كنت فكرت معاكم قبل كده فى زيادة عزل الصوت فى اللانسر باستخدام طبقة من الفل تحت فرش العربية وبين صاج العربية والفبر اللى فوق الكاوتشات وورا وتحت الكنبة

الكلام دا كان من فترة كبيرة وملقتش وقت نهائى لمحاولة تنفيذه إلا من كام يوم

والحقيقة إنى عملت حاجة تانية ولسه الفكرة كلها مكملتش تنفيذ

اللى عملته زيادة فى عزل الجزء الخلفى من السيارة

الشنطة مليانة فراغات ومافيش فيها أى تبطين غير تبطين بسيط من الجوانب فقط

شلت التبطين الجانبى وحشيت الفراغات بين الصاج والشنطة بفوم اللى بييجى من الأجهزة الكهربية وبعدين طبقة من الفل بين الصاج والتبطين
وضعت طبقة من الفل تحت الخشبة اللى بتغطى الاستبن بس ملزقتهاش
وضعت فرخ فل ورا الكنبة وتحتها
ومليت الفراغات اللى فى غطا الشنطة نفسه بفوم وسديت عليها بفل

النتيجة:
عزل الصوت: لا تغيير!!!
صوت قفل الشنطة بقى مكتوم وأحسن من الأول

التوصية: مازال الجزء الثانى من التجربة محتاج للتنفيذ -فى الخطة الخمسية- وهو عزل الجزء الأمامى من السيارة +الصالون