مواعيد تغير الزيت في العربية

**lol656** · 06-10-2013 06:07 AM

ممكن يكون سؤالي مكرر لكن الواخد محتار ايه احسن زيت يحطه للعربية -احنا هنا المنتشلر الموبيل اما الانواع الخري صعب تلاقيها ممكن شليل برضه --ويقلك ده تغيره علي 3000 كيلو ودالموبيل 1 علي 10000 كيلو عايز اعرف الكلام ده صحيح ولولقيت شيل احطه ولوغيرت موبيل 1 اسيبه كام في العربية يا ريت تفيدوني عشان العربية جديدة وعايز امشي معاه بالزيت الصح-مع الشكر

**aldesha989** · 06-10-2013 10:42 AM

ما تعتمدش على الكلام الفاضى ده المفروض انك تشوف الزيت كل فتره شكله ايه ولونه ايه لو لسه فيه لزوجه سيبه مافيهوش لزوجه غيره فورآ

**Silent~Dream** · 06-10-2013 11:07 AM

شوف كتالوج عربيتك بيقولك تنزل الزيت كل قد ايه و حط اللزوجه والزيت الموصى بيها من الكتالوج ولو عايز تغير موبيل هتحط زيت تخليقى بالكامل الى بيقولوا عليه 10 الاف لكن الحقيقه هو يستحمل اكثر و ده حسب لزوجته لما تقل ابقى غيره او الشركه بتبقى محدده وقت معين للتغير فيه شركات 6 شهور و شركات تانيه سنه الانواع كثير لكن شوف الى المناسب للزوجه الموصى بيها فى الكتالوج

**محمد معاطى** · 06-10-2013 03:09 PM

اخى الحبيب ما دامت السياره جديده كما تقول يجب ان تستخدم زيت تخليقى بالكامل الى بيعد 10000 حتى تتم السياره 100000 بسلام ان شاء الله تستخدم زيت معدنى الى بيعد 3000

**mem** · 06-10-2013 06:53 PM

انت عربيتك جديده من الافضل انك ما تحطش ليها زيت معدنى اللى هو 5000
حط زيت تخليقى 10000 ده بيحافظ اكتر على الموتور وبيقعد وقت اكتر
وياريت تبعد عن موبيل مبقاش كويس زى الاول
حط ليكوى مولى او فالفولين ولو مش متوفريين عندك حط شيل الترا 10000

**M.A.EL-SATAR** · 07-10-2013 03:42 PM

شباب انا عملت صيانة الاف وحطيت توتال 10000 الصراحة كان صوت العربية زباله وكانت الحر مع التكييف بتشتغل السرعة الثانية بتاعة مروحة الريداتير كتير وانا مش من انصار الزيت انه يقعد كتير في الموتور لان انا مثلا عملت 5000 كم في سنة ورحت الصيانة وغيرت لزيت 20w50 بس الصراحة صوت العربية هدي جدا جدا وبقت ناعمة جدا والمروحة على السرعة الثانية مشتغلتش خالص مع انى كنت في الزحمة وعز الحر ومشغل التكيف

بس كلامكوا عن الزيت المعدنى قلقني الصراحة

السوال بقى استنى شوية بالزيت المعدنى لانه مكملش 200 كم ولا اغيرة فورا خصوصا ان الكتالوج كاتب بفضل زيت 5w30 وموجود جدول الزيوت الاخرى لان لو في مشكله اظن كانوا كتبوا في الكتالوج بدل يفضل كان يجب استخدام او يمنع استخدام وكان التوكيل اجبر الناس انها تستخدمه

السيارة تيدا 2013 6000 كم

**mem** · 08-10-2013 02:19 PM

هو الصوت هدى لان الزيت ده لزوجته تقيله وده غير موصى به لمثل حالتك
لان انت سياراتك جديده فيفضل ان تمشى مع الكاتالوج حفاظا على الموتور
5w30 او 5w40 لكن اللى انت حطيته غير متوافق
والزيت حضرتك بيبقى صلاحيته 5سنوات من دون ان يوضع فى السياره
وفى السياره سنتين وذلك بسبب الاحتكاك والحراره وكمان حضرتك المفروض كل فتره بتشوف الزيت لزوجته ولونه وريحته
لكن لا تجازف فى موتور جديد بزيت معدنى فبالتاكيد مع الوقت سيقلل من عمره اما التخليقى ال 10000 فده بيعطى اقصى حمايه للموتور

**boshbosh** · 09-10-2013 12:40 AM

انا معايا العربيه بتاعتى شاريها مستعمله من اول يد كانت عامله 50000 ومش عارف صاحبها كان بيحط معدنى ولا تخليقى بس للاسف انا مكنش عندى خبره فى موضوع الزيوت ده وغيرت 3 تغييرات على زيت موبيل 3000 معدنى بس خلاص انا عرفت اللى فيها وهغير للزيت التخليقى..
بس دلوقتى عندى سؤال مش فاهم ليه بتقولو لما العربيه تمشى 100000 نرجع تانى نستخدم الزيت المعدنى ليه منكملش دايما بالتخليقى طالما بيحافظ على عمر الموتور..