الموضوع: بخصوص فيات لينيا

المشاركة الأصلية كتبت بواسطة samaha

بصراحه العربيه دى مش خارجه من ماغى عربيه جامده اوى بس الهورس بور بتاع الموتور هو اللى قالقنى شويه مش عارف اشتريها ولا ايه عايز حبايبنا من المنتدى يقولولى اعمل ايه في العربيه دى وكمان فيها اوبشن حلوه كتير زى abs , air bag's2 طبعا بعد ما سألت التوكيل حد ياشباب يفدنى ايه رأيكوا فيها

اهلا بيك يا باشا
( شكرا يا محمد )

بص يا سيدي السيارة دي ببساطة ممكن تعتبرها جراند بونتو بس سيدان و هي مبنية علي الجراند بونتو في كل حاجة

انا جربتها بصراحة .. لمدة ساعة كاملة و عايز اقولك انك ممكن تنسى كل حاجة حوليك في السيارة دي و طبعا احسن من كل منافسيها اليابانيين . و الكلام ده كله .

هي بالظبط بالظبك تقارن بالسيات كورودبا نفس فئتها و فئتعا السعرية كمان .

نيجي للموتور - طبعا 77 حصان نوعيا شكله صغير بس لازم تبص للسيارة الي في فئتها
الافيو مثلا - 1500 - 85 حصان
الياريس 1300 - 82 حصان
الانسر ال 1300
الكوردوبا 1400 - 85 حصان

يعني بتتكلم في فرق 5-8 حصان و هي 8 صمامات بس - والي حتشيله مه الحصان ده حيديك توفير بنزين رهــــــــــــــــــــــي ب جدا !

بالاضافة الي ان الكماليات الي فيها لا تقارن باي سيارة اخرى في السوق الصري و ايكد انت شفت التابلوه عامل ازاي .

انا بصراحة لو معايا تمنها و عايز سيارة سيدان مش حتردد .

نيجي للعيوب في راي :

- السعر : في ناس بتقول السعر غالي جدا عليها طبعا هو سعر مش هين خالص بس لما تبص للكوردوبا الي في نفس فئتها ب 96 الف جنيه و الياريس الكاملة ب 103 الف جنيه ! و الانسر بحاجة و تسعين !!

فحتلافيها سعرها مش غالي ولا حاجة دي سيارة مهما كنت اوروبي .

- عدم انتشار - عدم الانتشار معناها انك حتعتمد علي التوكيل غالبا في قطع الغيار و الصيانة بس الحمد الله الي عرفته انها ميكانيكا نسخة من الجراند بونتو و الجراند بدأت تبقى موجودة خارج التوكيل( قطع غيار يعني ) .

سعر اعادة بيعها مش حيبقى عالي اوي علي مااعقتد علشان مش منتشرة اوي .

بس في رأي لو عايز تتميز فعلا مترددش فيها واي سؤال انا تحت امرك .

المشاركة الأصلية كتبت بواسطة samaha

يعنى رأيك ايه كريم باشا ادخل فى الموضوع على طول ولا ايه بالمناسبه العربيه زاد سعرها 2000 جنيه من ثلاث ايام انا اتصلت بالوكيل امس وقال لى هذا الكلاماللى هى مانيوال فل اوبشن
يعنى اتوكل على الله اصل انا كنت حاطط عينى عليها هى والألنترا

اتوكل علي الله يا باشا بس لاحظ ان :

اليينا :

Wheelbase 2603 mm ( Length 4560 mm .) Width 1730 mm .) Height 1494 mm.)

الانترا :

Wheelbase in (2641 mm)
) Length 177.4 in (4495 mm)
T) Width 69.9 in (1752 mm)
n) Height 58.3 in (1473 mm)
T)
الانترا اعرض من اللينيا بحوالي 3 سم
و اقل ارتفاعا .

بينما تتفوق اللينيا في الطور بحوالي 2 سم .

------------------

لو مبتكرش تبيع اللينا خالص خلال ال 3- 4 سنيين القادمة - اتوكل علي الله بس ياريت تعمل اي حاجة علشان العربية دي بجد " بتتحسد " :)

المشاركة الأصلية كتبت بواسطة Ahmed Hassan

العربيه اكتر ما يميزها تصميمها الفريد.. و لكن الارقام الخاصه بالمحرك ليست في نفس مستوى التصميم الخارجي. المحرك اللي نازل مصر الى حد كبير بدائي و ده سبب ضعف آداؤه... يعني اتعودنا من السيارات الأوروبيه في نفس الفئه على قدره حصانيه متوسطه في مقابل عزم عالي نسبيا... بس في العربيه دي القدره الحصانيه و العزم غي مميزين بالمره (77 حصان و 115 نيوتن) يعني مش كتير.
غير كده اشك انها اعتماديه اكتر من السيارات اليابانيه في نفس الفئه.. او انها تكون موفره للوقود اكتر من الياريس و السيتي مثلا. يعني مفيش ميزه غير الشكل الخارجي.

في النهايه الاختيار يرجع ليك.

معلش حختلف معاك في كام نقطة :)

العزم :

محرك اللينا 8 صبابات فقط و بيولد
115 نيوتن عند 3000 لفة

بينما الياريس ال 1300 16 صباب بتولد
118 نيوتن عند 4000 لفة !

القدرة الحصانية :

محرك اللينا بيولد 77 حصان عند 5800 لفة - و هو 8 صباب بس .

محرك الياريس ال 16 صباب ال CVT بيولد 85 حصان عند 6000 لفة

يعني فرق 8 احصنة !

وزن الياريس :
1060 كجم

وزن اللينا :
1160 كجم

و المحرك ليس بدائي بالمرة لانه مصمم في سنة 2006

البنزين :

استهلاك البنزين واحد في الاتنين و هو من 5 الي 6 لتر في ال 100 كم

------

يعني علي الورق - الفروقات بينهم لا تذكر .

علي الحفيفة انا جربت اللينا و قارنتها بسيارتي لانها متقاربة جدا موتوريا
( 1242 سي سي - 80 حصان )

يعني المفروض ملاقيش فرق او ان لفيت حيبقى في صالحي ... و لكني لم اجد اي فرق الا في التسارع - غير كدة حسيت اني الموتور سلس جدا و ناعم جدا و صوته شبع معدوم علي عكس سيارتي المزعجة .


و دي تجربتي الشخصية .