صوت غريب بالموتور بعد تغيير الزيت

**sicobaty00** · 03-10-2013 10:33 PM

السيارة: نيسان صني 2008 اي اكس
الصيانة الدورية بالكامل في التوكيل
العداد: 95000
ميعاد اخر صيانة من 5 ايام من تاريخ الموضوع
المشكلة بدات بعد تغيير الزيت من موبيل الي بور سينث 10000 في محطة امارات مصر، وتركيب فلتر نيسان اصلي و غسل دورة الزيت بمادة موتور فﻻش
بعد غسيل الدورة بالمادة مع الزيت القديم ووضع الزيت الجديد نفس اليوم بليل ظهر صوت تصفير او صرير او ورة مع الموتر من منطقة السيور الصوت مبيظهرش اول الدوارة بعد المشي بشوية يظهر ولو واقف علي السﻻنسية او ماشي بيظهر يروح ويجي سحب و قوة العربية متئسروش
روحت ليلميكانيكي وغيرت السيور والبوجيهات وقلب بليه الشداد علشان ملقتش بلية وكل دة الاصلي بتاع الصني ونضفنا البوابات بتاعت اﻻنجكشن بسبراي بعد كل دة الصوت زي مهوا متغيرش الميكانيكي بيئولي نجيب بلية كاملة و واحد تاني يقولي الزيت بتاع اﻻمارات خفيف و بيئثر علي بلف سير الكاتينة علشان البلف قايم علي ضغط الزيت فهو خفيف فامش مدي البلف الضغط المناسب ..عديت علي بنزينة شل الفني هناك قلي الزيت كويس وميعملش كدا...انا مش عارف اعمل اية ........

**Kokooaoa** · 03-10-2013 10:51 PM

متابع

**dr.hazem** · 03-10-2013 11:12 PM

شيكت على قواعد الماتور؟؟؟

Sent from my Xperia Arc S using Forum Runner

**aw2100** · 03-10-2013 11:30 PM

حتحتاج تغير الزيت تانى فورا علشان مادة الفلاش المنظفة دى خطيره قوى وبتبوظ الموتور ولازم بعد ماتحطها فى الموتور تغسلة بكيلو زيت وتنزله من الموتور الأول علشان بقايا المادة دى فى الموتور بتحل الزيت الجديد وتبوظة كده انت محتاج تغير الزيت تانى والفلتر معاه كمان واعتبر الزيت اللى حطيته زيت غسيل للموتور ونصيحة محدش يستعمل مواد تنظيف زيت الموتور دى مهما يكون نوعها بلااااااااااااش ودى مواضيع عن الفلاش وربنا يكون فى عونك ؟؟
http://www.nilemotors.net/Nile/320132-a.html
http://www.nilemotors.net/Nile/3875002791-post15.html
http://www.nilemotors.net/Nile/27351...t-flush-3.html