عملت حادث موت وحسبي الله ونعم الوكيل

**saddam** · 01-10-2013 06:05 AM

صديقي المواطن
مهما أنا واﻷخوة.الزملاء المواطنين تعاطفنا.معك لكن الحقيقة لا يحس بالجرح إلا صاحبه نحن.نريد أن نخفف عنك وندعو لك بالثبات وأن يبدلك الله خيرا منها ونسأله ونشكره أن نجاك منها وهذه طاقتنا فأعذرنا في تقصيرنا
ودمتم للنضال

**Haitham Basha** · 01-10-2013 09:08 AM

لا حول و لا قوة إلا بالله العلي العظيم و حسبي الله و نعم الوكيل في كل من غش و في كل من سرق و في كل من تسبب في هلاك أموال و ممتلكات و أرواح الناس بالباطل ... ألف حمد لله على سلامتك و فداك عربيات الدنيا كلها المهم سلامتك و انك بخير ...

**Eng_hatemfathy** · 01-10-2013 09:13 AM

المشاركة الأصلية كتبت بواسطة maam

كل اما تلاقي نفسك بتفكر في المصاريف اللي هاتدفعها أو في الخسارة اللي هاتخسرها ، بص على العربية
أول ماتشوفها هاتقول "الحمد لله انى بخير"

وطريق الجيش رغم انه سيراميك إلا انه فعلا يفتقر للخدمات بنزينة في أول الطريق والتانية في أسيوط !!
لا فيه نور ولا فيه شبكة محمول ! وعيش حياتك ، انا بعتبره طريق الموت
أحسن طريق للصعيد هو الصحراوي الغربي اللي بتاخده من عند طريق الفيوم ، أي نعم مش بكفاءة طريق الجيش إلا إن توافر الخدمات به طوال السكة يخليه الأفضل

وحسبي الله ونعم الوكيل

طريق اسيوط الغربى -انا مش عارف خلص ازدواجه ولا لسه فى جزء مفرد -كنت زمان لما بخده لبنى سويف بيعتبر طريق مةت لان العربيات بتاعة الخضار >شاسيه طويل< كانت بتعتبر الطريق فى الاتجاهين بتاعها ومعندهاش مشكله تنزلك فى الرمل علشان تفادى على سرعتها
ربنا يسلمنا ويخرجنا من البلد دى على خير
البلد اللى بتقتل شعبها ششوية على الطريق وشوية فى الميادين وشوية بالمبيدات المسرطنة وشوية بالمياة الملوثة وشوية بالدخان وعوادم المصانع المخالفة
حسبنا الله ونعم الوكيل

**Eng_hatemfathy** · 01-10-2013 09:17 AM

حمد الله على سلامتك وفى داهية العربية -انا لسه عامل زى سعادتك كده بس الخسائر فى العربية كانت اقل يعنى سقف وباب وزجاج امامى وخلفى وجنوط ولكن التكلفة عالية علشان شارك فبعتها حادثة واستعوضت ربنا فى ستين الف
وفدا اظفر عيل من العيال او انا او اى احد
وربنا كبير واجر وعافية ان شاء الله

**lidosasa** · 01-10-2013 12:53 PM

حمداً لله على سلامتك أولاً
وربنا يعوض عليك
والأهم إن المسؤلين فى مصر لما تحصل أى بلوة يقولك إنت مش أول واحد يحصل معاه الموضوع ده مش عارف يعنى كلامهم ده المفروض إنه بيوسيك بيه ويخفف عنك ولا حاسس إنك لسه سليم وبيحاول يقولك حاجة تشلك ( لا قدر الله ) . طب هما عاملين الموضوع ده وغيره فخ مثلاً عشان الناس تموت ويخلصوا من الشعب دا الموضوع بسيط كام يافطة وشوية بوية فسفورية ع المطب . حسبى الله ونعم الوكيل
حضرتك عملت محضر بالحادث ولا لاء ؟؟