مدة استهلاك تيل البومة الاتوماتيك

**momo_h** · 30-09-2013 08:53 PM

يا جماعة تيل الفرامل الامامي عندي في العربية ( بومة اوتوماتيك ) اخره معايا 12 الف كيلو و يجيب اخر
والموضوع ده محيرني انا حاسس انه بيقعد معايا قليل جدا المفروض على الأقل يكمل 20 الف كيلو
فيا ريت كل واحد من الاعضاء معاه بومة اوتوماتيك يقول التيل الامامي بيقعد معاه اد ايه
و كمان لو حد عنده نصائح بالنسبة لاسلوب السواقة ممكن تقلل من سرعة استهلاك التيل يفيدنا بيها لأن الموضوع ده مشكلة كبيرة جدا
وفي انتظار ردودكم و ارائكم

**monamize4** · 30-09-2013 09:32 PM

طريقة سواقتك بتحدد التيل هيعد اد ايه

و طبعا 12 الف كيلو دا رقم قليل شوية

بس انا اسمع من ملاك البومة ان التيل الاصلى بيخلص اصلا بسرعة

**saddam** · 30-09-2013 09:50 PM

صديقي المواطن
مبدئيا 12 ألف في عربية.أوتوماتيك غير سيء بالمرة أي نعم هناك عربيات بتوصل 25 و30 ألف بالتيل لكن ده بسبب نوع القيادة ونوع التيل نفسه وكمان حالة الطنبورة والبستم وعامة إنت تجيب كذا نوع وتجرب حتى توصل لتوع يطول معاك وتشكر ربنا قسما بالله وبأمة محمد كلها كان عندي عربية أولدزموبيل أمريكاني كندي أحيانا كنت بغير التيل الصبح بيخلص بالليل أو كنت بغيره كل أسبوع وكل شهر وكل شهرين وأكبر تيل في حياتها اﻷصلي بتاعها آخره 5 أو 8 آلاف كيلو وكنت بجيبه ب 100 دولار بعد كده كله ملي لغاية موصلنا مرحلة كتت بملاها بتيل لواري نقل ثقيل كان بيقعد 6 آلاف بس طبعا بغير طنابير كل سنة أو سنتين تقريبا فإحمد ربك 12 ألف دي أحيانا الواحد بيقعد سنة أو سنتين مش بيعملهم
ودمتم للنضال

**hmostafaahm** · 30-09-2013 11:37 PM

انا كان معايا البومة موديل 2007 وفضلت معايا 3 سنين عملت فيهم تقريبا 50 ألف كيلو والتيل وخصوصا الأودام كان بيتغير على مدى من 10 إلى 12 ألف كيلو للاسف فواضح ان ده طبيعى وحاليا معايا كورولا 2010 وبرده التيل بيتغير على مدى من 10 إلى 15 ألف كيلو بس ده التيل الورانى اللى اودام بيقعد لحد 20 ألف كيلو، ونصيحة ليك لو التيل صفر منك روح غيره علطول لان ثمن التيل تقريبا ربع ثمن الطنابير يعنى تغير التيل احسن وأأمن

**hmostafaahm** · 30-09-2013 11:39 PM

بالمناسبة كمان خامات التيل المصنوع بدءاًُ من 2010 اتغيرت لأن مادة الأسبستوس اصبحت مادة مجرمة دولياً فى إطار جهود المحافظة على البيئة وعلشان كده خامات التيل اتغيرت وده خلى فى العموم متوسط عمر التيل اصبح اقل من قبل ذلك

**mohamedxsayed** · 01-10-2013 12:56 AM

الحقيقه المره
البوما ملهاش تيل فرامل عدل أساسا والمشكله دى مع ناس كتير ان حتى تيل التوكيل بيصفر
تيل الوما = بطيخه حتى لو توكيـــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــل
بجد انا تعبان من المشكله ديه وعاوز اجيب تيل
تيل التوكيل سعره بيدا من 350 مرورا بالمحلات حتى تصل للمزع ب520 حتى تصل للتوكيل ب600 ونفس التيل
سبحــــــــــــــــــــان الله

**MITSUKERO** · 01-10-2013 10:58 AM

يا جدعان البومة ليها 3 انواع تيل اصلي في التوكيل

اللي بيخلص بسرعة ده لونه اخضر تقريبا

استني حد من اللي معاه بومة هيقولك علي كود التيل الاصلي اللي بيعيش من 20 الي 30 الف كيلو

و بكررها التوكيل منزل 3 انواع و ده بعد الشكوي من الناس من انه بيخلص بسرعة

**D . a .\ AYMAN** · 01-10-2013 01:53 PM

طيب هل ممكن حد من اللى جرب كذا نوع من أنواع التيل بتاع البوما يقولنا أنه نوع هو الأفضل من اللى موجود في السوق

عشان أخويا كان مركب fbk من حوالي 5000 كيلو ودلوقتي ببص عليه لاقيته خلص .. !!!!!!!

ما كملش 6000 تصدقوا !!!!!!!

**MITSUKERO** · 01-10-2013 03:35 PM

فيه تيل كوري اسمه فريكسا شغال حلو برضة و بيقعد فترة معقولة

الموضوع: مدة استهلاك تيل البومة الاتوماتيك

LinkBack

أدوات الموضوع

عرض

-

-

-

-

المواضيع المتشابهه

هو احنا ممكن نغير عددات البومة القديمة ونركب عدادات البومة الجديدة

سؤال لمخضرمى البومة ! الفرق بين البومة الخليجى والوكيل

استهلاك البنزين عالى اوى فى الاتوماتيك ؟؟؟ افيدو نا

مشكله استهلاك البنزين وحكايتى مع الللانسر المانوال ثم الاتوماتيك

استفسار عن فتيس البومة الاتوماتيك 1600

الكلمات الدلالية لهذا الموضوع

المفضلات

المفضلات

ضوابط المشاركة