ليه سواقين الميكروباص بيرّكبُوا مرايات أمام كرسى الراكب اللى جنبهم؟اكتشاف منيل بنيلة!

**Dr Ahmed** · 15-09-2010 02:55 AM

السلام عليكم

سافرت مع بعض أفراد عائلتى فى مشوار يستلزم تأجير سيارة أجرة فقمنا بتأجير سيارة سوزوكى فان المنتشرة فى بنها وركبت بجوار السائق

أنا لا أستقل المواصلات العامة إلا نادرا بفضل الله وهذه السيارة تعتبر من المواصلات العامة فى بنها

لاحظت فور جلوسى وجود عدد 2 مراية صغيرة نسبيا (بحجم نصف الكف) على البرابريز الأمامى فى مواجهتى إلى اليمين .. واحدة فوق الأخرى وبينهما حوالى 15 - 20 سم

حاولت أن أفهم السبب الذى دفع السائق لوضع هاتين المرآتين فى هذا المكان بالذات فحاولت أن أعرف ماذا يمكن أن يراه وهو فى مكانه بواسطة هاتين المرآتين؟

وعرفت!

المراة العلوية موجهة لصدر الراكب الذى يستقل هذا الكرسى
والمرآة السفلية .... سفلية!

هذه المرايات فى الغالب ليست مجهزة لأمثالى الخناشير بل مجهزة لمن تعتقد أن الركوب بجوار السائق هو أفضل مكان فى السيارة!!

ترددت أن أكتب هذا الموضوع جدا .. لكن شعورى بأنه ذو فائدة للأخوات بالذات دفعنى لكتابته

احذروا من هؤلاء السائقين ومن مكائدهم
ولا حول ولا قوة إلا بالله

**Ahmed Samy** · 15-09-2010 02:59 AM

و الله اللي لابسة كويس يا دكتورى و لا مراية و لا بطيخة

**Donzi** · 15-09-2010 03:02 AM

لا حول ولا قوة الا بالله !!!!!!!!!!

ربنا يسترها مع كل البنات و السيدات يا رب

جزاك الله كل خير يا دكتور احمد

**hamann** · 15-09-2010 03:03 AM

السلام عليكم و رحمة الله و بركاته

طاب داللى حاطط مرايتين بس , يبقى طيب أوى و محترم , ده انا بشوف ناس حاطة صف مرايات بالطول على الناحية اليمين , من فوق لتحت و انا بالفعل عارف من زمان ان دى بتبقى عشان تعكس جسم اللى راكبين فى الكرسى الأمامى من فوق لتحت و أكيد مش هيدور على راجل يركب جمبه , أكيد بتبقى ؟؟؟؟؟؟؟ و أنتوا فاهمين و أنا فاهم .

بس العيب مش عليه , العيب على اللى تلاقيه حاطط صف مرايات كده و برضه تركب جمب السواق فى الكرسى الأمامى , لأن السواق اللى بيبقى حاطط مرايات بالشكل ده و يلاقى واحدة رغم كووووووووووووول المرايات دى,برضه تركب جمبه فى الكرسى الأمامى , بيبقى اتأكد انها مش ولا بد .

hamann

**silver_som3a** · 15-09-2010 03:07 AM

حاجه معروفه من زمان,,,و الاحقر منها بقي التاكسي......و لازم كله ينبه قرايبه و صحابه علي الكلام ده

**M.Osama** · 15-09-2010 03:08 AM

يباشا مش بس كده.. دا الاكتشاف الانيل كمان بقي انهم بيركبو مرايات مدوره صغيره كده علي درج التابلوه.. والتابلوه في السوزوكي فان دي مواجه تمام لمقعد الكرسي المجاور للسائق !!

**msfahim** · 15-09-2010 03:11 AM

و كمان اوقات كتيره بيتعمدوا ركوب بنات جنبهم من باب الجنتله و يكون نيته خبيثه

**NiceGoodFair** · 15-09-2010 03:12 AM

ياه على السفالة ، أنا أول مرة أعرف الموضوع ده

**w-m-a** · 15-09-2010 03:15 AM

للاسف سواقين التاكسى بيحطوا مرايه بطول درج التابلوه والبيجو بيحطها بطول التابلوه كله
منتهى السفاله
ومش بس كده ده بيحطوا مرايه امام الفتيس من تحت التابلوه علشان الى بتركب ورا وهى معديه من الكنبه لوراء السائق
ربنا يهدى

-

الموضوع: ليه سواقين الميكروباص بيرّكبُوا مرايات أمام كرسى الراكب اللى جنبهم؟اكتشاف منيل بنيلة!

LinkBack

أدوات الموضوع

عرض

ليه سواقين الميكروباص بيرّكبُوا مرايات أمام كرسى الراكب اللى جنبهم؟اكتشاف منيل بنيلة! - انشر الموضوع فى :

-

-

-

-

المواضيع المتشابهه

سواقين مش عارفين قيمة العربيات إلى معاهم (سواقين الميكروباص فى الفلاحين)

مشاكل سواقين الميكروباص لا تنتهى

ربنا ياخد سواقين الميكروباص

سواقين الميكروباص

معاً ضد سواقين الميكروباص

الكلمات الدلالية لهذا الموضوع

المفضلات

المفضلات

ضوابط المشاركة