سؤال للخبراء، كيا سول صيانة الـ40 ألف

**KiaSoul** · 03-10-2013 10:58 AM

كنت بعمل الصيانة الدورية لكيا سول 2010 صيانة الـ40.000
بعد ما الفني كشف على السيارة اتصل بيا وقالي ان السيارة محتاجة الآتي:
1- علبة دريكسيون 2400 جنيه
2- طنابير 1500 جنيه
3- تيل فرامل 600 جنيه
4- ريشة مساحة خلفية 170 جنيه
5- ريشة مساحة أمامية 150 جنيه

بجانب حاجات تانية كتير كتبها، أنا قولتله اعمل صيانتك وبعدين حشوف الموضوع ده.
والصيانة أساساً 1600 جنيه!

مع العلم ان مفيش أي شكوى تماماً من السيارة والصيانة دورية ومعنديش أي مشكلة مطلقاً،
وأنا بستلمها قولتله طيب ولو مغيرتش علبة الدريكسيون حيصل ايه؟ قالي العربية حتبقى تقيلة معاك!
سألته لو مغيرتش الطنابير حيحصل أيه؟ قالي العربية حتعوم منك!

الرجاء النصيحة
تحياتي

**Tmhami** · 03-10-2013 02:30 PM

أيه الكلام ده
عربيه موديل 2010 و عامله 40000 كم و فيها طنابير و علبه دركسيون كمان
أنا حاسس أن الكلام ده مش مظبوط
كمان فين الضمان ,علبه الدركسيون و الطنابير مع الضمان , التيل بس هوا ألى عليك

**Tmhami** · 03-10-2013 02:35 PM

أنت روحت التوكيل ولا فين بالظبط ,
تصدق أنا دمى أتحرق من الكلام ده ,العالم ديه يا نصابه يا أنت بتفترى على العربيه جامد

**KiaSoul** · 03-10-2013 10:52 PM

المشاركة الأصلية كتبت بواسطة tmhami

أنت روحت التوكيل ولا فين بالظبط ,
تصدق أنا دمى أتحرق من الكلام ده ,العالم ديه يا نصابه يا أنت بتفترى على العربيه جامد

رحت السبع أوتوسرفيس زهراء المعادي

طيب اتأكد إزاي ان علبة الدريكسون أو الطنابير فيهم مشكلة، أروح مركز صيانة معتمد تاني ولا مركز خارجي؟

أنا مش حاسس بأي مشكلة في العربية، معايا بقالها 3 سنين نفس الأداء،
وعلى حرقة الدم نفس شعوري وهو بيبلغني بالكلام ده!

**kariemelsayed** · 04-10-2013 12:50 AM

القاهره اوتو علي السويس الصحراوي الكيلو 4.5 احسن حاجه

**medo_sirion** · 04-10-2013 01:43 AM

انت حضرتك فين في القاهره
انا امتلك سول و ممكن اكشف لحضرتك علي علبه الدريكسيون والطنابير لانى عندى خبره فيهم اوي
وللاسف التوكيلات بتلجأ الي الربح اكثر من المهنيه والصدق

**medo_sirion** · 04-10-2013 01:47 AM

انت حضرتك فين في القاهره
انا امتلك سول و ممكن اكشف لحضرتك علي علبه الدريكسيون والطنابير لانى عندى خبره فيهم اوي
وللاسف التوكيلات بتلجأ الي الربح اكثر من المهنيه والصدق

**K_E** · 21-10-2013 07:23 PM

المشاركة الأصلية كتبت بواسطة KiaSoul

رحت السبع أوتوسرفيس زهراء المعادي

طيب اتأكد إزاي ان علبة الدريكسون أو الطنابير فيهم مشكلة، أروح مركز صيانة معتمد تاني ولا مركز خارجي؟

أنا مش حاسس بأي مشكلة في العربية، معايا بقالها 3 سنين نفس الأداء،
وعلى حرقة الدم نفس شعوري وهو بيبلغني بالكلام ده!

لا اله الا الله
اوعى

انا عربيتي بقا موديل 2011 وعامله حوالي 50 الف كيلو

من وهي 20 الف بيقولولي غير الطنابير مكنتش عارف اساساً ايه الطنابير دي

اخر مرة قالي الطنابير عندك حالتها صعبه جداً ولازم تتغير قلتله ماشي وغيرها بعدين بحثت فالموضوع وطلع الطنابير حالتها كويسة والريجة الي فيها خفيفة ويتمشي عليها عادي :)

كمان التيل متغير وهو كبير

كل ده عادي يمكن هما محبكينها شوية بما انهم وكيل وكده وماشي بمعايير معينة مش زي الناس الي يسيب الحاجه لحد ماتبوظ مفيش اي مشاكل

كنت فمره الكاوتش نام وانا ماشي وطلعت المنفاخ الي بيوصل عالولاعه وقعدت انفخ وكنت ناسي ومبطل العربية بعد شوية طبعاً البطارية نامت خصوصاً ان الكاوتش كان مقطوع والمنفاخ بينفخ عالفاضي

وصلت من واحد تاني والعربيه دارت وتمام بس بقيت لما احمل عالبطارية شويه تنام

بدون اطالة فالصيانة وهما بيعملوها طبعاً بيبقوا محملين عالبطاريه ونامت
قالي البطارية بايظه وعاوزه تتغير

قلت خلاص بالمره بدل ماتقف مني وبناقص 500 جنيه وكان في وقتها خصم 20%

الفاجعة بقا اني اكتشفت ان البطاريه ولا فيها اي حاجه غير انها كالسيوم والبطاريات الكالسيوم لو اتفرغت لازم تتحط على شحن كهربا 10 ساعات متواصلة

وكانت الخلاصة فاتوره الصيانة ب 3400 جنيه :)

ان متعاملتش مع مركز غيرهم مش عارف كله كده ولا ايه بس هجرب بتاع القطاميه وهو اقربلي
وعموماً ياباشا انا جارك فالمقطم لو احتجت اي حاجة انا فالخدمة