شوية اسئلة عن الصنى 2014

**medo-312** · 03-10-2013 05:17 PM

العربية استلمتها والحمد لله بس كام سؤال ع الماشى :
1- ممكن أغير نوع ومقاس الكاوتش والجنت واللا ده يخرج العربية من الضمان؟
2- أقرب مكان للصيانة من المهندسين وعنوانه لو أمكن .
3- ممكن أركب شاشة ملاحة مكان الكاسيت زى اللى فى الكيا الخليجى مثلا ؟ وهل تخرج العربية من الضمان ؟

4- ماهى الأشياء الضرورية اللى لازم اراجعها على المدى القصير ( يوميا .. اسبوعيا ) ؟؟

**hatahet** · 03-10-2013 06:24 PM

الكاست بتاعها الكينود اللى فيه GPS و خرائط زى اللى فى القشقاى ممكن يركبلها و انا كنت سالت عليه فى ناشيونال يونيون الدراسه و كان ب 3500 جندى فلت مالو الموبيل منزل عليه sygic بيشتغل maps offline فى القاهره و الاسكندريه و ببلاش

**waleed mohamme** · 04-10-2013 10:08 AM

اولا الف مبروك على العربية الجديدة
بالنسبة للسؤال الاول ممكن تغير الكاوتش والجنوط ودة مش هيخرج العربية من الضمان بس لازم تعرف مقاس الكاوتش اسال مهندس الاستقبال وانت بتعمل صيانة الالف علشان لو عرضت المقاس اكبر من اللازم هياثر على عفشة العربية
ثانيا افضل مكان للصيانة اوتو ايجيبت ابو رواش
ثالثا اى حاجة بعيدة عن ضفيرة الكهرباء مافيش منها اى مشاكل
رابعا طبعا العربية لسهة زيرو علشان كدة ممكن كل يوم واحنا دخلنا على الشتاء قبل ما تركب العربية تشوف هواء الكاوتش وتظبطه لو تاقص 33 قدام و30فى الخلف بنسبة المياة استخدم مياة خضراء طبعا وممكن تبص عليها كل اسبوع وتشوف مستوى زيت الماتور كل اسبوعين مثلا بشرط ان تكون على ارض مستوية وتكون العربية بردة

**mem** · 04-10-2013 04:27 PM

الكاوتش عادى هو الجنوط ما فيش مشكله
اما جهاز الملاحه اشترى اللى انت عايزه وخلى التوكيل يركبهولك اضمن علشان موضوع الضمان
لان لو حصل حاجه هيقول لك ضمان الكهرباء خرج لانك عملتها بره ولعب فى كهربه العربيه
واقرب توكيل ليك السبع فى زهراء المعادى بجوار نادى دجله