الموضوع: موضوع للنقاش الجاد للاهمية لو بتوفر كام فى مصر متسافرش

المشاركة الأصلية كتبت بواسطة Hunting_Eagle

انا سافرت الكويت مع الشركة اللي كنت بشتغل فيها في مصر في منصب احسن الحمد لله بقالي حوالي 3 سنين بس خلاص زهقت و عايز ارجع بس مش لسه مش جاهز للخطوة دي

الفكرة انك لو سافرت وقعدت كام سنة وبعدين حبيت تنزل مصر مش هتعرف تشتغل لان يا اما سنك هيبقى كبير يا اما مش هترضى تبدأ من الأول تاني في اي شركة .. او تشتغل في شركة تعبانة تطلع عينك و تقرفك

فاللي ها تعمله انك تعمل مشروع خاص و المشروع الخاص هو انك تفتح صيدلية .. فا انت حاليا عامل مشروع و في نفس الوقت عندك وظيفة مع المشروع

عندك حاجة تانية مهمة .. الشغل في الخليج يختلف تماما عن مصر في شركات الادوية .. وناس كتير ما بتقدرش تتعامل مع الضغط اللي بيتحط عليهم فكتير منهم ما بيقدرش يكمل حتى اول سنة .. الموضوع ده مهم جدا

حاجة كمان .. انا ما بقدرش اقعد اكتر من 6 شهور من غير ما اسافر مصر .. انا عندي طفل واحد و زوجتي .. تذاكر السفر بقت مولعه .. نزولة الصيف لوحدها بتاخد تذاكر حوالي 15000 و الشتا نفس المبلغ او اقل شوية ده غير مصاريفك في مصر على حسب كل واحد بس بتبقى مبلغ محترم بردو .. لو انت زي حالاتي ما بتقدرش تمسك نفسك و عايز تنزل مرتين في السنة هتلاقي نفسك داخل في 40 ولا 50 الف جنيه مصاريف .. حاجة جنان انا عارف بس هي دي الحقيقة

العيشة هنا بصراحة مريحة و محترمة و الناس لطيفة مع اللي بيحترم نفسه و اللي مش بيترحم نفسه بيتركب و كرامته بتتمرمط

ده اللي في دماغي دلوقتي لو عايز تعرف حاجة معينة قولي و انا تحت امرك

+++++++++++1

المشاركة الأصلية كتبت بواسطة yuong313

بص يادكتور خلينا متفقين علي بعض الاشياء
مهما حاولنا توضيح بعض الامور لك وترغيبك في السفر او البقاء فالاختيار لك واكيد رأيك سيكون هو الصواب لانك اقرب شخص لجميع ظروفك المحيطة وتستطيع انت فقط من تتخذ القرار بالبقاء او السفر لانك تعرف سلبيات وايجابيات السفر ومايليها من تبعات علي المدي القريب والبعيد

نحن نحاول مساعدتك فقط ومساهمة بقليلا من خبراتنا السابقة في مجال السفر وكل شخص يفند تجربته بسلبياتها وايجابياتها

لفتات
اذا كان اولوية سفرك للقرف من البلد فاشجعك علي السفر لانك تعلم ان هذا الجيل كتب عليه الشقاء في الداخل
اذا كانت اولوية سفرك للمادة فاعتقد انك مرتاح نسبيا عن غيرك فانا راي لاتسافر وكمل مشوارك هنا

لابد ان تعلم ان لكل قرار سلبياته وايجابياته
قرار السفر صعب جدا وتبعاته اصعب
وايضا قرار البقاء صعب جدا وتبعاته اصعب

واتمني لك التوفيق واستخير الله

ربنا يكرمك على ردك ويوسع عليك

المشاركة الأصلية كتبت بواسطة Hunting_Eagle

انا سافرت الكويت مع الشركة اللي كنت بشتغل فيها في مصر في منصب احسن الحمد لله بقالي حوالي 3 سنين بس خلاص زهقت و عايز ارجع بس مش لسه مش جاهز للخطوة دي

الفكرة انك لو سافرت وقعدت كام سنة وبعدين حبيت تنزل مصر مش هتعرف تشتغل لان يا اما سنك هيبقى كبير يا اما مش هترضى تبدأ من الأول تاني في اي شركة .. او تشتغل في شركة تعبانة تطلع عينك و تقرفك

فاللي ها تعمله انك تعمل مشروع خاص و المشروع الخاص هو انك تفتح صيدلية .. فا انت حاليا عامل مشروع و في نفس الوقت عندك وظيفة مع المشروع

عندك حاجة تانية مهمة .. الشغل في الخليج يختلف تماما عن مصر في شركات الادوية .. وناس كتير ما بتقدرش تتعامل مع الضغط اللي بيتحط عليهم فكتير منهم ما بيقدرش يكمل حتى اول سنة .. الموضوع ده مهم جدا

حاجة كمان .. انا ما بقدرش اقعد اكتر من 6 شهور من غير ما اسافر مصر .. انا عندي طفل واحد و زوجتي .. تذاكر السفر بقت مولعه .. نزولة الصيف لوحدها بتاخد تذاكر حوالي 15000 و الشتا نفس المبلغ او اقل شوية ده غير مصاريفك في مصر على حسب كل واحد بس بتبقى مبلغ محترم بردو .. لو انت زي حالاتي ما بتقدرش تمسك نفسك و عايز تنزل مرتين في السنة هتلاقي نفسك داخل في 40 ولا 50 الف جنيه مصاريف .. حاجة جنان انا عارف بس هي دي الحقيقة

العيشة هنا بصراحة مريحة و محترمة و الناس لطيفة مع اللي بيحترم نفسه و اللي مش بيترحم نفسه بيتركب و كرامته بتتمرمط

ده اللي في دماغي دلوقتي لو عايز تعرف حاجة معينة قولي و انا تحت امرك

اسلوب حضرتك حلو ومنظم فى الكلام ربنا يوسع عليك كمان وكمان
بص هو تذاكر السفر عندى فى الشركة المفروض اللى اطلع عليها ليا ولزوجتى واتنين من الاولاد الكلام ده فى العقد سنويا بس كلاس y
يعنى اقتصادى
والتامين الصحى برضه شامل انا واتنين من الاولاد وزوجتى كلاس a
يبقى ايه الكلام
تالت حاجة حضرتك شغال دعاية ولا صيدليات وسنك كام بدون تدخل طبعا فى تفاصيل شخصية

المشاركة الأصلية كتبت بواسطة hunting_eagle

ربنا يخليك و يوفقك للخير

انا فاهم ان التذاكر بتبقى على الشركة انا حبيت افهمك حجم المصاريف اللي بتتصرف

انا وظيفتي key account manager في شركة ادوية و سني حوالي 29 سنة

بس انا مش فاهم ليه بتسأل عن سني ؟

لاء مش قصدى حاجة والله
على موضوع السن
اللى اقصده انى برضه 29 سنة زيك ولسة هطلع دعاية
انا خبرة فى مصر 3 سنين فى شركة لوكال
و3 ونص التانيين فى مالتى ناشيونال والفرصة اللى جاية دى معجزة اصلا وانت سيد العارفين مفيش شركة بتيجى تاخد مندوب من مصر 29 سنة

بس معلش يعنى ايه key account manager
التيتل ده مش عندنا فى مصر
اوترجمته ايه يعنى زى ايه فى مصر تحياتى لك

المشاركة الأصلية كتبت بواسطة hunting_eagle

هو معناه انك بتدير قسم معين مهم بالنسبة للشركة

زي وزارة الصحة او التامين الصحي كده في مصر

الاماكن الكبيرة دي بتبقى مهمة جدا بالنسبة للشركات لانها ممكن تكون حوالي 80 % من المبيعات فبالتالي الاهتمام بيها بيكون كبير

هو فعلا مش هتسمع عنه في مصر لانه في الخليج تقسيمة الشغل بردو مختلفة

بص بردو انا عايز اخلص ضميري من ربنا علشان ما بقاش سبب انك تضيع فرصتك

العائد المادي مهم جدا طبعا و انت ادرى واحد بظروفك

كل اللي انا كنت عايز الفت نظرك ليه ان فيه حاجات تانية تحطها في حسباتك و انت بتقرر .. اهمها انك هتبعد عن اهلك و انك هترجع مصر امتى و هترجع تعمل ايه

لو جاوبت نفسك على النقط دي و لقيت نفسك مقتنع ومرتب دماغك اتكل على الله فورا

بس أمانة عليك لو روحت مكة او المدينة في اي وقت تفتكرني بدعوة لوجه الله

و بالتوفيق

هدعيلك والله باذن الله
معلش ممكن تقولى ايه اخبار الدمام من حيث كل حاجة وكده
وهيا ولا جدة احسن