الموضوع: انا احترت وزهقت جدا ..... ارجو الافاده

عندى سيارتى كيا سبكترا موديل 2005
بها الآتى :
1.يحدث باك فاير او فرقعه فى الشكمان عند التهدئه للسرعه بشرط انها تكون واخده غيار يعنى لو مورت العربيه من على السرعه العاليه وهديت ميحصلش حاجه لكن لو مدى غيار وهديت يحصل فرقعه
2.بسمع زى ميكون صوت تنفيس هوا من مكان فتحه التانك وهو مقفول
3.قريبا حصل عند تهدئه السرعه من سرعه عاليه مثلا 140 ونزلت بيها بسرعه العربيه ممكن تطفى منى خالص وتعصلج انها تدور تانى الا لما ادوس بنزين جامد غالبا عشان تدور ومتبطلش
4.كان حصل برضه بس مش دايما ان نزلت العربيه من سرعه عاليه للسلانسيه مش علطول بتفضل معلقه شويه اعلى من السلانسيه وتفضل معلقه كده شويه وبعدين تهدى ... يعنى مبتنزلش النزول الطبيعى بتاعها


انا اسف انى طولت وبجد اتمنى حد يساعدنى وشكرا

على فكره مغير البوجيهات واسلاك البوجيهات

ممكن تكون كهربا عاليه .. او عملية الحرق غير صحيحه ودا سببوا ان كمية البنزين المدفوعه من البخاخ في اسطوانة الحرق غير مساوي لكمية الهوا المدفوعه من مانيفولد الهوا .
اسباب دا حاجه من الحاجات دي ..
1- حساس الاير ماس عاوز يتنضف او يتغير .
2- نظافة البخاخ .. واشك في هذا السبب .
3- كهربا عاليه عاوزه تتظبط .
والله اعلم ،،،