الموضوع: أفضل مكان ممكن تسكن فيه ؟؟؟ .... مرجع للشباب ومناقشة هادفة ومفيدة !

المشاركة الأصلية كتبت بواسطة أشرف فتحى

فعلا يا أخى ......إزاى بتوع السلام والنهضه والعالم الشعبيه التييت دى تسكن فى العبور ...!!!!!!!!
الملافظ سعد يا صديقى...!!!!!

يا أخي الكريم أنا لا أقصد إهانة أحد ولا فضل لأحد على أحد إلا بالتقوى ولكن حضرتك مترضاش إنك تروح تسكن في منطقة نظيفة علشان تربي أولادك تربية نظيفة ويحتكوا بناس راقيين في التعامل ومؤدبين وتدفع دم قلبك في الشقة دي وفي الآخر تلاقي اللي بيسب الدين واللي بيتخانق بالسنج والمطاوي واللي بيعمل أفراح لنص الليل ويضرب نار واللي بيعاكس الستات ومش بعيد تكون زوجتك أو أختك واللي عايز ينصب عليك ويبيعلك الحاجة بأضعاف تمنها عشان شايفك بيه ولو مدفعتش يحمرلك عينه ... إلخ
كل منطقة لها طابع يميزها عن الأخرى حسب سلوكيات الأغلبية وإلا مكنش حد راح التجمع الخامس مثلا واشترى شقة بمليون جنيه وكان وفر على نفسه المبلغ ده وراح اشترى شقة ب100 ألف في السلام أو أي منطقة تانية شعبية طالما العملية واحدة !
أنا نقلت العبور بعد ما كنت ساكن في منطقة تابعة لحي السلام بجسر السويس يعني مش السلام نفسها كمان وعزلت علشان أدخل أولادي مدرسة نضيفة بدفع فيها دم قلبي سنويا وعلشان أرحمهم من رؤية ومخالطة الأشكال الضالة اللي حضرتك بلا شك لا تقبل إن ابنك أو بنتك يحتك بهم ويخالطهم ويتطبع بطباعهم فياريت بلاش المثالية الزائدة دي وننزل الناس منازلها ونعيش الواقع الأليم اللي احنا فيه ونراه على حقيقته ونسلم بأن الله عز وجل خلق الناس طبقات وفضلهم على بعضهم بالتقوى التي يفتقر إليها كثير من سكان المناطق الشعبية والعشوائيات اللي بتخرج البلطجية والصيع اللي بنعاني منهم الآن أشد المعاناة وكل واحد محترم يتمنى إنه لو بينه وبينهم جدار عازل لا يراهم ولا يروه ولا يخالطهم ولا يخالطوه ليسلم من شرورهم وأذاهم

المشاركة الأصلية كتبت بواسطة أشرف فتحى

يا صديقى مشاركتى هدفها الدعابه ليس أكثر...أنا شخصيا ساكن فى منطقه تابعه لحى السلام وكل منطقه فيها الكويس والغير كده...الفرق فقط فى النسبه بينهم...وعلى العموم تمنياتى لحضرتك بالتوفيق ولأولادك بالنجاح والفلاح والأمان...بعيد عن الوحشين بتوع السلام...

ههههههههههه ماشي ياعم