فرق الشكل الجديد عن الشكل القديم

**dreammate** · 04-10-2013 06:07 PM

السلام عليكم
انا فى حيرة ما يعلم بيها غير ربنا
عاوز اجيب حاجة زيرو اوتو تحت ال100000
طبقا لكونتاكت كارز
الاوبشنز المتاحة كالاتى
افيو 2014
فيرنا
لانوس
لوجان
سانديرو
صنى 2013 الشكل الجديد

فانا بفاضل بين الصنى الشكل الجديد 2013
وبين السانديرو
بس خايف من عيوب السانديرو
وفى نفس الوقت يقال ان الشكل القديم فى الصنى احسن من الجديد
فانا هتجنن نفسى افهم ايه عيوب الشكل الجديد اللى محبب الناس فى القديم
اكيد انتو احسن ناس ممكن تفيدنى فى القصة دى
انا نفسى اجيبها واهى اسمها حاجة يابانى

مستنى ردودكم

**mem** · 04-10-2013 06:33 PM

وعليكم السلام ورحمه الله وبركاته
اولا حضرتك نورت قسم نيسان
ثانيا الفرق بين الصنى الشكل القديم والشكل الجديد
اولا الشكل القديم
شكل كلاسيكى ممييز
صاج تقيل اتقل من الجديده
سياره واسعه باستثناء الكنبه الخلفيه ضيقه قليلا
شنطه واسعه جدا
اعتماديه
عفشه رياضيه وده اللى بيخليها ناشفه شويه لكن بيديها قوه تحمل فى شوارعنا الجميله
ثبات عالى جدا لغايت 160 الى 170
موتور 1600
كاوتش بريدجستون
اعطالها قليله
قطع غيارها متوفره جدا جدا
داخل وخارج التوكيل
شكل داخلى جميل ومتناسق
عاليه عن الارض يعنى مش اى مطب تكحت فيه
اما الشكل الجديد
شكل مائل للرياضى شويه
صاج خفيف مقارنه بالموديل السابق
واسعه من جوه
والشنطه ايضا ولكن على حساب الكابوت ضيق جدا
اعتماديه ايضا ولكن ليست قالقديمه
عفشه انعم من سابقتها
ثبات لغايت 120 الى 130 كويس
موتور 1500
كاوتش ماكسس والمعظم بيشتكى منه انه صوته عالى وناشف
اعطالها ايضا قليله باستثناء كان فى مشكله فى الفرامل وكانوا عملوا على حلها
قطع غيارها غير متوفره بره التوكيل متوفره بالتوكيل ولكن ليس مثل الموديل السابق
الشكل الداخلى القديمه افضل وده وجهه نظرى
عاليه عن الارض بردك ومش اى مطب تكحت فيه
وتحت امرك فى اى سؤال

**Silent~Dream** · 04-10-2013 07:32 PM

رايى الشكل القديم الجديد ناس كثير بتشتكى من مشاكله

**د.عماد صلاح** · 04-10-2013 07:50 PM

لو نيسان يبقي الشكل القديم
العربيات اللي فاتت ترتيبها
صني قديم
لوجان و سانديرو
افيو
صني جديد
لانوس
فيرنا

**saddam** · 04-10-2013 11:35 PM

صديقي المواطن
الناس بتطلع إلى اﻷمام فخليك متنور ومترجعش إنت للخلف وبناءا عليه قولا واحدا من مقارناتك
تجيب صني الشكل الجديد بعيوبه ومميزاته
ودمتم للنضال

**dreammate** · 05-10-2013 02:37 AM

المشاركة الأصلية كتبت بواسطة saddam

صديقي المواطن
الناس بتطلع إلى اﻷمام فخليك متنور ومترجعش إنت للخلف وبناءا عليه قولا واحدا من مقارناتك
تجيب صني الشكل الجديد بعيوبه ومميزاته
ودمتم للنضال

عليا النعمة انت برنس

**dreammate** · 05-10-2013 02:39 AM

المشاركة الأصلية كتبت بواسطة asyl84

الناس قالت المفيد كلة بس هو كان فى حاجة صغيرة كدة حضرتك عايز حاجة اوتو =اتوماتيك... زيرو وتكون اقل من 100الف جنية دة طلبك....مين دخل لحضرتك الصنى فى فئة اقل من 100 الف والا انت تقصد فى حدود 100 تزيد شوية تقل شوية والا اية ؟

الصنى 2013 الشكل الجديد فى كونتاكت كارز ب 97000
دى اشتغالة ولا ايه؟

**mem** · 05-10-2013 11:17 AM

المشاركة الأصلية كتبت بواسطة dreammate

اولا قسم نيسان منور بأصحابه

تسلم اخى الفاضل على زوقك

ثانيا
انا عندى سؤالين
عزل الموتور والنعومة والسحب كويسين ولا ﻻ مقارنة باللانسر مثلا؟
انا كنت راكب شيرى a11
يعنى لو هركب عجلة هتعجبنى

العزل كويس والسحب ممتاز مع نعومه تقريبا متقاربيين

انا عاوز الخلاصة هيا احسن ولا اللوجان او السانديرو؟
الدريكسيون تقيل ولا عادى

النيسان احسن بكل المقاييس
والدريكسيون خفيف جدا
وكمان هتتبسط اكتر فى خدمه ما بعد البيع
مع التوكيل ناس محترميين ويعملوا على راحه العملاء
ده فى حد ذاتها ميزه مش زى توكيلات تانيه يبيع العربيه وبعد كده ما عرفكش
ويعقد لك الامور وعايز يدبسك
وتحت امرك فى اى سؤال او استفسار