حاجة تجنن والله عند الميكانيكي ومقدرتش انطق معاه

**ayman_aboramy** · 03-10-2013 03:29 PM

كنت بغير ديسك واسطوانة في اوبل استرا 2007 مانيوال
جبت الديسك والاسطوانةوبلية الدبرياج
وبعد ما ركبتهم عند مركز عبد الغزيز راجل مشهور قوي في الاوبل في الاسكندرية في السيوف
فاجاني بطلب غريب
قاللي هات زيت موتور من البنزينة اللي جنبنا نزود بيه زيت الفتيس
قولتلله زيت موتور !!!!!!!!!!!!!!!!!!!!!!!!!!!!!1
قصدك زيت فيتيس يا حج عبد العزيز
قاللي لا انا عايز زيت موتور حتلاقيه ب 55 جنيه روح هاتوا
اقوله ازاي يا حج زيت موتور
يقوللي اسمع الكلام انا في التوكيل من 40 سنه وعارف انا بقولك ايه التروس عندك صغيرةوزيت الموتور احسن انا بحط زيت موتور للعربيات الاوبل كلها اللي عندي في علبة التروس
لفيت علي الصنايعية والناس اللي بتصلح اخد رايهم
طبعا الصنايعية بصموا علي كلامه
والناس اللي عنده تقوللي الحاج عبد العزيز متسالش وراه احنا بنتعامل معاه من سنين
طبعا جبت زيت الموتور وانا ساكت وحطيته بس مش متخيل انا ازاي عملت كده
مش حنكر اني شوفت شغل عالي قوي عنده سواء في الخدمة والتقفيل والدقة في الصنعة
بس حكاية زيت الموتور ده جنتتني جدااااااااااااااااااااااا ابرجللتلي دماغي
حد يفسرللي بالله عليكوا انا غلطان في اعتقادي ولا انا غبي اني سمعت كلامه؟؟؟؟؟؟؟؟؟؟؟

**sameh_se** · 03-10-2013 03:39 PM

انا فى اعتقادى انة عندوا حق كان فى عضو معانا قال كدا مرة و اتكلم فى الموضوع دة .
المهم النتيجة بعد كدا الاداء كان عامل اية طمنا

**ayman_aboramy** · 03-10-2013 03:42 PM

ما شاء الله عليها سحب جامد وتجميع فوق الخيال بس بسوقها وانا خايف يحصل حاجه
زيت الموتور ده عمللي برجلله في دماغي

**ahmedsrs** · 03-10-2013 03:54 PM

لو كان كل الزيوت ذى بعضها ماكنش الخواجة عمل زيت موتور وزيت تروس

**hossam_elwani** · 03-10-2013 04:34 PM

غريبه قوى

**amoor89** · 03-10-2013 04:45 PM

لا والله حاجة جميلة جدا يعنى كده ممكن احط زيت فتيس للموتور وازوده بقى كل ما ينقص ولا ايه دحنا شعب عليه افتكاسات تودى فى داهية

**HOSSAM99** · 03-10-2013 05:04 PM

زيت الموتور هو هو زيت الفتيس لكن بيختلفو في الدرجه ... زيت الفتيس درجاتة أعلي بيبدأ من w75 و ده زيت تقيل بيتناسب مع طبيعة تروس التعشيق و مع المدة الزمنيه الطويلة اللي بتستخدم فيها الزيت
أما زيت الموتور خفيف بيبدأ من w0 أحيانا و في مصر w 5و لازم يبقي خفيف علشان يوصل لجميع أجزاء الموتور و يقوم بعملية التزييت و التبريد
اللي عامله الصنايعي ده مش هايضر الفتيس علي المستوي القصير في شئ إلا إنه مخالف لجميع الكتالوجات و مخالف لطبيعة الجو عندنا فممكن يأثر علي الفتيس علي المستوي البعيد

**ashourashour** · 03-10-2013 05:51 PM

مقولتلوش اجيبلك زيت اكل ليه

**hilal** · 03-10-2013 06:09 PM

يا عم دي عربية مانوال
يعني اي زيت والسلام
والله كنا بنشتري زيت موتور سايب ايام ما كان اللتر ب 3.5 جنيه ونزوده في فتيس الفيات 128 ولا حصل اي حاجة
وعاشت سنين وبعناها بدون اي مشاكل

**rotanamasoud** · 03-10-2013 07:32 PM

زيت الفتيس اخره حراره فقط يعنى تحمل حرارى ومش حيوصل لتحمل زيت المحرك(الجيربوكس غرفه مغلقه بدون عوامل خارجيه)
زيت المحرك مصمم للتعامل مع الحراره الشديده ومقاومه البخر ومقاومه التاكسد ومقاومه الكاربون لانه بيعدى على غرف الاحتراق
يعنى لو عندك زيت محرك نفس لزوجه زيت الفتيس حيكون افضل الغلط كله لو درجه اللزوجه مختلفه

الموضوع: حاجة تجنن والله عند الميكانيكي ومقدرتش انطق معاه

LinkBack

أدوات الموضوع

عرض

-

-

-

-

-

-

المواضيع المتشابهه

حاجة تجنن

حاجة تجنن بجد !!

مش فاهم ال mmt !!!!! حاجة تجنن

يا جماعه والله حاجه تجنن بليز شوفولى حل

الضريبة على العربيات!! حاجة تجنن

الكلمات الدلالية لهذا الموضوع

المفضلات

المفضلات

ضوابط المشاركة