بنزين منيل بنيله

**madman2002** · 02-10-2013 08:34 AM

بقالى حوالى شهر ونص الظروف كانت بتضطرنى احط من بنزينه جنب البيت باستمرار .. المهم العربيه بقالها شهر مكتومه ومفيش سحب ولا عزم وبترعش على السلانسيه مع انى مغير فلاتر قريب وبوجيهات .. المهم كنت ناوى اروح للميكانيكى لما افضى .. اذ حطيت بنزين من بنزينه تانيه ... مش عايز ااقولكم اكنى راكب عربيه تانيه

المهم انا العربيه مكواه 2002 كربراتير طبعا فعاوز اسأل ايه اللى اعمله يصلح اثار العدوان الغاشم

**Zing0** · 02-10-2013 09:36 AM

تفويله بنزين نضيف و يا ريت لو 95 من بنزينه محترمه هينضف المياه و الكربون و البلاوى إللى دخلت
أطمئن بالمرة على البوجيهات ممكن تكون رطبت (أخدت مياه) و فلاتر البنزين و الهوا
و شكراً

**aldesha989** · 02-10-2013 11:15 AM

البنزينات فى مصر حاجه مقرفه

دخلت من اسبوع ونص حطيت بنزين من بنزينه مصر للبترول فى اسكندريه على البحر فى الازرايطه

يدوبك دورت وشغلت التكيف راحت مبطله قولت حبيب قلبى والسحب كان زفت وكل حاجه كانت زفت طبعآ بنزين مضروب بالنار او مغشوش او فيه مايه فقولت وربنا لو هزقها لبنزينه غير دى ما هحط من عندهم تانى

**أحمد جودة** · 02-10-2013 11:20 AM

كمل التانك بنزين 92 وحط الاضافة بتاعت رفع الاوكتان من بنزينة نضيفة وبص على فلتر البنزين وحاول تظبط كهربة العربية من الاسبراتير ونصيحة خليك مع بنزينة مضمونة هيا اللى تمون منها دايمن

**Silent~Dream** · 02-10-2013 11:40 AM

تفويله او 2 يا باشا من بنزينه نضيفه و الدنيا هتتظبت ان شاء الله و هى الناس دى مبتزهقشى من البنزين المغشوش ؟؟؟؟؟؟؟ مفيش ضمير خالص و مفيش رقابه و لا اى بدنجان