الموضوع: باركولى............النهارده اشتريت نوبيرا 2

موضوع شيق جدا و في انتظار نحدد هنبارك ولا لا

المشاركة الأصلية كتبت بواسطة abo_lamar

ايه يا عم انت بتحكلنا قصة ؟؟؟ ماتلخص الحوار في كلمتين ....
اصل يعني ماتزعلش مني موضوعك مش شيق اوي عشان ننام و نصحى واحنا مستنينه و بنحلم بأخره .

اولا......انا لم اطلب منك الدخول الى الموضوع أوالرد عليه
ثانيا......لهجة الكلام المتدنية بتاعتك دى لن اعلق عليها

المشاركة الأصلية كتبت بواسطة zooooma

موضوع شيق جدا و في انتظار نحدد هنبارك ولا لا

هتبارك ان شاء الله

المشاركة الأصلية كتبت بواسطة a_mohamedsamir

أكيد كل كوكب الأرض منتظر نهاية الحكاية
على كل حال
لأو اشتريت يبقى ربنا يديك خيرها ويكفيك شرها
لو لسه
يبقى ربنا يرزقك بالاحسن

طبعا مش كل كوكب الأرض منتظر نهاية الحكاية ......ولكن حبيت اسرد الموضوع من اوله

[QUOTE=ZOoOoMA;3875217850]موضوع شيق جدا و في انتظار نحدد هنبارك ولا لا[/QUOT

شكرا لذوقك

4-
يوم الخميس اللى فات نازل اروح شغلى الصبح روحت لحد موقف الميكروباص وهى الوسيلة الوحيدة المتوفرة واذا بى اجد شلالات من الناس داخل الموقف مستنية الفرج..وقفت معاهم وقلت لنفسى هو يوم باين من اوله..وقفت حوالى ساعة ونص لحد ماربنا اكرمنى ولقيت مكان وهو مكان(التباع-ورا السواق)فضلت قاعد (ضهرى محنى )فى مكانى ساعة كاملة بسبب الزحمة ،وماادراك ماهو يوم الخميس فى الزحام المرورى..نزلت من الميكروباص وماشى ضهرى محنى مش قادر افرده زى مايكون عندى 70 سنة ...بأمانة صعبت عليا نفسى جدا(يعنى ايه معايا الفلوس وبزيادة ومش قادر اجيب عربية كويسة)..فى نفس اليوم جه عاى بالى واحد (سمكرى وتاحر عربيات) معرفة قلت اتصل بيه يمكن يكون عنده طلبى ...كلمته قالى انا نازل السوق بكره ابيع عربية تعالى معايا يمكن نلاقى حاجة كويسة...مشينا الصبح ووصلنا هناك الساعة 11قعدنا نلف لحد الساعة 4 العصر .نشوف العربية دى .........ونقلب فى العربية دى.........ونكلم مع صاحب العربية دى......ونفاصل مع دا و...................... .المهم استقرينا على 3 عربيات اول واحدة مو2004 اتوماتيك اخرها 54الف ..والتانية 2007 اتو.اخرها 51 الف.....والتالتة 2007 مانيوال58 الف............وبعد كلام وجدال ونقاش الراجل اللى معايا قالى بص انا مش هجيبلك اتوماتيك ..عايز تخلص فى اتو خلص لوحدك ومتلومش الا نفسك بعدين،لكن انا العربية 2007 المانيوال دى دخلت دماغى ومش عايزة تخرج قلتله بس دى غالية اوى ولونها مش عاجبنى قالى انت تفهم ايه فى العربيات عشان تقول دى حلوة ولا وحشة ..العربية دى سليمة ومتحافظ عليها بس هيا زيداة عن عدلها 3000جنيه .نعصر صاحبها (تاجر بس على قده) ومش مهم تكون العربية زيداة الف ولا الفين قصاد البهدلة اللى انت فيها !!...فكرت شوية وقلتله اللى انت شايفه خلصناها ب57 بس نص ساعة فصال...توكلت على على الله وكتبت عقد ابتدائى ورحت لصاحبها تانى يوم واديته بقيت الفلوس واستلمت العربية ومشيت بيها وبعد مامشيت بيها يوم واتنين وفرجتها لناس كتير ..قلت (حكمتك يارب) ماحدش عارف ربنا شايله ايه العربية سليمة بنسبة بنسبة 87% عن خالتها الاصلية لاتوجد بها اى شىء لايعمل حتى ريموت الفابريكة بحالته ..سبحان الله الواحد يتخبط هنا وهناك ومش عارف ربنا شايله ايه؟
حبيت انقل ليكوا تجربتى ..طولت عليكوا معلش..ولكن فى النهاية انا فخور انى انضميت لاسرة النوبيرا .

انتهى

المشاركة الأصلية كتبت بواسطة د.عماد صلاح

مبرووووك ..انا كدا اتطمنت ...وعلي فكرم مانيوال النوبيرا احسن من الاواتو و مشاكله قليله
شوف بقي ...راجع علي الزيوت و غيها كلها و كمان السيور والفلاتر و عايزين تقرير متين من حضرتك
لونها ايه بقي

العربية لونها ازرق سماوى(بترولى) هيا ماشاء الله عليها فى السحب وكل حاجة بس المشكلة الوحيدة اللى قابلتى ان العربية بعد سرعة 120 بتحدف يمين روحت لبتاع الزوايا قالى مش هينفع اظبط زوايا الا بعد تغيير جلب المقصات.......... سؤالى لحضرتك اجيب جلب نوع ايه؟ واعمل الشغل دا فى التوكيل؟ولا مركز صيانة بره التوكيل؟ولا عند اى ميكانيكى؟