ليه عاوزين دفع رباعي

**ahmed_eng2001** · 13-11-2013 08:43 AM

مينا ... ربنا يكرموا.... اشتغل بنفسه فى محركات الديزل ..... و لف و راح حتت كتير علشان يعرف و يتعلم ... و هو مقتنع جدا بالمواتير الديزل و انا من المؤيدين له فى هذه النقطة

موتور الديزل عامل زى الصندوق المقفول على نفسه .... تديله ديزل ... و تاخد منه عزم
مفيهوش بوجيهات و لا اسبراتير و لا وصلات كهربائية للمحرك نفسه ..... فانت بكدة تخلصت من مشاكل الكهرباء كلها

معندكش غير طرمبة الديزل .... و دى مشكلتها انها لازم تتظبط كويس عند حد متخصص بيفهم .....
لو طرمبة الديزل مظبوطة .... الموتور ميعملش معاك مشاكل خالص ...... المشكلة انك بتتعب شوية على ما تعرف حد معلم يظبطلك طرمبة الديزل

موتور الديزل .... بيتحمل نسب انضغاط عالية .. و حرارة عالية ... علشان كدة ... محرك الديزل ثقيل الوزن ... و كبير الحجم
بيلاته و سلندراته كبيرة بالمقارنة بالبنزين

روح الديزل فى حاجتين ..... الزيت ... لأنه بيغير زيت على فترات متقاربة .. انا مشفتش مواتير ديزل تغير زيت على 10,000 كم زى البنزين 3000 كم او 5000
الحاجة التانية .... الديزل نفسه .... دورة الديزل كلها و الفلاتر لازم تتنضف كل فترة

**amirz** · 14-11-2013 10:52 AM

بس بالنسبة للصيانات العادية اسعارها كويسة ولا غالية يعني زيوت وفلاتر والحاجات الدورية

**ahmed_eng2001** · 15-11-2013 08:13 PM

اسف ..... بصراحة انا مش فاكر الاسعار دى خالص

**amirz** · 15-11-2013 11:30 PM

ولا يهمك والله انا شايف الديزل برده كويس ربنا يسهل و الاقي حاجة كويسة

**ahmed_eng2001** · 16-11-2013 07:39 PM

ربنا يكرمك فى حاجة كويسة
انا كمان شايف ان مواتير الديزل كويسة جدا
اعذرنى ... انا كنت فى محطة البنزين علشان اشحم العربية و اشيك على زيت الكوارين و كنت فاكر اسأل على سعر الزيت و الفلاتر .... بس اتخانقت معاهم و مسألتهمش

**amirz** · 17-11-2013 03:15 PM

ولا يهمك يا باشا بس اتخانقت ليه خير

**ahmed_eng2001** · 17-11-2013 09:13 PM

عادى يا باشا ....

كانوا عاوزين يدخلوا واحد قبلى فى الدور ..... انا متخانقتش و لا حاجة ... انا بس زعقت و قلتلهم حسبى الله و نعم الوكيل و مشيت ....

انا كنت متضايق منهم علشان عملوا فيها دكاترة و فكوا فلتر الزيت لعربية كابتيفا 2013 ... و صاحبها سأل العامل لو عندو فلتر الزيت بتاعها ... طبعا الصنايعى قاله بكل ثقة ... ايوة طبعا عندى
و جه يركب الى عندو معرفش يركبه علشان المقاس مختلف ... صاحب العربية كان حيتشل و مش عارف يعمل ايه .. الحمج لله ان الفلتر القديم كان كويس .... فركبه تانى

و حصل قبل كدة ..... كنت بشحم صلايب الكردان عندهم .... و ما كنتش مدى خوانة ... بعد فترة صليبة الكردان الامامية باظت ... و لما فكتها لو اجد فيها شحم !!!!!

ده معناه ان الباشا مكانش بيحط فيها شحم .... و بناء عليه ....بعد كدة .... كل مرة كان بيشحم فيها ... انا كنت بنزل معاه تحت العربية علشان اتاكد انه ما بيكروتش

و حصل قبل كدة .... العامل فضى زيت الموتور .... و بعدين راح يفك فلتر الزيت .. معرفش !!!!!! و قال انه مش عارف يفكه !!! يا عم ..... انت الى مركبه اخر مرة ... معلش انا بجد تعبان و مش قادر افكه !!!!!! و بالتالى سبت الفلتر راكب و غيرت الزيت بعد 1000 كم بس علشان اغير الفلتر كمان

فبصراحة ... انا جبت اخرى منهم .... و ان شاء الله انا الى حشحم العربية بنفسى حغير زيت بنفسى ان شاء الله

**amirz** · 18-11-2013 09:53 AM

المشاركة الأصلية كتبت بواسطة ahmed_eng2001

عادى يا باشا ....

كانوا عاوزين يدخلوا واحد قبلى فى الدور ..... انا متخانقتش و لا حاجة ... انا بس زعقت و قلتلهم حسبى الله و نعم الوكيل و مشيت ....

انا كنت متضايق منهم علشان عملوا فيها دكاترة و فكوا فلتر الزيت لعربية كابتيفا 2013 ... و صاحبها سأل العامل لو عندو فلتر الزيت بتاعها ... طبعا الصنايعى قاله بكل ثقة ... ايوة طبعا عندى
و جه يركب الى عندو معرفش يركبه علشان المقاس مختلف ... صاحب العربية كان حيتشل و مش عارف يعمل ايه .. الحمج لله ان الفلتر القديم كان كويس .... فركبه تانى

و حصل قبل كدة ..... كنت بشحم صلايب الكردان عندهم .... و ما كنتش مدى خوانة ... بعد فترة صليبة الكردان الامامية باظت ... و لما فكتها لو اجد فيها شحم !!!!!

ده معناه ان الباشا مكانش بيحط فيها شحم .... و بناء عليه ....بعد كدة .... كل مرة كان بيشحم فيها ... انا كنت بنزل معاه تحت العربية علشان اتاكد انه ما بيكروتش

و حصل قبل كدة .... العامل فضى زيت الموتور .... و بعدين راح يفك فلتر الزيت .. معرفش !!!!!! و قال انه مش عارف يفكه !!! يا عم ..... انت الى مركبه اخر مرة ... معلش انا بجد تعبان و مش قادر افكه !!!!!! و بالتالى سبت الفلتر راكب و غيرت الزيت بعد 1000 كم بس علشان اغير الفلتر كمان

فبصراحة ... انا جبت اخرى منهم .... و ان شاء الله انا الى حشحم العربية بنفسى حغير زيت بنفسى ان شاء الله

طيب يا باشا متشوف حد تانى، انا عن نفسي لما بروح مكان او بتعامل مع صنايعي ويعمل كده او كلامه ميعجبنيش بنفضله ومرحلوش تاني وهو الخسران، اصلها مش عمله نادرة الصنايعية والبنزينات على قفا مين يشيل