الموضوع: عملت حادث موت وحسبي الله ونعم الوكيل

المشاركة الأصلية كتبت بواسطة corolladestroyer

قدر الله وما شاء فعل انا طلعت على الطريق ده كتير وبليل واول مره طلعت عليه حصلي قريب جدا من اللي حصلك فوت اللفه وكلت المطب بس كانت سرعتي هديت وعدت على خير وبعدها بشويه عربيتي طفت بفتح الكبوت لقيت البطاريه اتنطرت من مكانها والقاطوش مفكوك من قوة الصدمه ركبته وكملت طريقي وقعدت اشتم طول مانا ماشي حسبي الله ونعم الوكيل

والله انا نفسي اروح واصور المطب ده اشوف شكله ايه انا مش فاكر أي حاجه غير اني طيرت بالعربيه

حمدلله على سلامتك الأول
ثانيا لو عايز عربية إستيراد كنت سألت من فترة واحد قالى تعمل 12 ألف نصين هحاول أدورك على رقمه بس الراجل دا عندنا فى المنوفية

حمدلله على سلامتك يا استاذ عبد الرحمن .. فى داهيه العربيه طالما حضرتك سليم واسرتك بخير ...
ربنا يعوض عليك ..

المشاركة الأصلية كتبت بواسطة amr elsisi

حمد لله علي سلامتك

المشاركة الأصلية كتبت بواسطة محمد ناصر

أولاً- مليون حمدلله على سلامتك وكونك بخير هو أفضل من أي شئ الحمدلله..

ثانياً- أنا بسافر على الصعيد (محافظة قنا) بشكل دوري من 2001 يعني 12 سنة.. مفيش طريق مش حافظ مطباته (الحمدلله)..

والموقف بتاع حضرتك حضل معايا مرة على الطريق الغربي سنة 2000 .. (كان لسه مش كامل أصلا) في بلد اسمها (جرجا) سوهاج.. نفس الموقف بالظبط.. بس انا كملت وخلصت الاسفلت.. وكان فيه فرق حوالي متر بين الاسفلت والرملة اللي بعده.. وساعتها كان معايا لانسر كريستالة.. والحمدلله كانت الخسائر لا تذكر مقارنة بالحادثة الحمدلله..

بالنسبة لأحسن طرق الصعيد.. الغربي والشرقي (الكريمات) كل واحد ليه ميزة وعيب..

1-الشرقي:
*مزاياه/ مريح - واسع - نضيف - قصير وقليل مطبات (مقارنة بالغربي)..
*عيوبه/ مفيش خدمات نهائي غير مكان واحد سئ جداً جداً أول بين اسيوط وسوهاج (قريب من سوهاج أكتر)..
كمان مفيش شبكة لوقت طويل جداً جداً (كل الشبكات).. الخدمات الأمنية عليه قليلة أوي (أخر مرة سافرت كانت واحدة بس)

2- الغربي: (وده بعشقه بصراحة)
أنا حياتي كلها في السفر على الطريقة ده على الرغم من عيوبه، وحتى لما كان فرده واحدة بس من بدايته طريق الفيوم وحتى سوهاج (كان آخره)..

*مزاياه/
الخدمات متوافرة حلو (ومستواها مش بطال)
البنزينات موجودة (بشكل متقلقش من بنزين) حوالي 5 بنزينات من بدايته لغاية مفارق اسيوط..
كمان الطريق خط واحد (مريح) بس فيه وصلة 5 كيلو بعد سوهاج فيها منحنيات وحشة أوي (اللي مش حافظها وبليل هيخيش)..
والخدمات الأمنية عليه حلوة أوي.. حوالي 6 كمائن لغاية اسيوط..
(عليه رادار واحد بس ومكانه قبل مفارق اسيوط بـ 30 كيلو (حافظ مكان امه).. وساعات بيكون فيه واحد تاني قبل المنيا..

*عيوبه/
طويل بزيادة من 35 إلى 70 كيلو (مقارنة بالشرقي) على حسب المحافظة اللي انت رايحها..
مفيش خدمات أمنية بعد أسيوط (وصلة قطاع طريق) لحد متوصل نجع حمادي..
الطريق فردة واحدة لغاية اسيوط..
الوصلة بتاعة المنحنيات (لو مش حافظها تاخدها بالراحة)..


طريقة التفضيل بين الاتنين.. على حسب المكان اللي انت رايحه وعامل الأمن..

مثلا انا بسافر نجع حمادي (قبل قنا بـ 80 كيلو) علطول.. الطريق طويل.. ومجهز وسائل الامن بتاعتي معايا علطول (متعود على كده).. وبجهز العربية كويس (فيكترا 2001)..
باخد الطريق من طريق الفيوم لحد آخره (تقاطع طريق على حدود مدينة اسمها المحولات في نجع حمادي (تاخد يمين تكمل قنا والاقصر واسوان أو شمال تدخل نجع حمادي (على بعد 20 كيلو)..
الطريق فردتين لغاية مفارق اسيوط.. والمفروض انهم شغالين في الفردة التانية من بعد المفارق لحد قنا..
الوصلة الغير مؤمنة مش بتفرق معايا اوي (جاهز علطول)..

كل واحد على حسب سواقته (انا عن نفسي مسافة الـجيزة - نجع حمادي (700 كيلو) كبيرها أوي 4.5 ساعات، واللي مساعد العربية بصراحة الفيكترا غول (انا بكون مقفل عداد طول السفرية والتنك مريحني اوي في موضوع البنزين)

اما لو انت نازل محافظة قريبة فاكيد الكريمات افضل بكتير..


حمدلله على سلامتك مرة تانية..

المشاركة الأصلية كتبت بواسطة lancerevolution

حمدلله على سلامتك الأول
ثانيا لو عايز عربية إستيراد كنت سألت من فترة واحد قالى تعمل 12 ألف نصين هحاول أدورك على رقمه بس الراجل دا عندنا فى المنوفية

منتظر ردك انشاء الله والله يسلمك

المشاركة الأصلية كتبت بواسطة m7nsh

حمدلله على سلامتك يا استاذ عبد الرحمن .. فى داهيه العربيه طالما حضرتك سليم واسرتك بخير ...
ربنا يعوض عليك ..

الله يسلمكم جميعا ويسترها عليكم في طريكم

المشاركة الأصلية كتبت بواسطة lidosasa

للأسف مش حينفع أولاً لأنى شغال فى شركة وباخد بدل تفرغ ومينفعش اشتغل شغل خاص وثانياً وهو ده الأهم إن خلاص معالم الحادث راحت ومفيش أى شىء يثبت حقك

الف شكر يا متر انا قلت كده برضه كنت لازم اثبت حاله في سعتها بس خفت لدفع فلوس اتلاف ممتلكات عامه