الموضوع: عملت حادث موت وحسبي الله ونعم الوكيل

المشاركة الأصلية كتبت بواسطة عصام غنايم

بعد السلام والحمد لله على نجاتك

انا عايز احملك امانه

والله يا صاحبى هتبقى فى ميزان حسناتك ليوم الدين

قبل ما هقولك عليها هسئلك سؤال وعايزك تجاوبنى بصراحه

ترضى لحد غيرك يحصلوا اللى حصلك

اكيد لأ مش هيرضيك ولا تتمناها حتى لعدوك

طيب اوعدنى انك هتعمل الآتى

خد معاك جردل بويه ابيض فسفورى وفرشه دهان عريضه

وروح لمكان الحادث وادهن المطبين دول

وحاول تعمل علامات xxxxعلى الطريق نفسه قبل المطبات بمسافه كافيه للتوقف

وحتى لو تقدر اكتب تحذير بنهاية الطريق على اى حاجه عاليه على جنب الطريق اعملها

الموضوع مش هيكلفك كتير

بس صدقنى ثوابه كبير اوى عند الرب وعند العبد

تخيل هتنقز كام روح وهتصون كام بنى آدم

وكام واحد هيدعولك واللى مش هيدعيلك الملائكه هتدعيلك مكانه

واعتبر تكلفة الموضوع البسيطه دى على حساب صيانة العربيه

وربنا يخلف عليك بالأحسن منها

انا أمنتك أمانه

يا رب يقويك وتقوم بيها

انا اسف جدا اني اتاخرت عليك في الرد بس والله لسه شايفه اعزرني بجد
والله اتمني بس المشكله ان ده طريق سريع العربيات ماشيه عاليه مبتوقفش عشان اعمله حيبقي صعب اوي اذا كان المسؤلين عن الموضوع ده بيعملوا تجهيزتهم قبل ما يرصفوا او حتي يعملوا المطبات نفسها
لو طريع عادي كان يبقي ممكن واتمني وممكن اجي اعمله اخد مخالفه دا الي بيعمل حادث لو شافوه بيعملوله مخالفه تخريب ممتلكات عامه لو خبط في الصور مثلا او خبط شجره بيدفع فوق ال ٥٠٠٠ جنيه

المشاركة الأصلية كتبت بواسطة عصام غنايم

يعنى خلاصة الكلام ان حضرتك مش هتقدر تعملها
الموضوع بتاع حضرتك في دماغي لاكن انا لسه كنت بتكلم مع صحابي عايز اصعد الموضوع حتي لو اكلم ناس في الفضائيات وانا اعرف واحد في جريده الاخبار إن شاء الله حكلمه لان دي ارواح ناس مش لعبه لاكن مش حقدر اعملا فعلا مش عارف عواقبها ايه لاكن عشان ادلق جردل بهيه علي المطب لازم علي الاقل مفيش عربيات تمشي عاليه لمده ١٢ ساعه علي الاقل

قال رسول الله صلى الله عليه وسلم : من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان . رواه مسلم .
انا فعلا غيرته بلساني وبقلبي لما عملت الموضوع لاني ممكن معرفش اعمله بايدي مسكتش

عن أبي هريرة رضي الله عنه قال :قال رسول الله صلى الله عليه وسلم ... و إماطة الأذى عن الطريق صدقة - إماطة الأذى يعني إزالة الأذى عن الطريق
هي حتفضل ازي برضو حتي لو دلقت جردل بهيه وبعدين مشحقدر اشيل المطب من مكانه
لو كل واحد فينا وقع فى نقره ونزل سدها لو حتى بشوية تراب

هياخد ثواب كل واحد هيعدى عليها وميحصلوش حاجه

ولو كل واحد فينا حصله حادثه بسبب غلطه فى الطريق وهو يقدر يصلحها بنفسه وصلحها

بلدنا هتبقى احسن كتير

انا آسف انى بتقل عليك بس صدقنى الموضوع بسيط اوى ( جردل بويه ) وثوابه كبير اوى ( شوف هتحمى كام روح )

والله انا لو قريب من المكان ده لكنت عملتها بنفسى
بس يا خساره انا من دمياط فبعيد عنى اوى
والله انا زيك بالضبط مش ساكن في المنطقه دي تبعد عني قرابه ١٥٠ كيلو لاني من القليوبيه مش من القاهره

ربنا يوفقك الى ما فيه الخير ويعوض عليك
ربنا يوفقنا جميعا لما فيه الخير واشكرك علي حماسك الشديد وحرصك علي سلامه الاخرين وده برضه كان هدفي وانا بصيغ الموضوع لاكن الموضوع بالنسبالي متنساش وشكرا

المشاركة الأصلية كتبت بواسطة driver101

ألف سلامة عليك يا عبد الرحمن، معذرة الرد متأخر لأني كنت منقطع عن الدخول للمنتدى منذ بضعة أشهر ولم أعرف عن ما جرى معك سوى اليوم. أتمنى أن تكون في أفضل صحة وأحسن حال وربنا يوفقك في شراء السيارة الجديدة.

الله يسلمك ولا يهمك يا حبيب قلبي والف شكر علي ردك