الموضوع: موضوع للنقاش الجاد للاهمية لو بتوفر كام فى مصر متسافرش

المشاركة الأصلية كتبت بواسطة yuong313

بص ياباشا اكيد كل واحد بيتكلم بحسب تجربته الشخصية وبيعتقد ان تجربته هي المرجع للاخرين وده الخطأ بتاعنا كلنا
انا عشت نص حياتي في الغربة مابين
لبنان وسوريا والاردن وقطر
بعض مما ذكرته مظبوط والبعض الاخر يختلف من شخص الي اخر

الفوائد كثيرة ولا ينكرها الا جاحد
1- بعيدا عن نظافة الشوارع والاماكن هناك نظام في التعامل مع الوزارات والهيئات الحكومية وهناك نظام واضح وصريح 1.2.3 ومفيش تعقيد
2- تشعر بالامان بالرغم انك لم تلحظ كثيرا من دوريات الشرطة وتامن علي اهلك حتي لو كنت مسافر وبعيد عنهم
3- معظم المصرين في اعلي المراتب المهندس والدكتور والصيدلي والمحامي والمدرس ومدير البنك حتي الموظف العادي والعامل مصري يعني مش حتحس بغربة اوي

السلبيات
1- شعور الغربة والحنين الي الوطن هذا العامل هو سبب فشل الكثيرين اللي لديهم الهوم سيك
2- عدم التأقلم في البلد المستضيف او المجتمع او العمل سيعجل بفشلك اور حيلك
3- اذا سافرت بمفردك فلا انصحك بالسفر من الاساس لان الغربة لها مواجع وتحتاج الي احد منك وقريب منك ليخفف عنك اوجاع الغربة

ده باختصار لو عايزني اكمل انا جاهز

كمل ياكبير بجد كلامك يدل على خبرة عالية اوى

المشاركة الأصلية كتبت بواسطة m_kamal

كلامك مظبوط 100 % يا باشا من ناحية ان كل واحد بيحكم عن طريق تجربته الشخصية بس انا والله ناقل احساس نسبة كبيرة من اصدقائى اللى عايشين هنا .. و فى المقابل فيه ناس مبسوطة و مكملة

حكاية المصريين فى اعلى المراتب و مش هتحس بالغربة انا مش معاك فيها قوى ... انا حواليا معظم اللى بيشتغلو مصريين برده و الاحساس بالغربة موجود و مترسخ حتى بعد السنين دى كلها

و معاك مليون فى المية ان لو هيسافر لوحدة يبقى بلاش احسن

هى فى الاخر فعلا بتختلف من واحد للتانى على حسب ظروفه و تطلعاته و احساسه بالمكان و الناس

و ربنا يهدي اخونا العزيز للى فيه الخير و الصواب

مشكور على الدعوة الحلوة دى بجد ربنا يسعدك
ان شاء الله هبعت اجيب مراتى وعيالى الاتنين كنت عايز اخدهم معايا وانا مسافر بس الشركة قالتلى مفيش حد بيعمل كده لازم تروح الاول وتطلع الاقامة وبعدين تبعتلهم

المشاركة الأصلية كتبت بواسطة mnelmasry

اخي الفاضل
الرد الوافي علي كلامك..يتوقف علي الراتب المعروض عليك في الدمام..وايضا هل تنوي اخذ اسرتك ام لا..مع الوضع في الاعتبار ان عندك طفل هيبتدي يدخل مدرسة ...لو حضرتك مش هتاخد اسرتك ..اقدر اقولك انك هتقدر تحوش مبلغ كويس دة باعتبار ان الراتب الاساسي في حدود 6000 او اكثر..لانك هتاخد كمان بدل سكن بما يعادل 3 شهور وهيفرولك سيارة لان عملك يتطلب ذلك..وساعتها هتتشارك مع زملاء لك في السكن.
اما في حالة استقدام اسرتك فهتاجر سكن وبدل السكن في حالة الراتب 6000 مثلا هيجيبولك سكن جيد..ومصاريف المعيشة من اكل وشرب هنا في السعودية رخيصة وسهلة وكذلك تاثيث المنزل ولكن ضع في اعتبارك م المدارس ودي مش هقدر افيدك قوي بس ممكن تكون في حدود 8000 في السنة لو مدرسة معقولة.
وعموما احب اقولك ان الدمام مدينة رائعة..واشجعك بشدة انك تخوض التجربة وانصحك تاخد اسرتك حتي لو هتتكلف شوية لان حياة العزوبية هنا قاتلة..وربنا يوفقك وارجو ان اكون افدتك بقدر امكاني.

فعلا زى محضرتك قولت عندى طفل 4 سنين وقاللولى الحضانة هناك بتاخد 6000 فى السنة
وعندى طفلة سنة واحدة
ربنا ييسر واخد القرار اهلى صعبانين عليا اوى

المشاركة الأصلية كتبت بواسطة yuong313

مش معني اني بقول ان كل واحد بيتكلم علي تجربته ده غلط بالعكس اكيد صح بس الاختلاف ان كل واحد له تجربة مختلفة عن التاني يعني ممكن انتا تنجح وغيرك يفشل في نفس المكان ونفس الظروف والمكان والزمان

بخصوص وظائف المصريين
بص حواليك حتلاقي فعلا المحامي مصري والمهندس مصري والدكتور مصري والصيدلي مصري ومدير البنك مصري وطبعا الموظف العادي والمحاسبين مصريين والعمال مصريين يعني انا بقولك كل الوظائف حتلاقي المصريين متواجدين
انما حكاية بقي مبسوطين ولا لا فانتا راجل قديم وعارف ان المصري مش بيحمد ربنا علي النعمة مهما اعطيته وبيعتقد انه لما يشكر ربنا انك حتحسدوا علي رزقه فبلاش ندخل في القصة دي لانها كبيرة اوي واتفرمت كتير في قصص الغربة

بخصوص احساس الغربة بتختلف من واحد للتاني
يعني دلوقت لو معاك زوجتك واولادك مش حتفكر تنزل كتير مصر كل سنتين تلاتة لكن لو رايح لوحدك حتتجنن كل شوية تنزل يومين وترجع تاني

كلامك صح مليون فى المية

المشاركة الأصلية كتبت بواسطة hunting_eagle

معايا مراتي و ابني و بنزل مصر مرتين في السنة و مش مكفيني ؟؟ ازاي السنتين و التلاتة دول ؟؟

معلش هو بدون تدخل طبعا فى شؤؤنك حضرتك بتنزل عشان البلد وحشاك
ولا الحاج والحاجة ربنا يطول فى عمرهم

المشاركة الأصلية كتبت بواسطة hunting_eagle

فوائد السفر

1- شوية فلوس زيادة ( او شويتين تلاتة )
2- عيشة نضيفة لمدة محددة من الزمن

عيوب السفر

1- انسى ابوك و امك و اهلك و انسى ان عيالك يرتبطو بأهلهم
2- هتضيع عمرك علشان تشتري شقة و عربية و و و ... علشان تستخدمهم شهر في السنة
3- الأيام شبه بعض
4- مصاريف كتير جدا هنا اكتر مما تتصور و خصوصا السكن و المدارس هتاكل كل فلوسك

الخلاصة : عيوب اكتر بكتير من المزايا .. يعني هتبيع كل حاجة علشان الفلوس

بص انا صيدلي و فاهم ظروف شغلك كويس و بقولك وضعك حلو في مصر .. خليك في مصر .. لأنك ببساطة لما هتيجي هيبقى صعب جدا ترجع

طيب معلش ممكن تحكيلى تجربتك فى السفر بما انك صيدلى الله يباركلك معلش