حرارته عاليه و لو مش عاجبك الموضوع دا ممكن تركب ساعه حراره واطيه زي محمد ما قالك.

2-بالنسبه للتكيف كل لما اصلحه يعطل او يفرغ الفريون بتاعة

يبقي عندك تسريب
روح لاخصائي تكييف كويس
المواسير بتسرب او الكمبروسر بس روح خليه يشحنه هوا مش فريون
علشان يشوف التسريب جاي منين

3-بالنسبة للدريكسيون بحس انه تقيل وناشف جدا ونفسى اخففه شويه بس مش عارف ازاى هل ممكن مثلا انى اخليها باور زى مو 96 ؟ ولو ممكن عايز اعرف ازاى وفين وتكلفته كام تقريبا

زي ما الباشمهندس محمد قالك
الراجل دا ممتاز هو جنب ابو طارق بتاع الكشري علي طول

بخصوص الحرارة أتإكد ان طلمبة المياة بتقلب كويس ممكن تكون هي السبب في الحرارة العالية علشان لو ضعيفة بتعطل دورة التبريد بالكامل ولا مروحة ولا ثرموستات بيكون ليهم اي قيمة. تغييرها في الحالة ديه هيفرق كتير ومش هتكلف الطلمبة إيطالي 90 جنية +التركيب حوالي 20 جنية

شريف