الموضوع: استفسار بسيط

المشاركة الأصلية كتبت بواسطة mohamed2002

هوة قالي ان الميكانيكي حط لة سلك مواعين في الجكمان (سلك مصنوع من الالمونيم تقريبا بيستخدم في التنظيف)بس انا مش عارف لية وازاي صراحة

ههههههههههه اول مره اسمع حكاية سلك المواعين دي اللي بيسموه سلك الومونيا ههههههه انا اعرف انه عشان تعدي العربية من جهاز كشف العادم فيه ميكانيكية بتهوي شوية علي رباط الفرن المتصل بالشكمان و الموتور عشان يخرج منها العادم قبل ما يروح للشكمان و بكدا يقلل نسبة العادم اللي بتطلع من الشكمان و الللي طبعا فيها كربون اللي بيسقط العربية
او انه بيلعب في بيكات الهوا و البنزين في الكاربراتير بتاع البنزين عشان حكاية العادم و يقلل الكربون اللي فيه

اما بصراحة سلك المواعين فدي جديدة انا ما شفتهاش بس طبعا انا معجب بالفكرة لأنهم مش ممكن يعرفوها و تقريبا هي بيتكتم االشكمان و تقلل العادم بس هو اكيد بيحل شوية رباط الفرن عشان العادم يخرج منها و العربية ما تشخنش منه

بس انت عارف ليه المهندس بيسقط العربية اكيد المهندس اللي هناك كان عاوز كيس بريل او فيري عشان مدام نظيفة "القطنه ما بتكدبش" هههههههه بهزر طبعا اوعي تزعل مني انا بهزر
انا راي انه يروح لمركز به جهاز لتحليل العادم و يخلي الراجل اللي هناك يظبط له اللإسبراتير ( كهرباء العربيه) و في بيكات الهواء و البنزين بس اهم حاجة يكون بيفهم في الكاربراتير كويس عشان يعرف يظبطة و تقريبا انا فاكر انه بيفتح بيكات الهواء علي اد ما يقدر وبعد كدا بياخد عينة بالجهاز اللي عنده عشان يتأكد انها مقبولة و مش هتترفض في المرور و بعد كدا تنك طالع علي المرور رمح و بالراحة عشان الشغل اللي اتعمل ما يبوظش وتروح تدخل العربية علي الكشف علطول و ان شاء الله تعدي
و طبعا بعد ما بتعدي ممكن لو العربية هتاكل منك بنزين او مش متظبطة معاك بتسخن او مقدمة او مأخره كهربا بترجع زي ما كنت علي وضعك القديم و خلاص المهم انك عديت من الفحص بتاع المرور

انا عملت الكلام دا لما روحت فحصت عربيتي او بمعني ادق عربية والدي و هي بيجوا 504 موديل 81 و في الأول المهندس رجعني بعد ما كشف علي العادم و قاللي علي جنب روح المركز الفلاني عشان هو اللي هيظبطلك العربية و فعلا روحت له و الراجل عنده كام جهاز كدا و كان راجل فاهم جدا جدا و اشتغل تظبيط في الكهربا و الكاربراتير و في الآخر كشف تاني و قاللي ميه ميه اطلع حالا علي المرور و انا خدتها جري و دخلت عالي الكشف و الحمدلله عدت و خلصت الموضوع

ملحوظة : نصيحة خلي قريببك يفحص بتلات سنين مش سنة واحدة عشان القرف دا اللي بنشوفه في الفحص يعني هيدفع ضريبة 3 سنوات وو تامينات 3 سنوات انا فاكر اني دفعت يومها 750 جنيها مصاريف و رسوم علي التلات سنوات من ضريبة و رسوم